Askush si ‘Mercedes’, dy pilotët e saj domimin abslout edhe në Çmimin e Madh të Azerbajxhanit

Çmimi i Madh i Azerbajzhanit këtë javë në “formula 1” nuk ka sjellë asnjë risi, por ka bërë të kundërtën duke forcuar pozitat e ‘Mercedes’ pasi dy pilotët e saj, Bottas dhe Hamilton, ashtu si në 3 garat e para kanë siguruar vendin e parë dhe të dytë.

Piloti finlandez ishte ai që udhëhoqi pothuajse gjatë gjithë garës dhe në fund preu I pari vijën e finishit, ndërsa i dyti u rendit britaniku Hamilton, që sot në Baku humbi vendin e parë në renditjen e përgjithshme për pilot kundrejt shokut të tij të skuadrës.

Nuk shkon më shumë se vendi i tretë Sebastian Vettel, që së bashku me ‘Ferrari-n’ duket se janë një hap larg ‘Mercedes’ këtë sezon. Ndërkohë vetëm vendi i pestë për pilotin tjetër të kokëkuqes Leclerc, që arriti të fitontë 4 pozicione nga starti.

Përshtypje në këtë garë bëri sërish Max Versttapen, piloti i Red Bull që u rendit i katërti, pasi gjatë të gjithë garave në këtë sezon nuk ka zbritur asnjëherë më poshtë se pozicioni i pestë.

Ne.k./Shqiptarja.com

TAG:
• formula 1
• Mercedes