Artistja Mia Enell çel ekspozitën
“Tani, tani, tani” në kryeministri

Artistja suedeze, Mia Enell, do të çel këtë tw martë në COD në kryeministri një ekspozitë të veçantë ku shfaqen vepra në dukje fëminore. Veprat e saj shpesh kanë një shpjegim psiko-analitik që lidhet me shqetësimet dhe anomalitë e individit në kohët moderne.

Mia Enell, artisja e njohur suedeze do të sjell në sallën COD, në Kryeministri ekspozitën e titulluar “Tani, tani, tani”. Ekspozita do të çelet më 9 janar.

Shpesh pikturat e saj me konture të zbehta, grafika dhe personazhe ngjajnë me të fëmijëve, sepse Enell punon e frymëzuar drejtpërsëdrejti nga ëndrrat.

Në veprën e saj shfaqen imazhe dhe skenat sureale që ajo i hedh herë-pas-here drejtpërdrejtë mbi letër ose mbi kanavacë.

Në skicat dhe vizatimet e saj, duket se Enell pajtohet me përkufizimin themelor të Frojdit se shqetësimet e pacientit janë të rrënjosura në një anomali të përgjithshme, në një sëmundje që nuk mund të shërohet dot nga terapia psiko-analitike.

Subjektet e saj, shpesh janë njerëzit në moshë të mesme. Këta njerëz na vështrojnë në sy, të kapur në një ankth metafizik, ndonjëherë të trembur, e shpesh të hutuar, të pasigurt për vendin e tyre në botë.

Ekspozita është kuruar nga Genti Gjikola dhe William Stover.

Me veprat e kësaj ekspozite Enell ka fituar çmimi e Kulturës në Nju Jork në vitin 2004. Mia Enell ka punuar edhe në zhanre të tjera dhe me materiale të ndryshme – fotografi, video, skulpturë.

[gallery]25299[/gallery]

Redaksia Online
A.Gj/Shqiptarja.com