Reshjet e dëborës të rëna gjatë mbrëmjes së djeshme, veçanërisht në zonat malore, kanë risjellë vështirësi dhe ngrica në qarkullimin e automjeteve në disa akse kryesore të vendit. Lajmi bëhet i ditur nga Autoriteti Rrugor Shqiptar (ARRSH ) dhe Drejtoria e Përgjithshme e Shërbimeve të Transportit Rrugor (DPSHTRR) të cilët janë duke ndjekur situatën e akseve rrugore pas reshjeve të dëborës që kanë rënë gjatë ditëve te fundit.

Sipas ARRSH, situata paraqitet e ndryshuar, nga ajo e ditës së djeshme, pasi reshjet e dëborës kanë filluar sërish. Vështirësi qarkullimi paraqiten në Kukës, ku reshjet e dëborës të rëna gjatë mbrëmjes dhe erërat e forta, kanë krijuar ngrica në rrugë. Sipas ARRSH, pavarësisht kriposjes së rrugës, rekomandohet që qarkullimi të kryehet me zinxhirë.

Gjithashtu vështirësi paraqiten edhe në qarkun e Dibrës dhe të Shkodrës, ku rekomandohet përdorimi i zinxhirëve nga ana e drejtuesve.

Probematike paraqitet situata edhe në qarkun e Elbasanit, ku erërat e forta dhe rrëshqitjet, kanë krijuar vështirësi në qarkullim. Kështu Aksi Elbasan – Gjinar kalohet normalisht, por për shkak të shembjes në Shelcan është i pakalueshem për mjetet e rënda. Gjithashtu rekomandohet përdorimi i zinxhirëve në akset e këtij qarku, veçanërisht në segmentin Lunik –Steblevë.

Sa i përket qarkut të Korçës, ka pasur një bllokim të rrugës jo për shkak të situates në rrugë, pasi ky aks është plotësisht i kalueshëm, por nga një trajler. Pas marrjes së masave është bërë i mundur zhbllokimi i situatës.

Sipas njoftimit të ARSSH në këtë qark duhet bërë kujdes gjatë mbrëmjes, pasi pritet një ulje e mëtejshme e temperaturave duke rekomanduar kështu përdorimin e zinxhirëve. E njëjta situatë rekomandohet edhe në qarkun e Beratit. 

Nga ana e saj ARRSH u bën thirrje të gjithë drejtuesve të mjeteve, për të zbatuar rregullat e qarkullimit

Më poshtë situata e akseve rrugore në të gjitha qarqet e vendit:

Qarku Tiranë
Ne akset Trau Dajt – Qafë Mollë – Bizë, Trau Dajt – Antena, Qafë Priskë – Shëngjergj kalimi kryhet normalisht. Qarkullimi kryhet pa zinxhire, por rekomandohet kujdes ne vendet qe nuk i ze dielli, sidomos ne aksin Qafe Molle-Bize

Qarku Durrës
Nuk ka probleme ne akset e ketij qarku. Te behet kujdes ne qarkullim, pasi ka trafik ne akset e ketij qarku.

Qarku Elbasan
Aksi Librazhd – Steblevë eshte i hapur, por ka ngrica dhe kalimi kryhet me zinxhire. Aksi Elbasan – Gjinar kalohet normalisht, por per shkak te shembjes ne Shelcan eshte i pakalueshem per mjetet e renda. Shembja ne aksin Cerrik – Banje eshte eleminuar.Tani kalimi kryhet normalisht. Ne aksin Elbasan-Librazhd-Qafe Thane,pati rreth 30 min rreshje bore, por aksi eshte i paster. Eshte bere spërkatje me kripe. Duhen perdorur zinxhiret sidomos ne segmentin Lunik –Stebleve. Ne akset e tjera te behet kujdes nga ngricat ne rruge.

Qarku Berat
Ne segmentin Kthesa Gllave – Antena ka prani te ngricave. Edhe ne segmentin Bogove – Kakruke ka prani ngricash ne oret e mengjesit dhe mbremjes. Nuk ka probleme per qarkullimin e mjeteve ne akset e tjera te ketij qarku. Te behet kujdes ne segmentet rrugore ku punohet. Qarkullimi ne segmentin Kthesa Gllave-Antena duhet te behet me zinxhire. Rekomandohet qarkullimi me zinxhire edhe ne segmentin Bogove-Kakruke.

Qarku Vlorë
Nuk ka probleme per qarkullimin ne te gjitha akset e ketij qarku.Qarkullimi kryhet normalisht ne te gjitha akset. Por ne oret e para te mengjesit dhe ne oret e mbremjes te behet kujdes nga ngricat ne aksin e Llogorase.

Qarku Gjirokaster
Nuk ka probleme per qarkullimin ne te gjitha akset e ketij Qarku. Rekomandohet ecja e kujdesshme , sidomos ne oret e mbremjes, pasi me uljen e temperaturave mund te formohen ngrica ne rruge.

Qarku Korçe
Gjate dites kane qene temperaturat rreth 0 grade, vazhdon te kryhet kriposja nga ana e Kontraktoreve ne kthesat e hijezuara per te vijuar kalueshmeria e mjeteve pa probleme. Qarkullimi kryhet pa zinxhire ne te gjitha akset e qarkut te Korçes. Por ne oret e mbremjes, nga temperaturat e uleta ka segmente rrugore ku formohen ngrica. Prandaj rekomandohet qe mjetet qarkullojne me zinxhire ne oret e para te mengjesit dhe ne oret e mbremjes.

Qarku Kukes
Ne kete qark ka patur rreshje bore, te cilat njoftohemi se kane pushuar. Eshte bere pastrimi i rrugeve dhe jane sperkatur me kripe. Shume akse qarkullohen pa zinxhire. Ne akset K.Domaj-Draj Reç dhe Bajram Curri-Kam ( sidomos ne Qafen e Luzhes) ka prani ngricash. Ne aksin Bajram Curri – Qafe Morine, ka ngrica ne rruge nga ererat e forta dhe temperaturave te uleta. Qarkullimi rekomandohet te behet me zinxhire ne keto akse: Bajram Curri-Kam (ne Qafen e Luzhes) dhe K.Domaj – Draj Reç , per shkak te temperaturave shume te uleta dhe ngricave ne rruge.Qarkullimi ne aksin Bajram Curri – Valbone dhe B.Curri – Q. Morine rekomandohet te kryhet me zinxhire.

Qarku Diber
Vazhdon hedhja e kripes ,per shkak te temperaturave shume te uleta. Ka prani ngricash ne akset Ura e Cerenecit-Stebleve, Peshkopi – Qafe Draj, Qafe Bualli-Kraste. Ne aksin Skurraj – Burrel ka patur renie guresh ne rruge, por kontraktori ka marre menjehere masat per pastrimin e saj. Qarkullimi rekomandohet te kryhet me zinxhire ne aksin Ura e Cerenecit-Stebleve, ne aksin Qafe Bualli-Kraste, dhe ne segmentet Muhurr-Qafe Draj dhe Sllove-Kalaja e Dodes. Kalimi me zinxhire behet edhe ne aksin U.Qytezes – Zerqan.

Qarku Shkoder
Per shkak te temperatura te uleta, po behet trajtimi me kripe i akseve. Ne segmentin nga fshati Vrith deri ne Razem ka prani ngricash ne e para te dites. Njoftohemi se ka patur rreshje bore edhe ne Puke per nje kohe te shkurter, por tani rruget jane pastruar dhe qarkullimi kryhet normalisht. Qarkullimi kryhet pa zinxhire ne te gjithe akset. Te behet kujdes nga ngricat ne oret e para te dites dhe ne oret e mbremjes, pasi temperaturat jane te uleta .

Qarku Fier
Nuk ka probleme per qarkullimin. Te behet kujdes ne levizje, per shkak te fluksit te madh te makinave ne superstraden Fier – Lushnje

Qarku Lezhe
Nuk ka probleme per qarkullimin. Te gjitha akset jane te pastruar, por vazhdon trajtimi me kripe per shkak te temperaturave te uleta. Te gjitha akset qarkullohen pa zinxhire. Qarkullimi kryhet pa zinxhire gjate gjithe aksit Rreshen – Tuneli Thirre.


Redaksia Online
(e.c/shqiptarja.com)