POP 5

Lajmet më të lexuara të 5 minutave të fundit

Bota

'As-Salaam-Alaikum', seanca në Parlamentin e Zelandës së Re hapet me leximin e Kuranit në nder të 50 viktimave të sulmit

Ditën e sotme  seanca në Parlamentin e Zelandës së Re është hapur me një përshëndetje islame “paqja qoftë mbi ju” në nder të 50 viktimave të sulmit që u krye të premten që shkoi. Një imam mysliman udhëhoqi lutjet në Parlament, në atë që u vlerësua si gjest i solidaritetit me viktimat e sulmit

'As-Salaam-Alaikum', seanca në Parlamentin e Zelandës së Re hapet me leximin e Kuranit në nder të 50 viktimave të sulmit

Seanca në Parlamentin e Zelandës së Re është hapur me leximin e Kuranit në nder të 50 viktimave të sulmit që u bë të premten e kaluar. Kurani është lexuar gjatë seancës së Parlamentit të Zelandës së Re, që ishte e para që prej sulmit terrorist në dy xhami që u mori jetën 50 personave. Një imam mysliman udhëhoqi lutjet në Parlament, në atë që u vlerësua si gjest i solidaritetit me viktimat e sulmit. Ajetet që u lexuan ishin për durimin, lutjet dhe drejtësinë në ditën e gjykimit.

Ndërsa, kryeministrja Jacinda Ardern e nisi fjalimin e saj me urimin arab “As-Salaam-Alaikum”, që në shqip do të thotë “paqja qoftë mbi ju”. Kjo ishte hera e parë që Kurani është lexuar në Parlamentin e Zelandës së Re. Ky akt është mirëpritur nga Turqia, pasi Ibrahim Kalin, shef i këshilltarëve të presidentit Erdogan, përgëzoi Parlamentin.

“Unë e përgëzoj Parlamentin për këtë akt të ngrohtë dhe të këndshëm. Janë këto akte mirësjelljeje që do ta mposhtin terrorizmin dhe fashizmin”, deklaroi Kalin.

Pas sulmit që la të paktën 50 të vrarë dhe dhjetëra të tjerë të plagosur, kryeministrja zelandeze, Jacinda Ardern, apeloi të mërkurën për një nismë globale për të çrrënjosur ideologjinë raciste dhe islamofobe që po përhapet nëpër botë edhe nga mediet sociale. Autori i ngjarjes, 28-vjeçari australian, pritet të gjykohet për vrasjen në masë dhe një sërë akuzash të tjera duke nisur nga data 5 prill. Ndërkohë, policia zelandeze ka shtuar apelet drejtuar qytetarëve për të mos shpërndarë apo poseduar videon që autori filmoi gjatë krimit, përndryshe rrezikojnë të dënohen deri në dhjetë vite burg.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako