Që pas katapultimit në krye të Partisë Demokratike Lulzim Basha nuk ka arritur asnjë fitore në zgjedhje si lokale dhe parlamentare përballë socialistëve, por kjo nuk e pengon që të jetë entuziast dhe të ëndërrojë që të konkurrojë me rezultatet e Sali Berishës në vitin 1992.

Gjatë një interviste, Basha është shprehur se të gjitha sondazhet e nxjerrin Partinë Demokratike forcën e parë politike në vend, një fenomen që ka, të paktën, dy dekada që nuk ndodh në Shqipëri, thotë ai.

“Partia Demokratike do të fitojë shumicën e duhur që do ti mundësojnë qeverisjen e vendit. Të gjitha sondazhet e nxjerrin sot Partinë Demokratike forcën e parë politike në vend, një fenomen që ka, të paktën, dy dekada që nuk ndodh në Shqipëri.

Ne po bëjmë gjithçka të bindim edhe elektoratin e pavendosur, se PD është alternativa më e mirë për vendin. Dhe për këtë ne kemi hartuar një program ekonomik në bashkëpunim të ngushtë me ekspertët gjermanë te CDU dhe në konsultim të gjerë qytetar" u shpreh Basha për gazetën Mapo.