Viti i Ri 2026 ka mbërritur në të gjithë botën, me spektakle madhështore, masa të shtuara sigurie dhe momente përkujtimore

Dubai dhe Abu Dhabi në Emiratet e Bashkuara Arabe kanë pritur Vitin e Ri 2026 me spektakël fishekzjarrësh. Qindra qytetarë u mblodhën për të shijuar spektaklin e fishekzjarrëve në kullën më të lartë në botë.

Në Mbretërinë e Bashkuar dhe Emiratet e Bashkuara Arabe (EBA), Azerbajxhan, Armeni, pjesën më të madhe të Gjeorgjisë, Mauritius dhe Seychelles, sapo ka kaluar pragu i vitit 2026.

Në Dubai, Emiratet e Bashkuara Arabe, qytetarëve iu është servirur një spektakël fishekzjarrësh nga ndërtesa më e lartë në botë, pas një performance me drita, muzikë dhe avionë uji, një spektakël vërtet i mrekullueshëm.

Viti i Ri 2026 ka mbërritur edhe në Afganistan, Iran, Korenë e Jugut, si dhe në Rusi. Një mori vendesh të tjera kanë hyrë në vitin e ri, përfshirë Irakun, Turqinë, Arabinë Saudite, Etiopinë, Kenian, Somalinë, Tanzaninë, Madagaskarin, Ugandën, Sirinë, Eritrenë, Jordaninë, Kuvajtin dhe Jemenin.

Viti i ri 2026 po përhapet në të gjithë Azinë. Së fundmi në Tailandë, Vietnam, Kamboxhia dhe Xhakarda është mesnatë dhe viti i ri është pritur me spektakël fishekzjarrësh.

Kryeqyteti tajlandez, Bangkok, organizoi një shfaqje madhështore dritash pak çaste para mesnatës - me dronë të përdorur për të krijuar një shumëllojshmëri imazhesh shumëngjyrëshe.

Tashmë viti i ri 2026 ka trokitur në disa vende të botës shoqëruar me spektakle magjike me fishekzjarrë.

Ishulli Kiritimati ishte i pari që mirëpriti vitin e ri, ndjekur më pas nga Zelanda e re. Qyteti i Auckland u ndriçua nga magjia e fishekzjarrëve ashtu si dhe Sidney në Australi pak orë më vonë.

Në Sydney, festimet u zbutën nga trishtimi, ndërsa kombi reflektoi mbi sulmin në Bondi Beach më 14 dhjetor, në të cilin u vranë 16 persona në plazhin Bondi. Në orën 23:00 sipas orës lokale, Porti i Sidneit ra në heshtje për një minutë, me turma që mbanin drita në dorë për të përkujtuar viktimat e Bondit.

Ndërkohë në vende të tjera të botës, qytetarët kanë zgjedhur forma të tjera për të festuar mbylljen e një kapitulli dhe ardhjen e një vitit 2026 duke u larë në det si dhe duke sfiduar temperaturat e ulëta.

Viti i ri 2026 ka mbërritur në Kinë, ku vendi ka zgjedhur zhvillimin e një feste më të përmbajtur për të festuar.

Rajoni anuloi shfaqjen e zakonshme të fishekzjarrëve mbi Portin Victoria pas një zjarri masiv në nëntor që vrau të paktën 161 persona.

Në vend të kësaj, ka organizuar një shfaqje muzikore me dyshen e soft rock-ut Air Supply dhe këngëtarë të tjerë, ndërsa fasadat e tetë monumenteve janë shndërruar në orë gjigante numërimi mbrapsht ku paraqitej  një shfaqje dritash që zgjati prej 3 minutash.

Në Malajzi, Kullat Binjake Petronas zënë vend qendror ndërsa fishekzjarrët ndriçuan qiellin e natës.

Akrepat në Australi shënuan 00:00 dhe viti i ri 2026 sapo ka trokitur në derë dhe viti i ri 2026 sapo ka trokitur në derë shoqëruar me shfaqen spektakolare të fishekzjarrëve në qytetin e Sydneyt.

Kësaj radhe kjo shfaqe u zhvillua nën masa të rrepta sigurie, për shkak të ngjarjes së rëndë të ndodhur disa javë më parë ku 16 persona humbën jetën gjatë një eventi hebraik në plazhin Bondi.

Gjithashtu u mbajt dhe një minutë heshtje për viktimat e sulmit ndërsa Ura e Portit u ndriçua me dritë të bardhë dhe mbi shtyllat e saj u projektua një menorah, simbol i njohur i judaizmit.

Festimet vjetore të natës së Vitit të Ri në Sydney janë të njohura në mbarë botën për spektaklin e tyre madhështor të fishekzjarreve, me rreth 40 mijë efekte piroteknike që shtrihen në një distancë prej shtatë kilometrash përgjatë ndërtesave dhe platformave në port, përfshirë Urën ikonike të Portit dhe Operan e Sydney-t.

Vitin e Ri e kanë pritur edhe Vanuatu, Ishujt Solomon dhe Bougainville, një rajon autonom i Papua Guinesë së Re, si dhe pjesë të Rusisë.