Aldi Rama, 21-vjeçari që qëlloi dje për vdekje nënkomisarin Saimir Hoxha dje në Lezhë ka ndërruar jetë mëngjesin e sotëm në spitalin e Traumës. I riu qëlloi veten me pistoletë në fyt në lagunën e Kune-Vainit gjatë operacionit të RENEA-s për arrestimin e tij, pas vrasjes së efektivit të policisë. Sot u zhvilluan homazhe të Pallati i Kongreseve në nderim të oficerit të vrarë, ndërkohë që policia ka zbardhur zyrtarisht të gjithë dinamikën e ngjarjes.
Policia e Shtetit përmes një njoftimi ka zbardhur të gjithë dinamikën, se si sipas saj ndodhi ngjarja hap pas hapi, ndërkohë që Report Tv ka siguruar pamjet e ngjarjes së rëndë ku duket qartë se si pasi po ndiqeshin nga të rinjtë, 3 policët dalin nga makina dhe i ndalojnë. Vetëm pak sekonda më tej shikohet qartë se si nga mjeti tip “Volswagen”, në të cilën ndodhej Rama së bashku me 2 miq të tij qëllohet 2 herë polici Hoxha.
Sipas njoftimit një grupi policor i përbërë nga 3 punonjës policie dhe kryesohej nga shefi i Seksionit për Hetimin e Krimeve në Lezhë, me veshje civile dhe njëri prej tyre ishte me jelek fosforeshent me mbishkrimin Policia, kanë konstatuar një parcelë me bimë narkotike dhe kanë asgjësuar bimë narkotike.
Teksa po ktheheshin 500 metra nga parcela, punonjësit e policisë janë shkëmbyer me një automjet në vendin e quajtur Vain, Ishull Lezhë. Ky automjet, pasi është shkëmbyer me automjetin që lëviznin punonjësit e policisë, pas disa minutash është kthyer dhe ka lëvizur në drejtim të qytetit të Lezhës, mbrapa automjetit të Policisë. Grupi i kontrollit ka vendosur që ta ndalojë automjetin dhe të ushtrojë kontroll.
Pasi kanë kontrolluar Armando Markun dhe Kristjan Sherrin, nënkomisar Saimir Hoxha i ka kërkuar dokumentin e identifikimit Aldi Ramës. "Unë nuk jam për tu kontrolluar...”, ka qenë reagimi i 21-vjeçarit dhe ka nxjerrë armën e zjarrit pistoletë tip TT dhe e ka qëlluar me dy plumba oficerin e Policisë, i cili ndërroi jetë rrugës për në spital
Oficerët kanë reaguar me armët e shërbimit kundër automjetit në largim, me qëllim neutralizimin e tij. (Në vendngjarje janë sekuestruar 9 gëzhoja të kalibrit 9 milimetra, që përkojnë me armët e punonjësve të Policisë. Në automjetin e autorit janë konstatuar 4 dëmtime nga predhat me armë zjarri, me drejtim nga jashtë brenda).
Pas disa orë ndjekjeje të autorit, duke përdorur dronë, qentë e kërkimit, si dhe helikopterin, është bërë i mundur lokalizmi i vendit ku fshihej autori i dyshuar i ngjarjes dhe konkretisht në afërsi të argjinaturës në Lagunën e Vainit.
21-vjeçari Aldi Rama që i mori jetën Nënkomisarit të Lezhës, Saimir Hoxha, jetonte në lagjen "Skenderbeg" të Lezhës, tek xhaxhai i tij pas divorcit të prindërve. Jashtë kamerës familjarët e tij, janë shprehur se ceremonia mortore mund të bëhet në Durrës ku jeton nëna e të riut.
Ndërkohë Report Tv ka zbardhur dëshminë e 2 shokëve të Aldi Ramës, Armando Marku dhe Kristian Sheri, të cilët janë shprehur para policisë se në vendin ku i gjetën efektivët, kishin shkuar për të pirë hashash. E gjithë ngjarja ka ndodhur vetëm 500 metra larg vendit ku nënkomisari Hoxha dhe kolegët e tij asgjësuan 110 rrënjë kanabis.
Ngjarja e rëndë u shënua mëngjesin e së martës (28 shtator) në zonën e Ishull Lezhë, ku Aldi Rama hapi zjarr ndaj efektivëve të policisë, e ku mbeti i vdekur në krye të detyrës nënkomisari Saimir Hoxha, babai i dy fëmijëve. Aldi Rama, i rritur nga gjyshërit, pasi prindërit i kishte të divorcuar, ishte me precedent të mëparshëm penal. Në moshën 18-vjeçare kishte përfunduar në burg, pasi ishte akuzuar për vjedhje dhe posedim kanabisi, ndërkohë që ishte kallëzuar edhe nga e dashura e tij për dhunë fizike. Edhe në vitin 2020 ai është ndaluar sërish për mbajtje pa leje e armëve të ftohta.
Saimir Hoxha, 44 vjeç baba i dy fëmijëve, vëllai i kryegjyqtares së Pukës, mori një plumb vdekjeprurës në krah të majtë të zemrës dhe megjithëse u dërgua në spital nuk mundi të mbijetoi.
Report Tv ka shkuar në lagjen ku jetonte 21-vjeçari, Aldi Rama, i cili vrau nënkomisarin, Saimir Hoxha dhe më pas veten. Aldi Rama i braktisur prej prindërve, që ishin divorcuar, jetonte në lagjen "Skëndërbeg" të qytetit të Lezhës. Heshtja ka pllakosur lagjen "Skëndërbeg",ndërsa 21-vjeçari nuk do të përcillet në banesën e fundit nga dera e shtëpisë ku u rrit. Ceremonia e varrimit pritet të zhvillohet në qytetin e Durrësit, aty ky jeton nëna e Aldi Ramës.
Report Tv ka siguruar fotot gjatë asgjësimit të parcelës me kanabis në Ishull-Lezhë para se nënkomisari Saimir Hoxha të vritej nga 21 vjeçari Aldi Rama. Disa nga këto bimë janë sekuestruar me cilësinë e provës materiale, me qëllim kryerjen e ekspertimeve të nevojshme. Ajo që vihet re në foto është se nënkomisari nuk mbante veshur uniformën e policisë.
Ekspertiza mjeko ligjore ndaj Aldi Ramës ka përfunduar që prej mesditës. Sipas të dhënave për gazetarin e Report Tv Sokol Dema mësohet se ajo ka zgjatur prej gati dy orësh. Ndërkohë janë duke vijuar procedurat pëe plotësimin e formularit, ku mjkësia ligjore do të dalë në përfundim zyrtar.
Ndërkohë burime nga morgu bëjnë me dije se sipas ekspertizës, të riut i ka shkaktuar plagë një plumb qe ka marrë në kokë nga krahu i tij i djathtë. Plumbi ka përshkruar kokën e të riut, ku mjekët e Traumës nuk kanë kryer operacion për nxjerrjen e tij, pasi nuk ka pasur predhë brenda.
Por plaga e madhe dhe humbja e gjakut i shkatoi edhe vdekjen 21 vjeçarit rreth orës 05:35. Ndërkohë në morgun e Tiranës vijon të jetë trupi i pajetë i të riut, ndërsa pranë tij nuk është paraqitur asnjë prej familjarëve për ta tërhequr.
Report Tv ka siguruar pamjet e ngjarjes së rëndë të ditës së djeshme ku u vra nënkomisari i Policisë së Lezhës, Saimir Hoxha.
Në pamjet duket qartë se si pasi po ndiqeshin nga të rinjtë, 3 policët dalin nga makina dhe ndalojnë 3 të rinjtë. Vetëm pak sekonda më tej shikohet qartë se si nga mjetit tip “Volswagen”, në të cilën ndodhej Rama së bashku me 2 miq të tij qëllohet 2 herë.
Efektivi bie në tokë ndërkohë që Aldi Rama largohet me me shpejtësi nga vendngjarja, duke rrezikuar të shtypë edhe policët e tjerë të pranishëm
Babai i Aldi Ramës, Rufat Rama
Rufat Rama, babai i Aldi Ramës, i riu që vrau nënkomisarin Saimir Hoxha një ditë më parë, ka bërë përgjegjës për ngjarjen shtetin, që sipas tij me papunësinë po i vret të rinjtë. Në një lidhje telefonike për “Shqipëria Live”, ai ka treguar se vetë ishte në Greqi, ndërsa i biri jetonte me gjyshërit, në gjendje shumë të vështirë ekonomike. Sipas tij, Aldi ishte i vetmuar dhe rrinte me shoqëri të keqe.
"Kohët e fundit u shkëput nga çdo familjar. Aldi jetonte me pensionin e gjyshit. Nuk i kërkoja kurrë lekë fëmijëve, më duket se i keqtrajtoj. I mësoja si ta mbajë lekun. I ka dërguar vëllai sa ka pasur mundësi, e ka dashur shumë. Vëllai është në gjendje shumë të keqe sot. Jeton në Greqi. Kishte mbi 10 ditë që nuk komunikonte me të. Ka mundësi të nisem nesër në mëngjes nga ora 8:00, por nuk e kemi vendosur. Kur më ka rënë brenda për herë të parë, thashë shyqyr zotit që nuk u bë gjë më e madhe se ishte fëmijë dhe bëra të pamundurën që të dalë djali.
Ndërsa për Aldin kur dëgjova se ka rënë për herë të dytë brenda për 5 cigare hashash, ishin fëmijë, jo grup kriminal. Ka shumë të rinj që e bëjnë këtë nga papunësia. Pse nuk përfundon në krim një bos? Po na vrasin rininë, po vrasin fëmijën tanë. Fajin e ka shteti. Nuk mundet të mbyllet një fëmijë në shtëpi pa bukë.
Nuk kam asgjë cfarë të them, jam gjysmë njeriu, nuk ngrihem dot në këmbë. Nuk di çfarë të them. Drejtësi deshëm, duhet të shiheshin këto gjëra të djalit tim. Unë falënderoj RENEA-n që ka vepruar me gjakftohtësi sepse djali vrau një efektiv. I falënderoj shumë se si u sollën. Gjyshërit e dinë që është në burg, nuk e dinë që nuk jeton më. Aldi ka qenë fëmijë shumë i mirë, vuante nga padrejtësia.
Nuk mund të flas me gjyshërit, nuk mund t’i dal para syve, do më mbysin, do më vrasin për Aldin. Nuk kanë televizor, të shkojnë këta gazetarët të shohin ku jetojnë. Jetonte në një dhomë me prindërit e mi. Nëna ime 90 vjeçe gatuante një pjatë gjellë për Aldin. Po u tregova gjyshërve, mbaruan të dy… Ata e rritën Aldin, ka qenë i dashur, nuk ka qenë kriminel. Ne jemi nga një familje e varfër, jo terroriste. Fëmija ka qenë i dashur, i vetmuar, pa prindërit afër, ka qenë me shoqëri shumë të keqe. Mamaja e Aldit është interesuar por çfarë do të bëjë…
Shikoni a ka Aldi makinë… Nuk ka pasur ndonjëherë makinë. I thashë ma merr djalin këtej, më tha nuk lejohej të largohej nga Shqipëria. Unë sot vuaj për këtë gjë. Por të dyja ngjarjet, u vra një baba e një fëmijë… E shikoni çfarë bëhet? I kam thënë djalit të vogël do të vij të të marr, por mos rri me atë shoqëri atje. Mendoja do shkel ligjin që të punonte, sot do ishte dhe polici dhe djali im gjallë. Kam 3 vjet e gjysmë që nuk shkel në Shqipëri, nuk ia njoh shokët.
Familjes së Saimir Hoxhës nuk di çfarë t’i them atyre fëmijëve, asaj nëne, prindërve, ju lutem shumë ngushëllime… Nuk di cfarë t’i them familjes që ka humbur djalin… Ngushëllime, nuk di gjë tjetër", ka thënë ai.
"Unë nuk jam për t'u kontrolluar". Menjëherë pas kësaj fjalie drejtuar nënkomisarit Saimir Hoxha, 21-vjeçari Aldi Rama ka nxjerrë armën dhe ka qëlluar mbi të 2 herë me pistoletë duke e lënë të vdekur. Policia ka bërë me dije të gjithë dinamikën e ngjarjes si më poshtë:
Njoftimi i plotë i policisë
Lezhë/Informacion përfundimtar në lidhje me ngjarjen e ndodhur më datë 28 shtator 2021, ku mbeti i vrarë në krye të detyrës oficeri i Policisë Saimir Hoxha
Më datë 28.09.2021, në zbatim të detyrave të përcaktuara në planin e masave për kontrollin e territorit, bazuar dhe në informacionet e marra në rrugë operative për ekzistencën e një miniparcele të kultivuar me bimë narkotike, nga strukturat e Komisariatit të Policisë Lezhë është formuar grupi i kontrollit, me qëllim kontrollin e zonës Kune Vain. Grupi i kontrollit përbehej nga tre punonjës policie dhe kryesohej nga shefi i Seksionit për Hetimin e Krimeve në Komisariatin e Policisë Lezhë. Punonjësit e Policisë kanë qenë me veshje civile dhe njëri prej tyre ishte me jelek fosforeshent me mbishkrimin Policia. Grupi i kontrollit ka konstatuar një miniparcelë me bimë narkotike, ku janë gjetur dhe asgjësuar me anë të djegies, 62 bimë narkotike, ku disa nga këto bimë janë sekuestruar me cilësinë e provës materiale, me qëllim kryerjen e ekspertimeve të nevojshme, në interes të dokumentimit të plotë ligjor të kësaj vepre penale. Materialet procedurale lidhur me kultivimin e bimëve narkotike do të referohen në Prokurorinë e Rrethit Gjyqësor Lezhë, më datë 29.09.2021.
Gjatë kthimit, në një distancë rreth 500 metra nga miniparcela ku u asgjësuan bimët narkotike, grupi i kontrollit është shkëmbyer me automjetin tip “Volksëagen” me targa AA984TL, në vendin e quajtur Vain, Ishull Lezhë. Ky automjet, pasi është shkëmbyer me automjetin që lëviznin punonjësit e policisë, pas disa minutash është kthyer dhe ka lëvizur në drejtim të qytetit të Lezhës, mbrapa automjetit të punonjësve të Policisë.
Grupi i kontrollit ka vendosur që ta ndalojë automjetin dhe të ushtrojë kontroll, në vendin e quajtur “Postblloku i Zonës së Mbrojtur Kune Vain”. Pasi iu është dhënë shenjë ndalimi, me qëllim verifikimin e tyre, automjeti është ndaluar dhe punonjësit e Policisë, pasi janë prezantuar si punonjës të Policisë së Shtetit, u kanë kërkuar personave që ndodhshin në automjet dokumentet e identifikimit dhe kanë ushtruar kontroll fizik tek shtetasit Armando Marku dhe Kristjan Sherri, të cilët kanë paraqitur dokumentet e identifikimit dhe i janë bindur kontrollit fizik të Policisë. Në momentin që nënkomisar Saimir Hoxha i ka kërkuar dokumentin e identifikimit, shtetasit që ndodhej në sediljen e pasme të automjet, ai është shprehur se "Unë nuk jam për tu kontrolluar...”, dhe ka nxjerrë armën e zjarrit pistoletë tip TT dhe e ka qëlluar me dy plumba oficerin e Policisë, duke e plagosur rëndë atë. Gjatë transportit për në spital, oficeri i Policisë ka gjetur vdekjen. Autori i vrasjes së oficerit të Policisë ka mundur të kalojë në vendin e shoferit dhe është larguar me automjetin me të cilin udhëtonin këta persona. Oficerët e grupit të kontrollit kanë reaguar me armët e shërbimit kundër automjetit në largim, me qëllim neutralizimin e tij. (Në vendngjarje janë sekuestruar 9 gëzhoja të kalibrit 9 milimetra, që përkojnë me armët e punonjësve të Policisë. Në automjetin e autorit janë konstatuar 4 dëmtime nga predhat me armë zjarri, me drejtim nga jashtë brenda). Në ndihmë të grupit të kontrollit, pas njoftimit të dhënë për ngjarjen, kanë shkuar forcat “Shqiponja” dhe drejtuesit e Drejtorisë Vendore dhe te Komisariatit të Policisë Lezhë. Nga ndjekja që i është bërë automjetit, autori tashmë i identifikuar si Aldi Rama, ka braktisur automjetin dhe është larguar me vrap, duke iu fshehur ndjekjes së mëtejshme të forcave të Policisë.
Menjëherë, nga shërbimet e Drejtorisë Vendore të Policisë, të Komisariatit të Policisë Lezhë, Kurbin dhe Mirditë janë marrë masa për kufizimin e zonës dhe ngritjen e pikave të kontrollit.
Në ndihmë të tyre janë dërguar me urgjencë forcat special Renea, Reparti i FNSH Shkodër dhe Reparti i FNSH Tiranë. Në drejtimin e këtyre forcave kanë qenë drejtuesit më të lartë të Policisë së Shtetit.
Pas disa orë ndjekjeje të autorit, duke përdorur dronë, qentë e kërkimit, si dhe helikopterin, është bërë i mundur lokalizmi i vendit ku fshihej autori i dyshuar i ngjarjes dhe konkretisht në afërsi të argjinaturës në Lagunën e Vainit.
Forcat special Renea dhe FNSH kanë bërë rrethimin në një perimetër të gjerë të vendit, ku fshihej autori i dyshuar i ngjarjes dhe i kanë bërë thirrje në mënyrë të përsëritur për rreth 45 minuta që autori të vetëdorëzohej. Shtetasi Aldi Rama nuk i është përgjigjur thirrjes për vetëdorëzim, por ëhstë vetëplagosur në kokë me armën tip TT, e cila u sekuestrua në cilësinë e provës materiale. Po kështu, në afërsi të vendit ku u gjet i vetëplagosur autori, u gjet dhe u sekuestrua në cilësinë provës materiale një gëzhojë model 54 e kalibrit 7.62 milimetra si ato që përdorin pistoletat TT. Autori i vetëplagosur është transportuar me barelë menjëherë deri në vendin e quajtur “Postblloku i Zonës së Mbrojtur Kune Vain”, pasi ishte e pamundur futja e autoambulancës në vendngjarje, për shkak të terrenit. Më pas është dërguar në Spitalin Rajonal Lezhë me autoambulancë dhe më vonë nga autoritetet spitalore është dërguar për ndihmë mjekësore më të specializuar mjekësore në Spitalin e Traumës Tiranë.
Grupi hetimor, nën drejtimin e Prokurorisë së Rrethit Gjyqësor Lezhë, ka kryer të gjitha veprimet e nevojshme hetimore si këqyrja e vendit të ngjarjes, këqyrja e automjetit të braktisur, këqyrja e vendit ku është vetëplagosur autori Aldi Rama, pyetja me cilësinë e presonit që kanë dijeni për rrethanat e hetimit të punonjësve të policisë, si dhe të dëshmitareve të tjerë okularë, sekuestrimi i pamjeve filmike të përfituara nga kamerat e sigurisë në të gjithë aksin rrugor dhe në zonën përreth vendit të ngjarjes. (Ky veprim hetimor vijon edhe gjatë ditës së sotme), sekuestrimi në të gjitha vendet i provave materiale, përgatitja e vendimeve të ekspertimit në lidhje me provat dhe dërgimi i tyre në Institutin e Policisë Shkencore, etj. (Në ndihmë të strukturave të Drejtorisë Vendore të Policisë Lezhë është dërguar një grup ekspertësh të Institutit të Policisë Shkencore Tiranë).
Në përfundim të kryerjes së veprimeve procedurale janë arrestuar në flagrancë shtetasit:
1. Aldi Rama, 21 vjeç, banues në Lezhë, lagja “Skenderbeg”, për veprën penale “Vrasjes e punonjësve të Policisë së Shtetit”, parashikuar nga neni 79/b i Kodit Penal dhe “Prodhimi dhe mbajtja pa leje e armëve luftarake dhe e municonit”, parashikuar nga neni 278 i kodit Penal, i dënuar më parë me vendimin Nr.53-2019-708, datë 04.03.2019, të Gjykatës së Rrethit Gjyqësor Lezhë, me 3 vite e 4 muaj burgim, për veprat penale “Vjedhja” dhe “Prodhimi dhe shitja e lë ndë ve narkotike”, (arrestuar më datë 29.07.2018 dhe liruar me kusht më datë 04.03.2019). Gjithashtu ky shtetas rezulton të jetë arrestuar më datë 20.10.2020, për veprën penale “Prodhimi dhe shitja e lë ndë ve narkotike”, pasi i është gjetur një sasi lënde narkotike canabiss sativa, ku me vendimin 261, datë 22.10.2020, të Gjykatës së Rrethit Lezhë, është caktuar masa e sigurimit personal “Arrest me burg”. Me vendimin nr.375, datë 06.05.2021, Gjykata e Rrethit Lezhë, ka vendosur shuarjes së masës së sigurimit arrest me burg dhe ka caktuar ndaj tij masën e sigurimit personal “Arrest në shtëpi. (Ky shtetas ka gjetur vdekjen në spitalin e Traumës Tiranë në orën 05.35 minuta të mëngjesit të sotëm. Nga grupi hetimor edhe aktualisht vazhdojnë veprimet hetimore për kryerjen e autopsisë dhe përcaktimin e shkakut të vdekjes së këtij personi.)
2. Armando Marku , 26 vjeç, i arrestuar për veprat penale “Moskallëzim krimi” parashikuar nga neni 300 i Kodit Penal dhe “Përkrahje e autorit të krimit”, parashikuar nga neni 302 i Kodit Penal. Ky shtetas ka qene i dënuar më parë për veprë ne penale “Vedhja”, parashikuar nga neni 134 i Kodit Penal.
3. Kristjan Sherri, 25 vjeç, i arrestuar për veprat penale “Moskallëzim krimi” parashikuar nga neni 300 i Kodit Penal dhe “Përkrahje e autorit të krimit”, parashikuar nga neni 302 i Kodit Penal.
Grupi hetimor nën drejtimin e Prokurorit vazhdon hetimin për të verifikuar lidhjen e autorëve të arrestuar me miniparcelën e asgjësuar nga ana e policisë. (Rezultatet e hetimit mbi këtë çështje do ti bëhen të ditura opinionit publik në një njoftim të posaçëm në ditët në vijim.)
Prindrit e Aldi Ramës, Rufat Rama dhe Valbona Kolgjini
21-vjeçari Aldi Rama është braktisur nga familja e tij edhe pas vdekjes. Trupi i të riut ndodhet në morgun e Spitalit të Traumës, ku ndërroi jetë pasi qëlloi veten me armë ditën e djeshme, ndërsa as e ëma e as i ati nuk kanë shkuar për të parë trupin e të birit. Aktualisht trupi i të riut është duke iu nënshtruar ekzaminimeve, ndërsa e vetmja që është paraqitur në morg ka qenë tezja e Aldi Ramës, por që nuk ka pranuar të flasë për mediat. Aldi Rama pritet të varroset pasditen e sotme në Durrës, ku jeton e ëma e tij, Valbona Kolgjini, së bashku me të vëllanë, 2 vite më të madh. Valbona Kolgjini dhe Rufat Rama, babai i 21-vjeçarit, janë divorcuar prej disa vitesh, ndërsa Aldi Rama u rrit nga gjyshërit.
Detaje të reja janë zbuluar në lidhje me vrasjen e nënkomisarit Saimir Hoxha, ngjarje e ndodhur mëngjesin e djeshëm në zonën e Ishull Lezhë. Burime pranë grupit hetimor bëjnë me dije se autori Aldi Rama ka pasur me vete dy krëhëra pistolete, njërin prej të cilëve e kishte hedhur në vendngjarje pasi qëlloi 44-vjeçarin Hoxha. Krëhëri tjetër u gjet në vendin ku 21-vjeçari Rama qëlloi veten.
Sipas grupit hetimor, fillimisht Rama ka qëlluar ndaj efektivit nga sendilja e pasme e mjetit, plumb i cili e ka kapur në qafë. Më pas ka dalë nga makina për tu ulur në vendin e shoferit dhe aty e ka qëlluar me një plumb në bark duke i përshkruar pranë zemrës. Në vendngjarje u gjetën 8 gëzhoja të qitura nga pistoleta TT e autorit dhe 7 të tjera të qitura nga dy efektivët e tjerë, kolegë të Saimir Hoxhës. E gjithë ngjarja ka ndodhur 500 metra nga parcela ku efektivët kishin asgjësuar 110 rrënjë kanabis. Mostrat e lëndës narkotike u gjetën në makinën e policisë.
Ndërkohë në dëshminë e tyre para policisë, Armando Mrku dhe Kristian Sheri, shokët e Aldi Ramës të cilët ishin në makinë me të kur ndodhi ngjarja, kanë rrëfyer se në vendin ku i gjeti policia, ata kishin shkuar për të pirë hashash dhe se kur efektivët ishin afruar për kontroll, ata kishin konsumuar një cigare. Ata kanë deklaruar po ashtu se nuk ishin në dijeni se Aldi Rama kishte pistoletë me vete dhe po ashtu nuk e dinin se ishte me masë sigurimi "arrest shtëpie" për armëmbajtje pa leje, pasi e takonin shpesh jashtë ambienteve të shtëpisë. Armando Mrku dhe Kristian Sheri pritet të dalin ditën e nesërme para gjykatës. Ndërkohë në vendngjarje është gjetur edhe një filtër cigareje e mbaruar, e cila pas analizimit, ka rezultuar të jetë jo cigare e thjesht, por hashah.
Nënkomisari Saimir Hoxha dhe kolegët e tij kishin shkuar për të asgjësuar një parcelë me kanabis, pas informacioneve se në lagunën e Kune-Vainit ishin mbjellë bimë të lëndës narkotike.
.jpg)
Report Tv ka siguruar foton e parë të bërë nga policia menjëherë pasi e gjetën 21-vjeçarin Aldi Rama të shtrirë në tokë në gjendje të rëndë. Siç shihet dhe nga fotoja i riu është i shtrirë në tokë dhe qëndron i palëvizur, kur është gjetur nga punonjësit e policisë, pasi më parë kishte qëlluar veten.
21-vjeçari u dërgua në gjendje të rëndë në spitalin e Traumës në Tiranë, ku më pas humbi jetën mëngjesin e sotëm.
21-vjeçari Aldi Rama, i cili vrau me armë zjarri në krye të detyrës policin Saimir Hoxha dhe më pas qëlloi veten, ka qenë një person me të shkuar kriminale. I riu ishte kallëzuar penalisht nga e e dashura, pasi ai e kishte dhunuar fizikisht.
Në një kallëzim bërë nga ish-e dashura e tij, ajo deklaronte se Aldi Rama ai kishte marrë telefonin dhe i kërkonte 50 euro që t’ja kthente. Ajo ka shkruar dhe e ka takuar të pandehurin në një parking i ka dhënë 50 euro, por 21-vjeçari nuk i ka kthyer telefonin, por i ka gjuajtur me shpulla e më pas ka marrë një taksi e bashkë me dy shokët e tij kanë shkuar në një banesë të pabanuar në Balldre të Lezhës.
Sipas policisë ato kanë kryer marrëdhënie seksuale më dëshirë, kanë pirë hashash. I pandehuri më pas ka goditur me shuplakë dhe grushte disa herë, deri sa kanë ndërhyrë shokët e tij. Më tej e reja ka deklaruar se i pandehuri e ka nxitur dhe detyruar që të konsumonte hashash, e ka kërcënuar dhe shantazhuar më pas ndërmjet fotove. Ai ka pranuar se e ka qëlluar të dashurën, për arsye se nuk i pëlqente çfarë kishte parë në telefonin e saj. Por çështja për këtë u pushuar nga gjykata dhe ai u dënua 3 muaj vetëm për vjedhje.
Komente
Lajme të tjera
-
Shpërthen bombola e gazit në një piceri në Tiranë, plagosen pronari dhe punonjësi (VIDEO)
4 Dhjetor, 11:30 -
Rinas/ Tentoi të hynte në Shqipëri me 240 mijë € të padeklaruara, nis hetimi për 36-vjeçarin
4 Dhjetor, 11:07 -
Lezhë/ Pas denoncimit të Report Tv, nis aksioni i pastrimit në bregdetin e Kune-Shëngjinit i ndotur nga prurjet e shumta të Drinit
3 Dhjetor, 21:47 -
Lezhë/ Apartamente e toka, konfiskohen 9 pasuri të përfituara nga veprimtari kriminale! Në dy muaj, 29 asete të sekuestruara
3 Dhjetor, 14:04 -
Superliga/ Sot tre ndeshje, Partizani pret Bylisin në kryeqytet! Kërnaja: Na kënaq vetëm fitorja
3 Dhjetor, 11:56 -
Lezhë/ Dhunimi i 35-vjeçarit me shkop bejsbolli, policia identifikon autorin
3 Dhjetor, 11:19 -
Në kërkim prej katër vitesh për vrasje në tentativë, arrestohet 26-vjeçari në Tiranë (EMRI)
3 Dhjetor, 10:00 -
Edlir Tetova kryen operacion në zemër, trajneri i Egnatias me urgjencë në spital! Gjendja e stabilizuar
3 Dhjetor, 08:31 -
‘E thjeshtë të rrish me rrogë deputeti në opozitë’, i riu ia plas në sy Berishës: Po na dekurajoni! Promovohen figura që nuk japin rezultate (VIDEO)
2 Dhjetor, 21:41 -
Dhunohet rëndë 35-vjeçari në Lezhë, u godit me shkop bejsbolli pasi e nxorrën nga makina! Dërgohet te Spitali i Traumës në Tiranë
2 Dhjetor, 19:45 -
Nisi ciklin e foltoreve nga Tirana, Berisha: Do fillojmë analizën paszgjedhore, s'duhet të shndërrohet në gjueti shtrigash! Jemi në fazën e betejës vendimtare
2 Dhjetor, 19:31 -
Erion Braçe: Banorët e njësisë nr.5 marrin shërbim shëndetësor në katin e parë të një pallati! Gati 850 shtëpi në Selitë ende të palegalizuara
2 Dhjetor, 17:29
Policia e shtetit duhet të çmontojë urgjentisht piramidat e korrupsionit në policinë kufitare, policinë rrugore dhe krimin e organizuar që të kursejë jetën e policëve të tjerë që bëjnë detyrën duke u përballur me integritet me krimin!! Gjërat janë hapur, të gjithë e dimë se policia rrugore zhvat qytetarët dhe një pjesë shkon për drejtorin, të gjithë e dimë se policia kufitare në kabinë ka një sirtar ku grumbullohen lekët një pjesë e të cilëve shkon për drejtorin, të gjithë e dimë se antidroga e krimi financiar janë kthyer në taksidarë të shpërndarësve dhe informalitetit që ekziston duke i zhvatur në këmbim të mbylljes së njërit sy!! Vetëm nëse ndodh kjo atëherë asnjëri nuk do të guxojë të drejtojë armën ndaj policit!! Shprehja unë nuk jam për t'u kontrolluar unë e lidh me raste të tjera që ky Aldi ka pasur dhe që nuk është kontrolluar nga kategoria piramidale e lartpërmendur! Ai ka pasur hashash që e shiste dhe një pjesë i'a jepte antidrogës...në Vain ishte fytyra tjetër dhe ky ka bëri të ditur duke përfituar nga siguria që kishte fituar në raste të mëparshme....
PërgjigjuNgjarje tragjike plot me kontradikta,pikepyetje,paqartesi.E kuptoj veshjen civile te policise kur eshte ne aksione qe duhen bere shpejt per te mos terrhequr vemendjen e kultivuesve te kanabisit,por nuk kuptoj deklarat e djeshme,jo kerkohej nje tjeter,jo ky tjeteri kishte shoqeri me vrasesin.Nje person i katert i mundshem,u permend gjithashtu.Nuk e kuptoj se si vrasesi supozohej te ishte ne arrest shtepie,por livadhiste i lire,bile i armatosur,ne nje qytet te vogel e nuk kontrollohej nga org.pergjegjese.Nuk kuptoj se si nje vrases qe sa po ka bere krim,i ulur ne sediljen e prapme ka aq kohe sa te marre rolin e shoferit dhe asnje polic nuk e qellon ate,ose rrotat e makines.Nuk e kuptoj se perse familja perpiqet te fshihet pas justifikimit banal e klishe,<<femijeri e veshtire,prinder te divorcuar,jete e varfer,shoqeri e keqe>>!Shume nga ne kemi pasur jete te veshtire,kemi pasur lloj-lloj shoqerish,por as kemi vjedhur,as kemi vrare.Edhe une jam rritur nga gjyshja dhe prinderit i shikoja nje here ne 3-4 muaj,por kriminele nuk u bera.Me ben pershtypje se si babai e justifikon vazhdimisht per dy heret qe u arrestua,ku nje here thote s'ishte gje e madhe,kurse per heren e dyte thote qe ishin femije,jo grup kriminelesh.Ky zakon i keq i prinderve per t'i mbrojtur e justifikuar femijet per gjerat e vogla,po i merr ne qafe me shume se shoqeria,kushtet e trendet.Cuditem kur thote qe jetonte ne varferi e ishte i papune,por ama cigaret kanabis i kishte ne dispozicion.Me shume me ben pershtypje jo vetem ne kete rast,por dhe ne te tjera,qe familjet pasi i perkrahin,i justifikojne, i mbulojne e perpiqen t'i shpetojne kur bejne shkelje e krime te tjera me te lehta,kur vjen koha dhe u bejne krime shume te renda,i braktisin ne gjykata e ne morgje.
PërgjigjuZoteri e keni gabim! Pistoleta Tokarev nuk ka karikator me 10 fisheke. I vetmi variant eshte M. 57 prodhim I Cervena Zastavas, qe e ka karikatorin me 9 fisheke, por nuk I futen dot 10 fisheke, sepse susten e karikatorit e ka shume te dobet e krijon probleme ne qitje nga mbingarkesa ne fisheke. M 57 ish Jugosllave mund te mbaje 10 fisheke vetem, nese ka 1 fisheke ne goje dhe karikatorit rimbushet me fishek tjeter per te pasur fiks 9 fisheke. Pistoleta mbi tryeze ne foton e vrasesit nuk eshte asnje variant I CZ-se (Zastava-s) serbe, por eshte Desert Eagle prodhim Izraelit. Kerko katalogun e prodhimeve Desert Eagle dhe krahaso fotot!!!! Te garantoj qe vitet e pervojes personale thjesht nuk te kane mjaftuar per ta identifikiar sakte pistoleten!!! Pistoleta ne foto eshte nje variant I pistoletes izraelite, qe e mbante per tangerdhek Niko Brahimaj, qe ne v. 1998????????????????????????
PërgjigjuPistoleta ne foto eshte pistolete sportive. Per imitim zhurmash, jo luftarake. Hapi syte edhe shikon si e ka tyten te bllokuar. Se qenke edhe ekspert.
Ngushellime familjes se policit! Sa gjynah me vjen kur shikoj se si Alvania shkon drejt humneres dhe shqiptaret qe jetojn aty nuk kuptojn se do fundosen bashke me Alvanine nese nuk largohen. Une nuk dua te besoj se policet ishin derguar te parcela me kanabis me urdher nga lart, shuuume lart, per ti mbrojtur parcelat dhe situata u doli nga kontrolli! Joooo, nuk dua te besoj por po e them gjithsesi... ju kuptojeni si te doni... ALVANIA KA MARRE FUND! Imagjinoni se sa vend i prapambetur eshte Alvania kur njerezit mbjellin kanabis ne pyll. Turp! Ndersa ne Amsterdam dhe ne Barcelone mund ta konsumosh kanabisin ne kanefe, ligjerisht! Gjithsesi, mos harroni pjesen e rendesishme: ALVANIA KA MARRE FUND! Sa gjynah... Ju pershendes nga Athina, miku juaj Zervas Llapaqenis, ekspert i kriminalistikes!
PërgjigjuE verteta eshte se policia merr leke per ashashin qe mbillet nga te katra anet e shqiperise,konkretisht keta cunat u kishin premtuar lek policave dhe nuk po i jepnin policat nga inati vajten dhe ja shkulen ashashin se nuk po merrnin paret ashashi po ta shikosh edhe ne video eshte ne kohen e vjeljes ..cunat nga inati hapen zjarr kunder policave.
PërgjigjuTashi keq tvjen per efektivin se len mrapa fmi jetime, por profesionaliteti sic duket osht ne nivelin zerro. Ca jane kto deklarata policie qe ndryshojne cdo 2 ore!! E para punes te tre efektivet nuk kane pas jelekun identifikues me mbishkrimin "policia", e dyta fuoristrada nuk ka logon identifikuese, e treta ku shkojshin kto tre efektive pa opgj per dokumentim dhe pa mbeshtetjen e efektiveve te antidroges?? Tashi e dijme shume mire qe kur je inspektor krimesh te duket vetja garip, i pashpushem nga plumi dhe sherif ne tnjejten kohe. Pse mos te arrestohet shefi krimeve per mos zbatim te rregullores se brendshme mbi operacionet e asgjesimit te lendeve narkotike?? Pse ne deklaraten fillestare u fliste per nji person ne kerkim dhe rruges kur i shpetoi situata nga duart dolen te parcelat me kanabis?? Meqe dinamika e ngjarjes qenka ashtu sic e servirin dy efektivet e mbijetuar, pse i ndjeri nuk ishte me arme ne dore, duke marre parasysh zonen dhe levizjen e nji mjeti me tre persona brenda?? Fatkeqsisht kemi humbje jete te nji efektivi por po tkishim icik me shume pergjegjshmeri, profesionalitet dhe zbatim rregullash sdo flisnim per nji polic te vdekur. Ku shkojne kto sherifat me grada a thu jane tu dale xhiro per qef?? U fol per ndryshim rrenjesor ne rradhet e policise por fatkeqsisht deri sa tkemi efektive qe kujtojne se jane gangsterra dhe smarrin parasysh asnji rregull te institucionit qe i sherbejne atehere do kemi dhe humbje jetesh
PërgjigjuOre mik nuk eshte aq e komplikuar situata. Policat 10 rrenje hashash kane heq nuk ishte ndonje operacion kunder Eskobarit. Mos beso keta te medias se keta llogje duan. Gjerat jane shume te thjeshta. Drogaxhinjte mbjellin 100 rrenje hashash ne ndonje rreze mali apo fushe dhe si shurraker e alabak qe jane spiunojne njeri tjetrin ne polici apo me keqe hedhin video ne facebook e instagram. Ngrihen policat nga halli se ju bertet ministri debil qe kruan hundet dhe koqet duke pare videot e hashashit dhe nisen ti heqin. Polici e dine qe kjo eshte pune shurrakesh me tuta por ca ti bej ministrit. Polici shkon dhe nuk di ca te bej me pare.. Nese nxjerr armen ministri e ben kriminel ndaj femijeve por edhe po nuk hoqi rrenjet e bejne kriminel te perfshire me bandat e droges.. Ja, kaq eshte e gjitha. Policat ngelen peng te disa shurrakeve me tuta.
Bravo! Me pelqejn akuzat e nenkuptuara! Helmi jot ne opinionin publik e ben krenar Agimin e Arte dhe organizatat per Vorio Epirin. Keshtu sabotohet besimi te shteti shqiptar, keshtu dekurajohen me tej policet, dhe keshtu inkurajohet emigrimi masiv qe eshte kthyer ne rrezik strategjik per Alvanine e poshter dhe per shume vende te tjera!
Ligjet i bejne kriminelet Dhe cdo gje eshte ne favor te tyre! Sepse ligji per policine e shtetit tone te flliqur eshte: Po nuk pe qe nxirrer arma dhe drejtohet drejt teje Nga agresori, ti mos reago, Vetem kur te drejtohet arma , reago! Por logjikisht, po tu drejtu arma, ke mbaru pune Smund te reagosh me! Por sic thame, krimi ka bere ligjet , Sepse krimi eshte ai qe ben ligjin dhe ai qe e shkel njekohesisht Dhe qe te jete sa me i mbrojtur ne cdo pasoje krimineli Se trafiqet normalisht dhe drogen dhe krimet kushurinjte e vellezerit e politikanve i bejne se si bejme oa mbrojtje... Bejne dhe ligjet qe te ken frike forcat e armatosura Kur kane te bejne me ligjin e armeve! Vetem te zgjuarit kane shpetuar ne kte situate Por jane ne burg i ka kap ligji per vrasje Pavarsisht se kane qene ne kushtet e mbrojtjes se nevojshme! Mbroni veten te nderuar forca policie, mos nguroni, lereni ligjet e dhjera. Se te merr jeten nje plere drogaxhi, dhe le femijet ne rruge, Pavarsisht se ai vdiq pa dashje, sduhet te perfundonte kshu, Duhet dhene drejtim qe ne fillim ne postobllok me rregulla te rrepte.
PërgjigjuKeta or mik e kam fjalen per politikanet ne qeveri e ne opozite i bejne policat kriminel dhe heronj sipas inteestit te tyre politik. Jane plehra te gjithe. Para disa muajsh e bene nje alabak si ky qe vdiq dje hero dhe policin qe e vrau kriminel. Polici sot eshte ne burg. Sot policat kane frike te bejne punen e tyre dhe me e keqja ja kane varur fare punes sepse nuk kane besim.
Pershendetje te dashur bashkeatdhetar inteligjent dhe mendjehapur qe besoni se kushdo qe deklarohet ne studio televizive si ekspert i diaspores eshte vertet shqiptar, dhe shqiptar qe ju do te miren! Une jam nje ekspert i sigurise nga Parisi qe nuk me ze gjumi per sigurine e sheeptareve! Meqenese s'ka ngelur asnje form kritike pa u shprehur ndaj tragjedise ku humben jeten polici dhe autori i dyshuar, nga kritikat e drejta deri te ato me absurde, dua te shtoj vetem nje gje: SHQIPERIA NUK BEHET! Veproni edhe ju si une dhe IKNI nga ai vend i mallkuar. Por nese mundeni, para se te ikni ju lutem beni nje revolt popullore dhe sillni ne qeveri ndonje atdhetar qe e ruan rendin me dore te hekurt si ne 21 Janar, dhe qe di se si te zhvilloj ekonomine si me magji sic ishin firmat piramidale apo me tregeti nafte me fqinjet verior. Надам се да ће цела албанска раса бити уништена.
PërgjigjuNe shkrimin tuaj pistoleta e vrasesit na qenka Tokarev, qe ka pasur 8 fisheket dmth 7 ne karikatore dhe nje ne goje!!!!! Pak I mundshem ky variant per nje kalama si ky vrasesi. Ne foto vrasesi ka mbi tavoline pistolete izraelite Desert Eagle tip Mark XIX, qe perdor municion kryesisht kaliber 9mm (Magnum 42 ose 45, Cor-Bar etj), ndersa Tokarevi perdor municion 7.62 mm. Desert Eagle ka karikator me 10 apo edhe 15 e 17 fisheket, ndersa Tokarevi me 7 fisheke. Per rrjedhoje lind pyetja grupi hetimor a ka gjetur karikatore bosh per Tokarevin e vrasesit perderisa 8 fisheket e karikatorit + 1 ne goje u perdoren kundra policit te shkrete. Po fisheket e perdorur kundra helikopterit, kundra policise dhe ne tentative per vetvrasje (nese nuk ka qene vrasje per mbyllje goje) nga dolen, ku jane karikatoret e tjere?!?!! Hajde polici shkencore hajde!!!! Hajde komunikate policie hajde!!!! Bash komisaret turq nuk e paskan gedhendur aspak Ard Veliun e shkrete!!!!!
PërgjigjuKa dhe TT me karikator 10 fishke. Ne tavoline nuk eshte desert eagle sic thua ti, Por nje CZ 1/2 automatike me 15 fisheke! Mos beni kot si profesionista se kemi 100 vjet pune, Nuk behesh profesionist tu pa youtub Dhe filma me Toni montanen!!! Dhe policat jane gjynah dhe te pa mbrojtur, Sa qe pistoleten e mbajne ne cantene makine Se mbajne as ne brez se i rendon !!! Klm
Forcat operazione jan deshtim total njerz te pa kualifikum e tham nga eksperienca personale ku para 6 vjetesh isha per dark me nje shok qe ishte ne kerkim te denum 12 vjet heqje lirie dhe kta cobant po vardalliseshin me makina civile para lokalit ku ne po i shihnim te gjtha levizjet e tyre ne momentin qe parkun para lokalit qe te nderhynin ky shoku o qu nga tavolina dhe iku nga dera e pasme kur hyn mrena te gjith te armatos pa asnjelloj shenje indentifikimi se ti thu ndal policia duhet te besoj un qe je polic,ku sot dalin ne rrug vrases me pages,grabitsa,hajduta,mashtrus dhe te thon ndal policia dhe un do ngrej durt nalt veq nga fjala ndal policia..e njejta gja si me Dritan Dajtin nodhi dhe dje,njeher thuhet kishin dal per kontrollin e territorit per kultivim kanabisi pastaj kishim informacion per nje person te shpallur ne kerkim kush ishte arsyja e vertet qe ju ndodheshit ne at zon te veshur civil?sa persona ishin ne makin 3 apo 4?se prindi i njaj nga personat qe ishin ne makin thot kan qan 4 dhe jo 3 siq thot policia!djali u vetvra u vet plagos apo i kapet doren dhe armen dhe insektuat krejt ngjarjen per te mbulu at te vertet qe nese mbijetonte ky do ishte i detyrum te fliste,perderisa thoni qe dy shoket qe ishin ne makin me te jan bind urdherit te policis per ndalim dhe shoqerim,qe i bje qe mbi ata nuk ka asnjelloj akuze..tregohuni me transparent si fillim per veten tuaj pastaj per opinion publik..ngushellime familjes se policit te vrar ne krye te detyres po ashtu dhe te djaloshit 21 vjecar te pafajshem nga politika 30 vjecare qe po ju shkatrron qelizat e trunit me tulilloj droge prodhim vendas dhe te huaj.
Përgjigju21 vjecar kriminel nuk ka faj vetem politika.....gjithmone fajin e kane te tjeret nuk me pelqen....ky 21 vjecare donte me u ba si Tony Montana dhe ashtu perfundoj.....Ka gjithmone nje zgjedhje ne jete....ky e zgjodhi vete rrugen por nuk mund te mbajne pergjegjesi te tjeret per kete...
Prodhime te demokracise se sali serb berisha! Njeri me i poshter i historise tone! Edhe turqit per 500 vjet skane bere kaq maskra sa ka bere sali serbi me velrimet dhe ideollogjin e tij antishqipetare!
PërgjigjuNese ky ka qelluar veten ne fyt une jam bleona qerreti... ndjese paste polici por ky shume I ri dhe me jete pafat per ta ekzekutuar
PërgjigjuPo nuk e vrave veten momentet e para, me pas eshte shume veshtire. Ate e kane vrare.
PërgjigjuNice