POP 5

Lajmet më të lexuara të 5 minutave të fundit

Kronikë

Atentat në Vlorë, qëllohet me breshëri plumbash 33-vjeçari, plagoset rëndë! Gjendet e djegur në zonën e 'Ujit të Ftohtë' makina e autorëve, dy kallashnikovë brenda

Një person ka mbetur i plagosur mbrëmjen e sotme në Vlorë, pasi iu bë një atentat. Bëhet me dije se i plagosur ka mbetur Romeo Meçaj, teksa ngjarja u regjistrua pranë stadiumit. Policia ka gjetur një automjet të djegur në zonën e 'Ujit të Ftohtë', që i përkiste autorëve. Dyshohet se automjeti i përdorur në atentat, ishte vjedhur.

Romeo Meçaj, 33 vjeç, ka mbetur i plagosur rëndë mbrëmjen e sotme në Vlorë, në një atentat mafioz pranë stadiumit “Flamurtari”.

33-vjeçari po lëvizte me makinën tip “Land Rover” kur në drejtim të tij u shkrehën plumba kallashnikovi. Si pasojë e të shtënave, makina në lëvizje e të plagosurit përplasi disa mjete në afërsi, ndërsa nuk pati të tjerë të lënduar. Autorët dyshohet se e kanë pritur të fshehur Meçajn pranë stadiumit, ndërsa kanë pasur dijeni të lëvizjeve të tij.

Pas të shtënave ata u larguan me shpejtësi, ndërsa dogjën automjetin e tyre në zonën e quajtur “Shtatë Pallatet”, pranë Ujit të Ftohtë. Makina rezulton me targa të vjedhura. Pas këqyrjes, policia gjeti dhe sekuestoi brenda saj, dy kallashnikov të djegur, të cilët dyshohet se u përdorën për të qëlluar në drejtim të 33-vjeçarit Meçaj.

Romeo Meçaj jetonte në lagjen “Pavarësia” të Vlorës, ndërsa akoma mbetet e paqartë arsyeja e tentativës për ta eliminuar. Si pasojë e të shtënave, gjendja e tij paraqitet serioze, ndërsa është nisur me urgjencë drejt Spitalit të Traumës në Tiranë. Mësohet se plumbat e kanë kapur në afërsi të kraharorit dhe në gjymtyrët e poshtme.

Policia e Vlorës ka ngritur pika kontrolli në hyrje dhe dalje të qytetit, në përpjekje të identifikimit dhe kapjes së autorëve të atentatit. Zona ku ka ndodhur ngjarja është e survejuar me kamera sigurie, ndërsa po punohet për kapjen e detajeve të tyre për të shkuar drejtë gjurmëve të agresorëve.

Rendit zhvillimet sipas orarit:
Ora 06:59
Momente pas atentatit/ I plagosuri transportohet drejt spitalit me makinën e policisë (VIDEO)

Ky është momenti ku i plagosuri i atentatit të Vlorës Romeo Meçaj transportohet nga policia me makinën e tyre drejt urgjencës së Vlorës.

r.k./Shqiptarja.com

Ora 21:18
Del foto, ja kush është 33-vjeçari që mbeti i plagosur në një atentat sot në Vlorë

Personi që shihni në foton më lart është Romeo Meçaj, 33-vjeçari që mbeti i plagosur rëndë mbrëmjen e sotme në Vlorë, si pasojë e një atentati.

Ora 20:58
Iu bë atentat në Vlorë, identifikohet 33-vjeçari që mbeti i plagosur! Në gjendje të rëndë në spital

 

Romeo Meçaj, 33 vjeç është personi që mbeti i plagosur në një atentat mbrëmjen e sotme në Vlorë. Mësohet se ai ndodhet në gjendje të rëndë shëndetësore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Herti: 06/03/2022 11:12

    Djali Uzos esht ky

    Përgjigju
  • shperthyesi: 06/03/2022 00:03

    Cpaten keta? vlonjatet rrine gjithe diten mbi libra, frekuentojne vetem librari dhe debatojne vec per leteresi... Do jene te ardhur e jo vlonjeter...

    Përgjigju
  • Shkodra: 05/03/2022 22:02

    O vlora e keni humbur fare , keto heret e fundit po deshtoni vetem plagosje nuk po arrini te vrisni . Turp nuk ju falet si vlonjate

    Përgjigju
    • Vlora: 05/03/2022 22:21

      Jua kemi lene stafeten nga shkodra.

  • 33 apo 30: 05/03/2022 21:55

    Zoti-nja reporter-e ndaje mëndjen 30 apo 33 vjeç është hallexhiu i plumbave të marra?

    Përgjigju
    • 45vjecari: 06/03/2022 07:24

      Kam idene se eshte 33 vjec me 30 plumba

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00