BERGAMO, Itali - Atalanta siguroi sot një fitore të thellë 3-0 ndaj Juventusit në Bergamo, duke prerë biletën për në gjysmëfinalet e Kupës së Italisë.

Pavarësisht se “Zonja e Vjetër” ishte më kërkuese dhe më dominuese në fazat e hershme të takimit, vendasit u treguan më konkretë para portës. Juventusi rrezikoi që në fillim përmes Francisco Conceiços dhe Manuel Locatellit, por pa arritur të gjejë rrugën e golit.

Momenti kyç i pjesës së parë erdhi në minutën e 27-të, kur Bremer preku topin me dorë brenda zonës. Gjyqtari akordoi penallti pas pamjeve në VAR, të cilën Gianluca Scamacca e shndërroi saktë në gol për epërsinë e Atalantës.

Juventusi tentoi të reagojë edhe në vazhdim, me Weston McKennie që ishte pranë barazimit, por goditja e tij përfundoi ngjitur me shtyllën e djathtë.

Në pjesën e dytë, teksa miqtë shtuan presionin, Atalanta goditi në kundërsulm. Kamaldeen Sulemana shënoi nga pranë portës në minutën e 77-të, duke dyfishuar rezultatin, ndërsa Mario Pasalic ‘vulosi’ fitoren bindëse me një goditje precize nga distanca në minutën e 85-të. Për Atalantën 90 minuta ishte në fushë edhe Berat Gjimshiti, që bëri një paraqitje fantastike në prapavijë. Sulmuesi i Juves, Edon Zhegrova, u fut në lojë në minutën e 80-të.

Me këtë triumf, Atalanta avancon në gjysmëfinalet e Kupës së Italisë, ku do të përballet me fituesin e çiftit Bologna - Lazio.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bravo: 06/02/2026 12:49

    Bravo Bergamo

    Përgjigju
  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera