Kryeministri Edi Rama dhe kryeministri i Kosovës Albin Kurtin kanë ndjekur nga afër kombëtaren kuqezi, në ndeshjen e rëndësishme përballë Çekisë në stadiumin "Air Albania".

Në fotot e siguruara nga Report Tv vihet re distanca mes dy kryeministrave, pasi Rama ndodhet në zonën vip në katin e parë e ndërsa Kurti në të dytin. 

Nuk dihet nëse ka pasur më parë një shtrëngim duarsh, por Rama dhe Kurti po e ndjekin në distancë ndeshjen. Nga fotot vihet re se Rama shoqërohet nga bashkëshortja, djali i vogël Zaho, Armand Duka dhe Taulant Balla. 

Ndërkohë që Kurti shihet së bashku me djalin e Adem Jasharit, si dhe në krah të tij është zv.kryeministrja dhe ministrja e Infrastrukturës, Belinda Balluku.

Ardhja e Albin Kurtit në Tiranë, pas qëndrimit kritik të Ramës ndaj tij për situatën në veri të Kosovës, ka krijuar polemika.

Rama e akuzoi homologun kosovar sot në Kuvend duke thënë se dobësoi diplomatikisht Kosovën në arenën ndërkombëtare dhe se sipas tij 'sulmon' qeverinë shqiptare për politikë të brendshme elektorale. 

Rendit zhvillimet sipas orarit:
Ora 00:10
Fitorja me Çekinë, edhe ministri i Brendshëm i Kosovës krah Albin Kurtit dhe djalit të Adem Jasharit ishin në 'Air Albania'

Edhe ministri I Brendshëm i Kosovës, Xhelal Sveçla ka qenë në stadiumin “Air Albania” për të parë ndeshjen fantastike të Shqipërisë përballë Çekisë. Në një foto të publikuar në rrjetet sociale ai duket i ulur krah kryeministrit Albin Kurti dhe djalit të heroit të Adem Jasharit.

S.G/Shqiptarja.com