Atentatori e vrasjes së 3- fishtë në Memaliaj, para se të hapte zjarr vetëm pak metra larg shënjestrës, dhe të linte të vdekur në vend, tre burra, babain e Adriatik Kalemit, kamarierin dhe një klient, i dha një mesazh të moshuarit.
Nuk dihet saktësisht çfarë ai i tha Shyqyri Kalemit, 74 vjeç, por hetuesit besojnë, se kanë të bëjnë me nga ato mesazhet tipike të hakmarrjes, ku vrasësi të sjell përshëndetjet e atij që porosit ekzekutimin.
Supozohet që qitësi, i tha babait të Andrea Kalemit- Të fala të kesh… Por megjithatë, kjo është vetëm një pjesë e asaj çfarë deshifrohet në pamjet e kamerave të sigurisë, jo të lokalit, ku ndodhi krimi, por të godinës së bashkisë, pranë vendit të ngjarjes.
Mu pikërisht nga këto pamje, gazetari i Report Tv Piro Nase, mëson se është zbuluar edhe profili i autorit të masakrës i cili ekzekutoi me breshëri plumba kallashnikovi, Shyqyri Kalemin, kamarierin e lokalit, Gledio Mukën dhe klientin Marsel Çela, natën e 20 korrikut, kurse i plagosur mbeti Artur Kalemi, xhaxhai i Andrea (Adriatik) Kalemit.
Burime nga grupi hetimor, i kanë treguar Report Tv, se personi, që zbriti nga makina, tip BMË ishte i gjatë 1.80 centimetra, rreth 40 vjeç dhe i pamaskuar. Ai kishte veshur pantallona dhe bluzë të zezë pa mëngë.
Një apo dy personat e tjerë brenda makinës e cila pas atentatit, u gjet e djegur bashkë me tre kallashnikovë, në Bejaj të Mallakastrës, nuk janë kapur nga kamerat e sigurisë. 27 persona janë shoqëruar nga policia por deri tani nuk ka asnjë gjurmë të autorëve.
Hetuesit po përqendrohen të hakmarrja, referuar krimeve të djalit të viktimës, Adriatik Kalemit, emri i të cilit lidhet me vrasjet e dy vëllezërve Mevlan dhe Adriatik Çaça në Belgjikë më 13 prill 2001, apo me ekzekutimin e biznesmenit Edmond Papa, vetëm pak muaj pasi iu vra me eksploziv nipi Aleksander Sadikaj në zonën e TEG. Vetë Kalemi u ka shpëtuar disa sulmeve, në Tiranë e në Greqi.
Më i rëndi ishte ai në dhjetor të 2023, ku u godit disa herë me thikë në burgun grek, “Koridhalos” nga një 28-vjeçar egjiptian. Edhe i vëllai Zamir Kalemi i ka shpëtuar një atentati.
1- Shyqyri Kalemi 74 vjeç (babai i Andrea Kalemit)
2- Gledio Muka, 36 vjeç (kamarier)
3- Marsel Çela 47 vjeç (klient)
Artur Kalemi, 57 vjeç (xhaxhai i Andrea Kalemit)
Memaliaj- “Na e vranë djalin pa faj.Përse na e vranë?” Janë pyetjet pa përgjigje në familjen e Mukës, e cila ka hapur dyert e mortit për Gledion.
36 vjeçari punonte si kamarier në lokalin në Memaliaj ku të shtunën e 20 korrikut 2024 u ekzekutua bashkë me Shyqyri Kalemi, dhe 47-vjeçari, Marsel Çela.
Nga hetimet rezulton se Gledion Muka dhe Çela janë dy viktima të pafajshme të cilët kanë qenë në lokal, ndërsa objektiv i atentatit ka qenë Shyqyri Kalemi.
E kemi pasur flori e shkuar floririt. Punonte kamarier për bukën e gojës. Pse ma vranë djalin? Përse? Ata e kishin lënë punën dhe po rrinin atje se ishte vapë.
Kërkojmë të drejtën e djalit. Përse na vranë. Na bëri gjëmën, e kishim djalë të vetëm. Gledi i nënës!
Kamerat e sigurisë kanë zbuluar profilin e autorit të masakrës me 3 të vrarë në Memaliaj, i cili ekzekutoi me breshëri plumbash babanë e Andrea Kalemit, Shyqyr Kalemin, kamarierin e lokalit, Gledio Muka dhe një klient Marsel Çela, natën e 20 korrikut. Ndërsa i plagosur mbeti vëllai i Shyqyri Kalemit, Artur Kalemi.
Sipas gazetarit të Report Tv, Piro Nase, autori që ka qëlluar ishte i gjatë 1.80 centimetra, rreth 40 vjeç dhe i pa maskuar. Autori ka qenë i veshur me pantallona të zeza dhe bluzë të zezë, pa mëngë.
Po sipas te njëjtave burime, në momentin kur ka qëlluar ndaj viktimave, autori është ndalur për pak sekonta dhe dyshohet se u ka thënë diçka para se t’i ekzekutonte.
Personi i dytë në timon nuk është identifikuar dot.
Lajme të tjera
-
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Gjirokastër/ Banesa përfshihet nga zjarri, shkak një defekt në bombulën e gazit! Shpëtojnë mrekullisht familjarët
21 Dhjetor, 15:40 -
Gjirokastër/ Makina del nga rruga te 'Ura e Kardhiqit', vdes drejtuesi 62-vjeçar
20 Dhjetor, 08:02 -
AMP arreston 2 policë! Njëri u denoncua nga ish-bashkëshortja, theu urdhrin e mbrojtjes dhe i vodhi valixhen me 5 milion lekë
19 Dhjetor, 10:58 -
‘Aperitivo italiano’, jazz & soul në Gjirokastër! Koncert me këngët më të bukura të muzikës italiane
16 Dhjetor, 14:52
-
Media spanjolle 'ABC': Shqipëria fiton popullaritet në mesin e turistëve ndërkombëtarë
15 Dhjetor, 08:14 -
Memaliaj/ Pjesë e një grupi kriminal, 46-vjeçar arratiset nga 'arresti shtëpiak', policia në kërkim
10 Dhjetor, 13:44 -
Kakavijë/ Tentoi të dilte nga Shqipëria me mbi 16 mijë euro, lekë dhe paund të padeklaruara, nën hetim 47-vjeçari
10 Dhjetor, 09:33
