Artistet që u bënë mama në vitin 2011

Viti që lamë pas ka qenë shumë i mbarë për shumë artiste në aspektin familjar pasi shumë prej tyre u bënë mama për here të parë, madje shumica e tyre sollën në jetë vajza. E para në listë është këngëtarja kosovare Edona Llalloshi, e cila solli në jetë vajzën e saj Doan. Në gusht një tjetër artiste, këngëtarja e njohur shqiptare Poni u bë nënë, duke lindur një vogëlush që e ka pagëzuar me emrin Frenki. Për të parën herë prind u bë edhe Inis Gjoni, e cila e quajti vajzën e saj Coco Antonel. Të njëjtin emocion përjetoi edhe Aurela Gaçe e cila u bë nënë për të parën herë, duke sjellë në jetë në nëntor Grace. Një vit i mbarë ka qenë edhe për Vikena Kamenica, e cila solli në jetë me shëndet të plotë, vajzën e saj Krista. Gjatë vitit 2011 lindën edhe të tjera yje të skenës shqiptare si këngëtarja Elsa Lila, dhe moderatoret Alketa Vejsiu dhe Xhemi Shehu. E fundit, ishte Jonida Maliqi, që natën e Krishlindjes u bë mama në sajë të ardhjes në jetë të djali të saj që e quajti Dan.