POP 5

Lajmet më të lexuara të 5 minutave të fundit

Arsenal paguan City-n për Jesus, 'qytetarët' blejnë mesfushor për 58 milionë euro! Botman lë thatë Milanin, 'djalli' në sulm për Ziych

Sulmuesi brazilian Jesus është shumë pranë kalimit te Arsenal nga Manchester City për 52 milionë euro. Ndërkohë Milan ka humbur objektivin Botman që është transferuar te Newcastle, ndërsa tani ‘djalli’ është hedhur në sulm për anësorin e Chelsea-s Zijek.

Gabriel Jesus është shumë pranë transferimit te Arsenal. Braziliani i programuar për të qenë ‘bomberi’ i Manchester City-t nuk bindi pas ikjes së Aguerro-s dhe për këtë arsye u ble Halaand, ndërsa tani gjasat janë të provojë një aventurë të re në Londër. Dy klubet kanë arritur marrëveshjen për 52 milionë euro, ndërsa ‘topçinjtë’ po punojnë për të gjetur një marrëveshje me futbollistin 25-vjeçar.

Sakaq Manchester City është përforcuar në mesfushë me lojatin e kombëtares angleze Kalvin Philips. Leeds ka pranuar ofertën e skuadrës së Guardiolës që kap totalin e 58 milionë eurove, ndërsa vetë 26-vjeçari ka refuzuar disa klube për Manchester City-n.

Leeds ndërkohë është në negociata me Arsenal dhe Tottenham për të shitur yllin brazilian Rapinha. Dy klubet londineze po tentojnë ofertat për të bindur Leeds, por vetë 25-vjeçari dëshiron Barceloën dhe katalanasit duan atë. Për momentin pengesa më e madhe është kërkesë e klubit anglez për më shumë se 70 milionë euro, që Barcelona nuk është e gatshme për të paguar.

Ndërkohë Milan ka humbur betejën për mbrojtësin e Lille Sven Botman. Ky i fundit mund të konsiderohet lojtarë i Neëcastle, që ka paguar 37 milionë euro për 22-vjeçarin nga Holanda. Në Angli janë përcaktuar të gjithë detajet si vizitat mjekësore dhe prezantimi i futbollistit.

Për kampionët e Italisë, Milanin, është hapur mundësia për transferimin e anësorit Hakim Ziyech. ‘Djalli’ aktualisht është në negociata me agjentët e futbollistit, ndërsa Chelsea mund të pranojë huazimin me të drejtë blerje që mund të shkojë deri në 25 milionë euro.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Po strehohej në Kosovë për shkak të luftës, ndërron jetë gazetarja ukrainase

Po strehohej në Kosovë për shkak të luftës, ndërron jetë gazetarja ukrainase

22 Janar, 16:34