POP 5

Lajmet më të lexuara të 5 minutave të fundit

Kultura

Asnjë shfaqje kulturore për festat e fundvitit, teatrot dhe galeritë të mbyllura

Këtë fundvit në institucionet e kulturës pllakos heshtja. Disa nga institucionet kryesore të kulturës, siç janë teatrot kanë kyçur dyert, që prej datës 23 dhjetor, ndërsa disa të tjera shfaqjet e fundit i ngjisin në skenë në datë 29 dhe 30 dhjetor. 

Nëse kudo në botë gjatë ditëve të fundit të vitit aktiviteteve kulturore u kushtohet një vëmendje e madhe, ndryshe ndodh për këtë vit në vendin tonë. Disa nga institucionet më të rëndësishme kanë kyçur dyert, që prej datës 23 dhjetor, disa të tjera do të vijojnë punën deri në datë 30 dhjetor. Ndërsa, në datë 31 dhe 1 dhjetor gjithkund do të pllakosë heshtja. 

Trupa e Teatrit Kombëtar që tanimë vijon aktivitet tek ArTurbina ka marrë lejen. Në skenë nuk do të ketë asnjë shfaqje, deri në javët e para të janarit. Edhe në Teatrin e Metropolit artistët kanë marrë pushimet, ndërsa drejtoresha Jonida Beqo, ka dorëzuar platformën në Ministri të Kulturës për drejtoreshë e Teatrit Eksperimental. Kërkesë kjo e firmosur deri më tani vetëm nga ish-ministrja e Kulturës, Mirela Kumbaro.

Data 29 nëntor do të shënjojë ngjitjet e fundit në skenë në Teatrin Eksperimental “Kujtim Spahivogli” me dy shfaqje, “Boeng Boeing” dhe “Tri gra edhe misugu”. Për fëmijët është menduar më shumë, Teatri i Kukullave do të jetë hapur edhe në datë 30 dhjetor me shfaqjen “Grinçi”. Ndërsa, nuk do të mungojë as argëtimi për fëmijët nga akrobatët në Cirk këtë fundvit.

Artistët e Teatrit Kombëtar të Operës mbyllën siparin mbrëmjen e djeshme me Grand Gala në Pallatit të Kongreseve. Përtej protestës së emigrantëve të diasporës, ishte menduar edhe që në COD vizitorët këtë fundvit mund të shikojnë, grafikat e Marc Chagall dhe hartën e rrallë detare të 1455-ës, që studiuesi i hartografisë Artan Shkreli ka sjell nga Biblioteka Qendrore e Romës.

Edhe në galerinë FAB artdashësit mund të vizitojnë ekspozitën “Prolog, epilog” të Kristo Krisikos, ndërsa Galeria Kombëtare e Arteve edhe Muzeu Historik Kombëtar, prej datës 30 dhjetor do të mbyllen.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54