POP 5

Lajmet më të lexuara të 5 minutave të fundit

Kronikë

Aldi Rama do prehet në Durrës, për t'i dhënë lamtumirën mbërrin dhe i ati nga Greqia

Asnjë familjarë nuk ka shkuar që të tërheqë trupin e pajetë të Aldi Ramës, 21 vjeçarit i cili vrau nënkomisarin Samir Hoxha në Lezhë, e më pas qëlloi veten me plumb në qafë. Trupi i pajetë i të riut është transportuar nga morgu përmes agjencisë funerale natën vonë dhe i pashoqëruar me skedë vdekje, që është një procedurë që zbatohet gjithmonë

DURRËS- Asnjë familjarë nuk ka shkuar që të tërheqë trupin e pajetë të Aldi Ramës, 21 vjeçarit i cili vrau nënkomisarin Samir Hoxha në Lezhë, e më pas qëlloi veten me plumb në qafë. Burime për Report Tv bëjnë me dije se trupi i pajetë i të riut është transportuar nga morgu përmes agjencisë funerale natën vonë dhe i pashoqëruar me skedë vdekje, që është një procedurë që zbatohet gjithmonë.

Sa ishte gjallë, jetoi tek gjyshërit në Lezhë, ndërsa ceremonia mortore u zhvillua në Durrës. Afërsisht 60 persona, miq e familjarë kanë marrë pjesë në varrimin e të riut, që kishte pasur një jetë të trazuar, me prindërit e divorcuar dhe me precedentë penalë që në moshën 19-vjeçare.

Ceremonia u zhvillua në shtëpinë e nënës së tij, Valbona Kolgjini në lagjen nr 13 të qytetit të Durrësit dhe do të prehet në varrezat e Xhafzotajt. Ndërkohë një makinë policie patrullonte jashtë shtëpisë gjatë gjithë ceremonisë mortore. Për të përcjellë të birin në banesën e fundit kishte ardhur edhe i ati nga Greqia, Rufat Rama.

Aldi Rama ndërroi jetë një ditë më parë në spitalin e Tramues, pasi qëlloi veten me pistoletë në fyt në lagunën e Kune-Vainit gjatë operacionit të RENEA-s për arrestimin e tij, pas vrasjes së nënkomisarit. 

Pas divorcit të prindërve, 21 -vjeçari Aldi Rama ishte rritur nga gjyshërit në Lezhë, ndërsa nëna e tij jetonte në Durrës, bashkë me vëllanë e madh, me të cilin duket se nuk kishte komunikim të vazhdueshëm. Ndërkohë i ati ka qëndruar për disa vite në burg në Greqi, për shkak të dhunës fizike ndaj të ëmës.

Ngjarja e rëndë u shënua mëngjesin e së martës (28 shtator) në zonën e Ishull Lezhë, ku Aldi Rama hapi zjarr ndaj efektivëve të policisë, e ku mbeti i vdekur në krye të detyrës nënkomisari Saimir Hoxha, babai i dy fëmijëve.

 

Rendit zhvillimet sipas orarit:
Ora 11:06
Mamaja e Aldi Ramës bën reagimin e parë në rrjetet sociale për 21-vjeçarin! I ati mbërrin nga Greqia për t'i dhënë lamtumirën të birit

Trupi i 21-vjeçarit Aldi Rama, që vrau nënkomisarin Saimir Hoxha në Lezhë, do të prehet në Durrës, ku jeton nëna e të riut. Mamaja e tij, Valbona Kolgjini, ndërkohë ka reaguar për herë të parë në rrjetet sociale pas vdekjes së të birit, ku ka publikuar një foto të djalit të saj, ndërsa në foton e profilit ka vendosur një shenjë zie, për të nderuar kujtimin e të birit.

Reagon mamaja e Aldi Ramës

Ndërsa babai i tij, Rufan Rama, i cili prej vitesh jetonte në Greqi, ka mbërritur në Durrës për t'i dhënë lamtumirën të birit. Aldi Rama jetonte me gjyshërit në Lezhë, pas divorcit të prindërve.

Rufan Rama

M.Q./Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46