Zërat për një transferim të tillë kanë dalë prej disa ditësh, por shtypi anglez, në kërkim të një “treguesi” për ta bërë më të besueshëm, ka “zbuluar” se kiliani i ka bërë “like” një fotoje në Instagram ku flitet për bashkimin e mundshëm me Conten.
Fotoja shfaq një moment festimi mes tij e trajnerit, që nga koha kur të dy ishin te Juventus. Vështirë të kuptosh nëse Vidal thjesht ka shprehur kënaqësinë për një moment që i sjell në kujtesë sukseset në Itali, apo i pëlqen vërtet transferimi në Londër.
Sido që të jetë, bëhet fjalë për një operacion që mund të marrë jetë vetëm në verë, duke ditur rëndësinë e lojtarit në planet e trajnerit Carlo Ancelotti dhe synimet që Bayern ka në Champions League.
Fotoja së cilës Vidal i ka bërë "like" në Instagram, duke çliruar fantazinë e tabloidëve
d.i./Shqiptarja.com