POP 5

Lajmet më të lexuara të 5 minutave të fundit

Arkiva

Arsimi parashkollor-Nikolla: Kurrikula gjithëpërfshirëse dhe trajnime për mësuesit

TIRANË, 24 nëntor/ATSH-Z.Tosku/- Fëmijët nga shtresat në nevojë, përfshirë dhe komunitetin rom, vazhdojnë të mos kenë akses në programet e zhvillimit të fëmijërisë së hershme. Kjo ishte një nga pikat e diskutuara dhe të prekura ditën e sotme në konferencën  për “Prezantimin e vizionit të arsimit parashkollor”, të organizuar nga Ministria e Arsimit dhe Sportit […]
/ATSH-Z.Tosku/- Fëmijët nga shtresat në nevojë, përfshirë dhe komunitetin rom, vazhdojnë të mos kenë akses në programet e zhvillimit të fëmijërisë së hershme.
Kjo ishte një nga pikat e diskutuara dhe të prekura ditën e sotme në konferencën  për "Prezantimin e vizionit të arsimit parashkollor", të organizuar nga Ministria e Arsimit dhe Sportit në bashkëpunim me UNICEF.

Në takim morën pjesë, ministrja e Arsimit dhe Sportit Lindita Nikolla, përfaqësuesja e UNICEF në Shqipëri, Antonella Scolamiero, Drejtori i Institucionit të Zhvillimit të Arsimit, Geri Janaqi.

Sipas raportit, ministrja e Arsimit Lindita Nikolla nënvizoi mesataren e fëmijëve për grup në kopshtet publike dhe private, sipas së cilës, përkatësisht janë 21 fëmijë në sektorin publik dhe 18 në atë privat.

Sipas saj, është duke u punuar në kuadër të kurrikulave, programeve dhe udhëzuesve për arsimin parashkollor, si baza e arsimit të mëtejshëm.

Ndërkaq, Nikolla u shpreh se " jemi duke investuar tek arsimi parashkollor, duke u përkujdesur për vogëlushët , për gjithëpërfshirje dhe barazi midis tyre".
Gjatë fjalës së saj, ajo nënvizoi se fëmijët e regjistruar në klasën e parë këtë vit, përbënin rreth 89% të fëmijëve të ardhur nga arsimi parashkollor.
Në aspektin organizativ, sot në vend funksionojnë 455 klasa përgatitore, 72 më shumë se vitin e kaluar.

"Për herë të parë fëmijët shqiptarë do të kenë një kurrikul që orientohet nga kornizat kurikulare për arsimin parauniversitar",  tha Nikolla.

Ajo shtoi gjithashtu se "ne po kujdesemi që çdo ditë jeta e këtyre vogëlushëve të jetë e mbushur me dije dhe infrastrukturën e nevojshme në përputhje me standardet europiane".
Përfaqësuesja e UNICEF në Shqipëri, Antonella Scolamiero u shpreh se "Shqipëria nuk është vetëm në këtë iniciativë, por UNICEF do të vazhdojë të mbështesë Ministrinë e Arsimit dhe reformat vendimtare që do të ndërmerren në edukimin parashkollor, të cilat shmangin pabarazitë dhe përmirësojnë cilësinë e arsimit".

Gjatë prezantimit të informacioneve të detajuara për kurrikulat e reja në arsimin parashkollor, rëndësi u është dhënë edhe trajnimit të mësuesve por edhe prani të psikologëve nëpër institucione të ndryshme të arsimit parashkollor.

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50