Asambleja e Përgjithshme e OKB-së ka miratuar një rezolutë që njeh Palestinën si të kualifikuar për t'u bërë anëtare e plotë e Kombeve të Bashkuara dhe rekomandon që Këshilli i Sigurimit "të rishqyrtojë çështjen në mënyrë të favorshme". Drita jeshile nga CDS (ku SHBA vuri veton muajin e kaluar) është një kusht i domosdoshëm për çdo miratim të plotë.
Rezoluta mori 143 vota pro, 9 kundër dhe 25 abstenime, mes tyre dhe Shqipëria. Izraeli e quajti miratimin e rezolutës një vendim të turpshëm që shpërblen Hamasin.
"Mesazhi që OKB-ja i dërgon rajonit tonë të vuajtur është se dhuna shpërblehet”, tha ministri i Jashtëm izraelit, Israel Katz.
“Izraeli është mirënjohës për të gjitha ato vende që nuk votuan pro ose nuk bashkëpunuan me këtë lëvizje të shtrembëruar, duke zgjedhur të jenë në të djathtë ana e historisë dhe moralit", vijoi ai.
Vendet e tjera që abstenuan janë, Bullgaria, Austria, Kanadaja, Kroacia, Fixhi, Finlanda, Gjeorgjia, Gjermania, Letonia, Lituania, Ishulli Marshall, Hollanda, Maqedonia e Veriut, Moldavia, Paraguaj, Rumania, Vanuatu, Malavi, Principata e Monakos, Ukraina, Britania e Madhe, Suedia dhe Zvicra.
Ndërsa nëntë vendet që votuan kundër janë SHBA, Izraeli, Palau, Nauru, Mikronezia, Papua Guinea e Re, Hungaria, Argjentina dhe Republika Çeke.
Zëvendës ambasadori amerikan në OKB Robert Ëood e bëri të qartë se administrata e Biden është kundër rezolutës së Asamblesë.
“Kemi qenë shumë të qartë që në fillim se rruga për të bërë të mundur anëtarësimin e plotë të Autoritetit Palestinez në Kombet e Bashkuara është përmes negociatave me Izraelin. Ky vazhdon të jetë qëndrimi ynë”, tha ai.
Në 18 prill, Shtetet e Bashkuara i vunë veton një projektrezolute në Këshillin e Sigurimit, të mbështetur gjerësisht, që do t’i kishte hapur udhë anëtarësimit me të drejta të plotë të Autoritetit Palestinez në Kombet e Bashkuara, një synimi të kahershëm të palestinezëve që Izraeli është përpjekur ta pengojë.
Sipas Kartës së Kombeve të Bashkuara, vendet që synojnë anëtarësimin duhet të “jenë të angazhuara për paqe” dhe Këshilli i Sigurimit duhet t’ia rekomandojë pranimin e tyre Asamblesë së Përgjithshme, e cila bën miratimin përfundimtar. Territoret palestineze morën statusin e shtetit vëzhgues, jo-anëtar të OKB-së, në vitin 2012.
Rezoluta “përcakton” se Autoriteti Palestinez do të kualifikohej për anëtarësim, duke hequr terminologjinë fillestare që në gjykimin e Asamblesë së Përgjthshme “është një shtet i angazhuar për paqe”. Bazuar në këtë, i rekomandohet Këshillit të Sigurimit që të rishqyrtojë kërkesën e Autoritetit Palestinez në mënyrë “të favorshme”.
Hamasi ka reaguar ndaj votimit në OKB për Palestinën.
Fraksioni islamik ka shkruar në Telegram se ‘rezoluta është një njohje e nevojës që populli ynë palestinez të fitojë të drejtat e tij legjitime dhe një afirmim të bashkëpunimit ndërkombëtar, përballë vullnetit të SHBA-së për të mbështetur luftën e asgjësimit të zhvilluar kundër tyre.
Ne u bëjmë thirrje vendeve të lira të botës që të intensifikojnë përpjekjet e tyre dhe të ofrojnë të gjitha mjetet e ndihmës dhe mbështetjes për popullin tonë palestinez’.
Ambasadori i Izraelit në OKB, Gilad Erdan
Ambasadori i Izraelit në OKB, Gilad Erdan, grisi Kartën e Kombeve të Bashkuara, ndërsa kritikoi nga skena e Pallatit të Qelqtë qëndrimin e Asamblesë së Përgjithshme, e cila miratoi një rezolutë për anëtarësimin e plotë të shtetit palestinez në union.
Më pas ai akuzoi Kombet e Bashkuara për shkeljen e Kartës së tyre duke lejuar që shteti palestinez të pranohej si anëtar.
"Ju po e grisni Kartën e OKB-së me duart tuaja. Po, po, kjo është ajo që po bëni. Duke shkatërruar Kartën e OKB-së. Turp për ju”,- tha ambasadori.
Israel Katz
Një “vendim absurd”. Kështu e etiketoi ministri i Jashtëm Israel Katz votimin në Asamblenë e Përgjithshme të OKB-së për Palestinën.
"Mesazhi që OKB-ja i dërgon rajonit tonë të vuajtur - denoncoi Katz - është se dhuna paguhet".
"Vendimi për të përditësuar statusin e palestinezëve në OKB - vazhdoi ai - është një shpërblim për terroristët e Hamasit. Izraeli është mirënjohës për të gjitha ato vende që nuk votuan pro ose nuk bashkëpunuan me këtë lëvizje të shtrembëruar”.
Asambleja e Përgjithshme e OKB-së
Italia abstenoi në rezolutën e Asamblesë së Përgjithshme të OKB-së që njeh Palestinën si të kualifikuar për t'u bërë anëtare e plotë e Kombeve të Bashkuara.
Abstenimet e tjera janë Shqipëria, Bullgaria, Austria, Kanadaja, Kroacia, Fixhi, Finlanda, Gjeorgjia, Gjermania, Letonia, Lituania, Ishulli Marshall, Hollanda, Maqedonia e Veriut, Moldavia, Paraguaj, Rumania, Vanuatu, Malavi, Principata e Monakos, Ukrainë. , Britania e Madhe, Suedia dhe Zvicra.
Ndërsa nëntë vendet që votuan kundër janë SHBA, Izraeli, Palau, Nauru, Mikronezia, Papua Guinea e Re, Hungaria, Argjentina dhe Republika Çeke.
Lajme të tjera
-
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
Izraeli bombardon në Gaza, 20 të vdekur në shkollën e Khan Younis, mes tyre fëmijë! Vritet dhe kameramani i ‘Al Jazeera’, IDF: Ishte anëtar i Xhihadit Islamik
16 Dhjetor, 08:21 -
I dërguari i OKB-së në Siri thirrje për heqjen e sanksioneve nga BE dhe SHBA
15 Dhjetor, 16:22 -
OKB e shqetësuar për përshkallëzimin e dhunës në Mianmar
13 Dhjetor, 07:29 -
OKB miraton rezolutë për armëpushim të menjëhershëm në Gaza, pranohet nga shumica! Izraeli dhe SHBA kundër
12 Dhjetor, 13:54
-
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Letra e Thaçit për FSK-në në veri, "ende e vlefshme"
3 Dhjetor, 11:31
-
Lufta në Rripin e Gazës/ Trump: Pengjet në Gaza të lirohen deri më 20 janar, përndryshe përgjegjësit do ta paguajnë shtrenjtë
2 Dhjetor, 15:01 -
'Bota është në heshtje'/ Dëshmia prekëse në OKB e Tanya Haj-Hassan, mjekes vullnetare në Gaza (VIDEO)
30 Nëntor, 22:32 -
Enver Robelli: Një kriminel lufte pranon gjenocidin pas 26 vitesh burg
26 Nëntor, 15:15
-
Lufta/ Bombardime mes Izraelit dhe Hezbollahut, 16 të vrarë dhe dhjetëra të plagosur! 20 raketa nga Libani drejt Galilesë, Hamas: Mbi 44 të vdekur në 13 muaj
25 Nëntor, 13:54 -
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39
