Pas problematikve të shfaqura në akset kryesore të vendit për festat e fundvitit, si pasojë e reshjeve të dëborës dhe ngricave, tashmë situata është normalizuar, ndërsa problematike mbeten disa nga akset dytësore në veri të vendit dhe në juglindje.

Sipas Autoriteti Rrugor Shqiptar dhe Drejtorisë së Përgjithshme të Shërbimeve të Transportit Rrugor në disa zona të vendit vazhdon të ketë vështirësi në qarkullim për shkak të motit të keq dhe temperaturave të ulëta, ndërsa theksohet se në pjesën më të madhe, akset janë të kalueshme pa zinxhirë.

Gjithashtu Autoriteti Rrugor Shqiptar i bën thirrje të gjithë drejtuesve që të respektojhnë sinjalistikën rrugore dhe rregullat e qarkullimit për të shmangur aksidentet e mundshme.

Tiranë
Në akset Trau Dajt – Qafë Mollë – Bizë, Trau Dajt – Antena, Qafë Priskë – Shëngjergj nuk ka ngrica në rrugë. Qarkullimi i mjeteve kryhet pa zinxhirë në këto akse rrugore.

Durrës
Nuk ka probleme për qarkullimin e mjeteve.

Elbasan
Aksi Librazhd – Steblevë është i hapur. Aksi Elbasan – Gjinar nuk ka ngrica në rrugë. Qafe Thane –Lin – Pogradec është i hapur. Rekomandohet që të përdoren zinxhirët në këtë aks rrugor.

Berat
Nuk ka probleme për qarkullimin e mjeteve.

Vlorë
Aksi rrugor në Qafën e Llogarasë është i pastruar. Nuk ka probleme për qarkullimin e mjeteve. Qarkullimi i mjeteve kryhet pa zinxhirë në këtë aks rrugor.

Gjirokastër
Nuk ka probleme për qarkullimin e mjeteve. Aksi rrugor Erind -Çajup e hapur totalisht. Nuk ka probleme për qarkullimin e mjeteve. Rekomandohet që të përdoren goma debore ose zinxhirë për mjetet e vogla në aksin rrugor drejt Çajupit.

Korçë
Akset rrugore të këtij Qarku janë të pastruara. Aksi rrugor Korçë - Dardhë ka prani ngricash. Qarkullimi i mjeteve rekomandohet të kryhet me zinxhirë në aksin e Dardhës.

Kukës
Në aksin rrugor Bajram Curri – Kam (në zonën e Luzhës) dhe aksin rrugor Krumë – Qafë Tobli nuk ka bllokime. Qarkullimi i mjeteve në rrugën e Kombit, Tuneli- Kalimash-Kukës –Morinë kryhet pa zinxhirë. Qarkullimi kryhet me zinxhirë vetëm në aksin rrugor: Kukës - Draj, Reç .

Ne akset e tjera si: Domaj – Bushtricë Kukës - Qafë Shllak Kukës –Shishtavec (ura e Zapodit), si dhe në të gjithë zonën e Tropojës dhe Kukësit rruga eshte e hapur dhe kalohet pa zinxhire

Dibër Është hedhur kripë, borëpastrueset janë të instaluara në vend. Rekomandohet që të përdoren zinxhirë në akset rrugore: Ura e Çerenecit – Steblevë Muhurr - Qafë Draj Sllovë - Kalaja e Dodës.

Shkodër
Koha me vranësira dhe rreshje shiu. Në akset rrugore të Pukës dhe Malësisë së Madhe ka ngrica që po trajtohen me kripë. Aksi Qafë Mali - Flet, ka ngrica që po trajtohen me kripë. Borëpastruesja dhe fadroma janë të instaluara në vend. Rekomandohet që të përdoren zinxhirë në akset rrugore: Qafë Mali – Flet Fushë Arrëz – Qafë Shllak

Fier
Nuk ka probleme për qarkullimin e mjeteve.

Lezhë
Akset rrugore të këtij Qarku janë të pastruara. Rruga e Kombit është e hapur. Në aksin rrugor Tuneli Kalimash - Kukës – Morinë qarkullimi i mjeteve kryhet pa zinxhirë. Qarkullimi i mjeteve kryhet pa zinxhirë edhe në akset rrugore: Rrëshen - Qafë Benë Shpal - Ura e Repsit.

Redaksia Online
(e.c/shqiptarja.com)