Policia e Elbasanit zbulon dhe asgjeson 6 parcela, të  mbjella me 4000 bimë narkotike pranë Fshatit  Stravaj Librazhd  në një vend të pyllëzuar,  të quajtur “Bregu i Plepit”.

Bimët me gjatësi 20-25 cm, dyshohet të jenë të llojit Canabis Sattiva.
 
Zbulimi erdhi në vijim të operacioneve antikanabis, në zbatim të “Plan operacionit për kontrollin e teritorit mbi kultivimin e bimëve  narkotike”.

Ndërkaq vazhdon puna për identifikimin dhe kapjen  e  autorëve  në  terren.

Materialet i’u kaluan Prokurorisë së Rrethit Gjyqësor Elbasan për  veprime  të  mëtejshme për veprën  penale “Kultivimi i bimëve narkotike”.


Kurbin, asgjesohen tre parcela me "Cannabis Sativa"
 
Efektiva e policisë së Kurbinit kanë zbuluar tre parcela me bimë narkotike të dyshuara si “Cannabis Sativa” respektivisht tek një parcelë, 60 rrënjë bime 15 deri 20 cm të larta dhe në dy parcelat tjera, 85 rrënjë bime narkotike 45 deri 60 cm të larta.
 
Menjëherë u bë asgjesimi i lëndës narkotike në një zonë të pyllëzuar në Shëmri, Kurbin, në vendet e quajtura “Kroi i Ftohtë” dhe “Përroi i Gurrës”
 
Zbulimi erdhi në vijim  të operacioneve të njëpasnjëshme të zhvilluara nga Strukturat e Drejtorisë së Policisë së Qarkut Lezhë , për “Parandalimin e kultivimit të bimëve narkotike si dhe për evidentimin dhe shkatërrimin e paracelave të kultivuara me bimë narkotike”

Materialet i kaluan Prokurorisë së Rrethit Gjyqësor për veprën penale “ Kultivimi i bimëve narkotike”, neni 284 i Kodit Penal.


Redaksia Online
(al.h/shqiptarja.com)