POP 5

Lajmet më të lexuara të 5 minutave të fundit

Politikë

Asambleja e PS Kukës pro Ramës:
Muçmata, kandidati i duhu

  Partia Socialiste ka shpërndarë një njoftim ku shkruhet se Asambleja e Partisë Socialiste mirëpriti ish prokurorin Vexhi Muçmata si kandidat për deputet në qarkun e Kukësit.
TIRANE-  Partia Socialiste ka shpërndarë një njoftim ku shkruhet se Asambleja e Partisë Socialiste mirëpriti ish prokurorin Vexhi Muçmata si kandidat për deputet në qarkun e Kukësit.

“Muçmata, njeriu i duhur për zonën. Falenderojmë Ramën për kandidaturën”- thuhet në njoftimin për shtyp.

Kreu i PS-së Edi Rama prezantoi dje ish prokurorin Vexhi Muçmata si kandidat për deputet në qarkun e Kukësit.

Kandidati i PS për deputet në qarkun e Kukësit, Muçmata, sqaroi dje  se “e kam pranuar ftesën e PS e Ramës për të kandiduar si deputet me qëllimin që t’iu shërbej të gjithë banorëve të qarkut pa dallime partiake, me mundësitë që më jep mandati, me përkushtimin dhe mundësitë e mia personale, jo me fjalë, por me veprime. Unë do jem derë e hapur për çdo banor të Qarkut të Kukësit”. Muçmataj, një ish-prokuror me karrierë të gjatë 20 vjeçare ka qënë njëri ndër kandidatët më potencialë për në krye të Prokurorisë së Përgjithshme pas shkarkimit të Sollakut, por që u preferua Ina Rama. Ka qënë kandidat për anëtar i Gjykatës së Lartë, por që i refuzua nga PD. Me dekret të presidentit Nishani ai u lirua nga detyra me kërkesën e tij për të qënë kandidat i PS në Kukës.

DOGJANI DJE
Deputeti i Kukësit, Asllan Dogjani vijoi kritikat ndaj Ramës duke thënë pas mbledhjes së grupit të PS se situata s’ka ndryshuar.
"Kam pritur që mund të reflektojë kryetari i partisë, por vazhdon i njëjti qëndrim, në Kukës vazhdon e njëjta situatë, pavarësisht presioneve që i janë bërë anëtarëve të partisë. Kjo s’ka lidhje me kandidimin tim. Problemi është të respektohen parimet, vlerat e demokracisë të respektohet parimi i votës të pyeten socialistët kuksianë e jo të manipulohen e dhunohen. Pas komunikimit që kam ata mezi e presin ditën që të përfitojnë sepse prej 8 vitesh kanë vuajtur dhe janë në gjendje shumë të varfër", tha Dogjani. “Problemi që kam është se atje nuk po zbatohen rregullat dhe statuti, 250 anëtarë kanë firmosur për këtë dhe më pas këta njerëz janë marrë në telefon nga Rama dhe janë pyetur se pse kanë firmosur, duke u kërcënuar”, tha Dogjani. Sipas tij, “kjo ndodh sepse kuksianët socialistë s’po dëgjohen. Kryesia të marrë rolin që i takon”, nënvizoi ai. Duke paralajmëruar se nuk largohet nga PS por do të kontribuojë në fitoren e kësaj partie më 23 qershor.

Redaksia online
(sg/shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57