Ashtu siç kishte paralajmëruar, qeveria britanike ka ashpërsuar rregullat për shqiptarët që shkojnë në mënyrë të paligjshme në Britani. Avokati i shqiptarëve në Londër, Naim Hasani foli për Report Tv me gazetarin Nertil Agalliu duke thënë se do të nisi procedurat e përshpejtuara për emigrantët e paligjshëm. Dënimet me burg nuk do të mungojnë pasi emigrimi dhe trafikimi do të konsiderohen si vepra penale.
“Nëse vjen në Angli ilegalisht, në radhë të parë është e qartë se nuk qëndron dot në Britani. Për jetë më të mirë nuk shkon dot se nuk punon dot, nuk merr shtëpi e as nuk përfiton nga shërbimet publike. Pra mbetesh i vetëm pa asnjë lloj mundësie për të qëndruar. Ashpërsimi gjatë këtij viti parashikon procedurë të përshpejtuar. Nëse nuk ka arsye të fortë, nuk mund të qëndrojnë në Britani. Për shqiptarët që kërkojnë në azil përshpejtohet procesi. Për të tjerët do të përshpejtohet edhe procedura për t’i kthyer në Shqipëri. Por ligjet janë ashpërsuar se hyrja në Britani në mënyrë të paligjshme është kthyer në vepër penale që dënohet me 4 vite burg. Nëse je pjesë e një grupi të trafikimit të paligjshëm, dënohesh me 25 vite burg ose dënim të përjetshëm”, tha Hasani.
Ata që tentojnë të udhëtojnë drejt Britanisë në mënyrë të paligjshme rrezikojnë të deportohen në Ruandë. Hasani u shpreh se mesazhi i ambasadës britanike që jep detaje se si do të funksionojë procesi është i qartë dhe ligji zbatohet në Britani.
“Mesazhi i ambasadës britanike është një reagim ekzakt i situatës ligjore të atyre që kanë ardhur dhe tentojnë të vijnë në Britani në mënyrë ilegale me gomone. Shpresoj që mesazhi të jetë i qartë. Britania nuk është vend ku mund të rrezikosh jetën me gomone. Politikat e qeverisë britanike janë të pritshme, është ligj dhe ligji në Britani zbatohet”, tha Hasani.
Sipas qeverisë britanike, emigrantët që do të kërkojnë azil, do të deportohen në Ruandë ku do t’u përpunohet kërkesa. Ruanda do të mbajë përgjegjësi të plotë për ta. Personat të cilëve u refuzohen kërkesat për mbrojtje, do t’u ofrohet mundësia për të qëndruar në Ruandë ose për t’u kthyer në vendlindje. Ata nuk do të kthehen në MB pasi Ruanda të ketë vendosur për kërkesën e tyre.
Lajme të tjera
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Ndihmoi emigrantët e paligjshëm të kalonin kufirin, GJKKO lë në burg Arsen Cakën
9 Nëntor, 20:56 -
Vlorë/ Po transportonin 5 emigrantë të paligjshëm, nuk iu bindën policisë dhe braktisën mjetin! 2 persona në kërkim
25 Tetor, 15:40 -
Britania e interesuar për marrëveshjen Shqipëri-Itali, avokati Hasani për Report Tv: S’mund të kthehemi në vend që strehohen emigrantët e shteteve tjera
17 Shtator, 12:38 -
Tjetër tragjedi në La Mansh! 8 persona humbën jetën në tentativë për të shkuar në Britaninë e Madhe
15 Shtator, 15:46 -
Shqiptarët në pritje të dëbimit nga Anglia! Këshillohen në TikTok se si t'i shpëtojnë ndalimit: Shkulni dhëmbët (VIDEO)
14 Shtator, 10:36 -
Gjirokastër/ Shkatërrohet grupi kriminal i trafikut të emigrantëve, 9 në pranga, mes tyre kryekomisari! Zbulohet laboratori ku falsifikoheshin dokumentet (VIDEO)
13 Shtator, 17:49 -
Bandat shqiptare reklamonin kalimin në Britani me gomone, agjencia britanike e krimit heq rreth 12 mijë postime në rrjetet sociale
24 Korrik, 09:03 -
Korçë/ Transportonte emigrantë të paligjshëm, pranga 36-vjeçarit! Në kërkim bashkëpuntori
8 Korrik, 13:02 -
Britania la në fuqi non gratën e Berishës, avokati Hasani për Report Tv: I bazuar në fakte dhe jo fjalë! Çdo provë e dokumentuar që nga 1996
18 Qershor, 12:40 -
Dërgonin shqiptarë në Angli e Irlandë përmes Spanjës! SPAK godet grupin kriminal, kishin laborator të dokumenteve false! 26 në pranga mes tyre 1 polic! 5 në kërkim (EMRAT)
7 Qershor, 10:12
