TIRANE- Arta Marku i dorëzoi sot detyrën kryeprokurorit të ri Olsian Çela, që u votua dje nga parlamenti për të drejtuar organin e akuzës për 7 vitet e ardhshme. Drejtuesi i ri i prokurorisë u shpreh në fjalën e tij të parë në institucionin që do të drejtojë se vendi ndodhet një fazë të vështirë, pasi po përballet me një krizë për shkak të tërmetit tragjik. Çela kërkoi nga prokurorët që të jenë në lartësinë e detyrës për këtë situatë, pasi njerëzit presin drejtësi për ndertuesit abuzues. Gjithashtu ai tha se roli i prokurorisë do të jetë kryesor që Shqipëria të jetë pjesë e BE-së.
"Ndoshta është hera e parë që kalon detyra në këtë mënyrë në këtë institucion. Transparenca është mënyra më e mirë për të rritur besimin e institucioneve dhe te publiku. Falenderoj dhe vlerësoj Markun për këtë punë në këto dy vite, në një fazë tranzicioni, ku vendi është përballur me mjaft probleme të mëdha. Ajo ka bërë më të mirën e mundshme. Tani hyjmë në një fazë të re, ku po ndërtohen institucionet e reja të drejtësisë. Prokuroria ka pësuar ndryshime rrënjësore, kjo kërkon një angazhim të ri dhe konceptim të ri si duhet të funksionojë ky organ. Kemi kapacitetet për t'i dhënë vendit një të ardhme më të mirë, që Shqipëria të bëhet pjesë e familjes së BE, rezultatet e punës sonë kanë rëndësi të jashtëzakonshme. Në këto kushte, unë mendoj se ka tashmë ka mundësi që Kryeprokurori mund të japë kontribut për t'u dhënë jetë ideve të reja.
Sot ne ndodhemi në një fazë të vështirë, vendi po përballet me një krizë për shkak të ngjarjeve të fundit të muajit nëntor. Përgjigja që prokuroria duhet të japë në rastin konkret duhet të jetë, spikasë në raport me atë që po bëjnë institucionet e tjera, pasi njerëzit kërkojnë drejtësi, dhe gjërat të bëhen konkrete. Është një rast që jemi në lartësinë e asaj që pret vendi dhe njerëzit presin. Do të gjejmë të gjithë mekanizmat për të arritur atë që populli pret në raport me prokurorinë. Cdo gjë nuk shkon, vaj ndryshimet gjithmonë janë pozitive. Vendi është në rrugën e duhur dhe e ardhmja do të jetë më e mirë" tha kryeprokurori i ri Olsian Çela.\
Në momentin e dorëzimit të detyrës nga Arta Marku te Kryeprokurori i ri, jo gjithcka ka shkuar mirë, pasi teksa po mbante fjalën e parë mikrofoni kishte probleme. Këtë moment, Olsian Çela e ka kaluar me një batutë dhe buzëqeshje. "Po tani jemi në rregull, filluam me probleme...".
Pas dorëzimit të detyrës, ish-kryeprokurorja e përkohshme Arta Marku është larguar nga institucioni me taksi. Gazetari i Report Tv, Arsen Rusta raporton se Marku prej një jave është kthyer me banim në Shkodër, pasi në Tiranë i është prishur banesa nga tërmeti, shtëpia që kishte me qira, në njërën nga lagjet pranë Prokurorisë së Përgjithshme. Arta Marku është anëtare e Këshillit të Emërimeve në Drejtësi, pasi u zgjodh dje, ndërsa tashmë pritet të vendoset në cilën prokurori do të vijojë karrierën.
Momenti kur Arta Marku largohet me taksi nga Prokuroria e Pergjithshme
Ish-kryeprokurorja Arta Marku e dorëzoi detyrën mes emocioneve duke kërkuar ndjesë për frymëmarrjen, por e justifikoi me ngjitjen e shkallëve, ndërsa u shpreh e lumtur që detyrën ia pason ish-shokut të klasës duke besuar se do të bëjë mirë. "Më falni për frymëmarrjen se kam ngjitur shkallët. Jam përkushtuar ta bëj detyrën me përkushtim dhe integritet. Falenderoj të gjithë stafin që më kanë ndihmuar në përballimin e cdo sfide. Puna më ka dhënë një eksperiencë të shkëlqyer profesionale dhe njerëzore.
Falenderoj përfaqësuesit e OPDAT dhe Euralius. Falenderoj median për hapësirën që më keni kushtuar. Urime prokurorit të ri të përgjithshëm, kam besim se prokuroria do të ecë përpara. Jam shumë e lumtur që detyrën ia pasoj një ish-shoku tim të klasës dhe jam e sigurt që do ia kaloni mirë me atë" tha Arta Marku.
Komente
Lajme të tjera
-
Diskutime të forta te Ligjet, Bardhi: ‘Prokurori i Përgjithshëm injoroi Kuvendin, pse nuk vjen të mbrojë Buxhetin?!’ Bushka: Ka angazhime të tjera
8 Nëntor, 13:05 -
Prokuroria e Përgjithshme marrëveshje me Belgjikën, në fokus lufta ndaj krimit dhe pastrimit të parave
7 Nëntor, 16:34 -
Prokurori i Përgjithshëm, Olsian Çela takon homologen holandeze, prioritet goditja e aseteve kriminale
6 Nëntor, 19:57 -
Institucionet e drejtësisë refuzojnë komisionin ‘Antikorrupsion’, vetëm KLP cakton dy anëtarë! Prokuroria e Përgjithshme dhe KLGJ nuk marrin pjesë: Gati të japim opinion
4 Tetor, 11:10 -
Komisioni antikorrupsion/ SHBA, Britania dhe BE: S'ka kthim pas të reformës në Drejtësi! Gonzato: Zbatoni vendimet e Kushtetueses siç janë
26 Shtator, 11:28 -
Kryebashkiaku i Hasit 'shpëton' nga ligji i dekriminalizimit, KQZ: Do të vazhdojë detyrën
9 Shtator, 11:11 -
Raportet vjetore 2023, Çela: Kam kërkuar përshpejtim të hetimeve për Mikrokreditë! Akuzat politike minojnë besimin
15 Korrik, 20:58 -
‘Paguheni kot si prokuror’ Bardhi përplaset me Çelën në Kuvend! Kryeprokurori: Përmbajuni kuadrit ligjor që trajton ky raport
15 Korrik, 11:53 -
‘Drejtësia’ nesër në Kuvend! Altin Dumani para deputetëve prezanton raportin e SPAK
14 Korrik, 11:56 -
Siguria e gazetarëve/ Prokurori Olsian Çela takon drejtuesen e Zyrës së KiE në Tiranë: Do trajnojmë oficerët e policisë gjyqësore për lirinë e shprehjes
11 Korrik, 18:26 -
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30 -
Grupe të përbashkëta Shqipëri dhe përshpejtimin e ekzekutimit të letërporosive
14 Qershor, 09:50
Gerdeci ,21 janari ,Sokol Olldashi kush do i hetoje ?
PërgjigjuShqipnija ka tash 30 vjete si bjen termete dhe po presim dreci.
Përgjigju