POP 5

Lajmet më të lexuara të 5 minutave të fundit

Kronikë

Atentati, 70 gr C4 inxhinieres
merren pamjet e kamerave

Shpërthimi i eksplozivit në makinën e inxhinieres së ndërtimit Entela Çano, është bërë nga një distancë e afërt dhe jo nga larg. Hetimet kanë zbardhur edhe sasinë e lëndës shpërthyese që ka qenë rreth 70 gram eksploziv plastik i llojit C4.PD "Rama po dështon në detyrën e tij"
Shpërthimi i makinës në autostradë Çanta i shpëtoi jetën inxhinieres
Ja pamjet, makina e inxhinieres në flakë pas shpërthimit me eksploziv
Shatërvanin tek “Zogu i Zi” e projektoi Entela Çano

 
Atentati, 70 gr C4 inxhinieres<br />merren pamjet e kamerave
TIRANE- Shpërthimi i eksplozivit në makinën e inxhinieres së ndërtimit Entela Çano, është bërë nga një distancë e afërt dhe jo nga larg. Hetimet kanë zbardhur edhe sasinë e lëndës shpërthyese që ka qenë rreth 70 gram eksploziv plastik i llojit C4. Në këtë përfundim është arritur nga grupi hetimor i policisë, i ngritur për ngjarjen e ndodhur dy ditë më parë në rrugën Durrës-Tiranë. Burime nga grupi hetimor kanë bërë të ditur se, kanë zbërthyer mekanizmin e shpërthimit duke zbardhur edhe mënyrën se si është realizuar. Gjithashtu janë sekuestruar edhe pamje të kamerave të sigurisë të disa objekteve që ndodhen pranë vendit të ngjarjes, si dhe të disa karburanteve që ndodhen në rrugën Durrës-Tiranë.
 
SHPËRTHIMI NGA AFËR
Rreth 70 gr lëndë shpërthyese C4, është përdorur për të hedhur në erë mjetin me të cilin udhëtonte inxhinjeria 38-vjeçare, Entela Çano. Burime nga grupi hetimor kanë bërë të ditur se, lënda plasëse ishte instaluar në pjesën e poshtme të Mitsubishit, në krahun e pasagjerit. Ndërkohë shpërthimi i telekomanduar, është bërë nga një distancë e afërt. Pikërisht për këtë arsye, grupi hetimor është duke parë me vëmendje pamjet filmike të sekuestruara pasi dyshohet se, shpërthimi është realizuar nga një makinë që ka qenë në ndjekje të Mitsubishit të inxhinieres së ndërtimit dhe pronares së studios “A & E Engineering”. Pista e vetme e hetimit ka lidhje me profesionin e 38-vjeçares, të cilin e ushtronte prej vitesh në Tiranë. Ajo kishte udhëtuar e vetme nga Tirana në Kavajë dhe po ashtu është kthyer e pashoqëruar.
 
NGJARJA
Shpërthimi ndodhi të enjten në datën 8 maj në mesditë në austradë, në afërsi të Sukthit. 38-vjeçarja zbriti nga makina vetëm pak sekonda para se të ndodhte shpërthimi, ndërsa flakët e kanë djegur të gjithë mjetin. Policia e Durrësit ka reaguar edhe zyrtarisht për ngjarjen e ndodhur, por duke mos dhënë shumë detaje. Gjatë hetimeve është zbuluar se, lënda plasëse në një sasi të vogël ishte e montuar poshtë makinës në pjesën ku zakonisht vendosen këmbët e pasagjerit. Dëshmitarë dhe vetë inxhinierja kanë deklaruar se, më momentin kur ka ndodhur shpërthimi është dëgjuar një zhurmë e madhe. Sipas policisë, “çanta e drejtueses së makinës e ka shpëtuar atë, pasi duke qenë e mbushur me letra ka amortizuar shpërthimin”.
 
Pistat
Policia e Durrësit është duke hetuar në disa pista në lidhje me ngjarjen. Fillimisht u mendua se shpërthimi mund të kishte lidhje me punën e bashkëshortit por është përjashtuar. Policia po heton në pistën e konflikteve të punës që bën Çano.

Redaksia online
(d.a/shqiptarja.com)
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43