POP 5

Lajmet më të lexuara të 5 minutave të fundit

Sport

‘AS’: Shqiponja dyshe e Xhakës dhe Shaqirit irritoi edhe Putinin

Festimi i diskutueshëm i Xhakës dhe Shaqirit në momentin e golave të tyre kundër serbëve ka peshuar aq shumë në vendin organizator të Botërorit. 
‘AS’: Shqiponja dyshe e Xhakës dhe Shaqirit irritoi edhe Putinin

Granit Xhaka duke festuar me simbolin e shqiponjës gjatë ndeshjes Serbi-Zvicër

Rusët janë kundër pavarësisë së Kosovës dhe Putini është aleati kryesor i Serbisë, ashtu siç ishte vendi i tij gjatë Luftës Ballkanike dhe më vonë. Kjo është arsyeja pse festimi i diskutueshëm i Xhakës dhe Shaqirit në momentin e golave të tyre kundër serbëve ka peshuar aq shumë në vendin organizator të Botërorit. 

Të dy e bënë me duart e tyre simbolin e “shqiponjës” shqiptare, një gjest që ka kaluar nëpër tërë botën për shkak të komponentit të tij të fortë politik. Familjet shqiptaro-kosovare të Xhakës dhe Shaqirit janë dy nga mijëra, që duhej të largoheshin gjatë luftës për t’u vendosur në Zvicër, ku ata kanë zënë rrënjë.

Përkundër kësaj, ata nuk i fshehin ndjenjat e tyre dhe madje vëllai i Xhakës, Taulanti, është ndërkombëtar me Shqipërinë. Në rastin e Granitit jo, sepse ai mendonte se ishte lojtar me një projeksion më të madh dhe me Zvicrën do të kishte më shumë mundësi për të shkëlqyer në turne të mëdhenj, siç po ndodh edhe me Shaqirin. 

Duke parë këtë gjest në Kupën e Botës dhe në territorin ku ka ndodhur, janë goditur rusët. Sidomos Putini, i cili në ceremoninë e hapjes së Botërorit mbajti një fjalim prej më shumë se dy minutash (diçka e pazakontë në Kupat e Botës), në të cilën i mirëpriti vizitorët e huaj dhe u kërkoi atyre të jetojnë në harmoni dhe paqe. 

Por, përkundrazi, sipas tyre, gjesti i bërë nga lojtarët shqiptarë të Zvicrës, një provokim ndaj Serbisë dhe në vijim Rusisë, do të duhet të merret në analizë nga FIFA, për të mos shkuar më tej.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Perkundrazi: 24/06/2018 00:03

    Futja kot..,c"lidhje ka..,shqiponja dhe simbole te tjera nuk eshte e ndaluar..,aq me teper qe eshte edhe ne Flamurin rus..,gjithashtu...,!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35