POP 5

Lajmet më të lexuara të 5 minutave të fundit

Opinion

Artur Ajazi: Mosbindje civile, apo mungesë qytetarie

Protestat e opozitës, që prej disa ditësh nënkuptojnë me demek “mosbindje civile”, ka vendosur ti kthehet rrethrrotullimeve. Pra, të bllokojë trafikun e mjeteve, edhe pse dikush ka halle dhe probleme, edhe pse institucionet e shtetit kanë ngarkesën e tyre për jetën e qytetarëve

Artur Ajazi: Mosbindje civile, apo mungesë qytetarie

Protestat e opozitës, që prej disa ditësh nënkuptojnë me demek “mosbindje civile”, ka vendosur ti kthehet rrethrrotullimeve. Pra, të bllokojë trafikun e mjeteve, edhe pse dikush ka halle dhe probleme, edhe pse institucionet e shtetit kanë ngarkesën e tyre për jetën e qytetarëve. Berisha doli nga banesa e tij online, dhe tha se “kemi vendosur ti tregojmë kësaj narkoqeverie se ne jemi të vendosur në aksionin tone, o sot o kurrë”.

Në protestën e kaluar, një grua shtatzënë, e lindi fëmijën e saj në autoambulancë. Tani rradhën e kanë rrethrrotullimet. Në raste të tilla, askush nuk fiton, aq më tepër opozita e cila pretendon se me “bllokime aksesh rrugore, do të largojë qeverisjen Rama”. Duhet të jesh dritëshkurtër si politikan, të besosh se 6 muaj para zgjedhjeve, të fitosh ca vota më tepër, duke ngritur mbështetësit e tu, dhe duke bllokuar për 3 orë rrethrrotullimet kryesore të akseve rrugore të vendit. Normalisht që kjo, quhet mungesë qytetarie, dhe jo “mosbindje civile”. Atëhere në rast se është mosbindje civile, deputetët e PD-së nuk duhet të shkelin në Parlament, as këshilltarët demokratë të bashkive, nuk duhet të shkojnë në mbledhjet e Këshillave Bashkiake, apo dhe të tjerë opozitarë që janë pjesë e qeverisjes lokale. Dhe më kryesorja, mosbindje civile, ka kur vendi është nën regjime totalitare, apo kur qeverisin bandat dhe trafikantët. Në Shqipëri, pushtetin e ka Partia Socialiste, e cila prej 2013, fiton në çdo raud zgjedhjesh me shumicën e votave të shqiptarëve. Shqipëria është vend anëtar i NATO-s, dhe anëtar me të drejta të plota në disa struktura të rëndësishme Euroatlantike.

Atëhere, ç’hyn këtu mosbindja civile ? Opozita e cila ndjehet e pafuqishme të organizojë tubime me shumicën e qytetarëve, po shfrytëzon ndoshta “kartën” e fundit, të cilën e quan “mosbindje civile”. Shqiptarët, dhe veçanarisht demokratët janë lodhur me “aksionet opozitare”, apo me ultimatumet “o sot, o kurrë”. Fushata pothuajse ka nisur. Kjo padyshim mbetet fusha më e mirë ose “mejdani”, ku do të duken vlerat e atyre që u “dhimbset vatani dhe populli”. Duhet të dalin në terren, të takohen me popull, tu flasin mbi programin e tyre, dhe të shohin pastaj rezultatin. Kjo bind më shumë se “mosbindja civile dhe bllokimi i rrethrrotullimeve”.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16