Një atentat me armë zjarri është regjistruar mbrëmjen e sotme në dalje të qytetit të Sarandës në fshatin Gjashtë. Ngjarja ka ndodhur në lokalin e një karburanti “Vëllezërit Ismaili sh.p.k,” ndërsa viktimë ka mbetur pronari Rexhep Ismaili 66 vjeç, i cili ka marrë 1 plumb në kokë.

Rexhep Ismaili ka qenë në tavolinë me të tjerë persona në momentin kur autori ka hyrë brenda i armatosur dhe e ka qëlluar 66-vjeçarin për vdekje. Sipas raportimeve, personat që shoqëronin Ismailin, i janë kundërpërgjigjur agresorit, por ai ka arritur të largohet nga vendi i ngjarjes pa lënë gjurmë.

Gjithashtu rezulton se Rexhep Ismaili është dhe kryetar i Shoqatës Çamëria, dega Sarandë.

Në vendin e ngjarjes kanë mbërritur forca të shumta policie ndërsa rrethanat e vrasjes vijojnë të jenë të paqarta e në pyetje po merren të gjithë dëshmitarët.

Rendit zhvillimet sipas orarit:
Ora 22:59
Atentati në Sarandë/ Viktima u ekzekutua brenda lokalit në karburantin e tij, ishte në tavolinë me persona të tjerë kur u qëllua nga autori

Rexhep Ismaili është ekzekutuar me armë zjarri brenda në lokalin e karburantit në pronësi të tij në fshatin Gjashtë të Sarandës. 66-vjeçari ka qenë në tavolinë me të tjerë persona kur autori ka hyrë i armatosur dhe e ka qëlluar për vdekje.

K.B/Shqiptarja.com

Ora 22:21
U ekzekutua me plumb në kokë pranë karburantit në pronësi të tij, Report Tv siguron foton e 66-vjeçarit

Report Tv ka siguruar foton e Rexhep Ismailit 66 vjeç, i cili është ekzekutuar mbrëmjen e sotme pranë një pike karburanti në pronësi të tij me plumb në kokë.

K.B/Shqiptarja.com