TIRANE- Ministria e Arsimit ndryshon mënyrën se si do të përzgjidhen tekstet shkollore për vitin e ardhshëm. Udhëzimi i ministres Lindita Nikolla përcakton se do të jenë mësuesit që do përzgjedhin tekstet shkollore, në bashkëpunim me prindërit.

Mësuesit do të plotësojnë një formular për tekstet shkollore që do të përzgjedhë dhe i gjithe procesi do të zhvillohet në mënyrë të fshehtë, që shtëpitë botuese të mos ndikojnë në vendimin e tyre. “Në të gjitha shkollat e arsimit parauniversitar, drejtori i shkollës do tu krijojë mundësinë mësuesve që të njohin katalogun e MAS për tekstet shkollore 2015-2016.