27 persona janë shoqëruar nga policia për atentatin me 3 të vrarë në Memaliaj. Burime për gazetarin e Report Tv, Piro Nase, bëjnë me dije se deri në këto momente janë ushtruar 25 kontrolle në Memaliaj, Tepelenë, Vlorë, Fier, Elbasan, Tiranë, Lezhë dhe Shkodër, ndërsa po vijohet me kontrolle intensive në terren.
Në atentat sipas hetimeve kanë marrë pjesë 2 autorë, njëri drejtonte makinën dhe tjetri ka qëlluar me armë automatike në drejtim të viktimave.
Babai i shumë të përfolurit për krime, Andrea Kalemi, Shyqyri Kalemi u vra në një atentat të trefishtë më 20 korrik, në lokalin pranë bashkisë së Memaliajt, kurse xhaxhai iu plagos. Dy të tjerët e vrarë, ishin klienti Marsel Çela dhe kamarieri i turnit Gledio Muka. Policia gjeti makinën e djegur, brenda saj tre kallashnikovë.
Pista kryesore në të cilën po hetohet është ajo e hakmarrjes, pas një zinxhiri vrasjesh mes dy fiseve që luftën e nisën shumë herët, për trafikut e kanabisit nga jugu i Shqipërisë drejt Greqisë.
Kush është Andrea Kalemi
Andrea Kalemi nuk është emër i panjohur për policinë shqiptare ndërsa rezulton bashkëpronar i kompanisë “Shiza Kalemi” sh.p.k në Memaliaj për tregtim me pakicë dhe shumicë të produkteve, restorant, pika servisi, parkime, lavazhe, hotele, e më gjerë.
Në vitin 2001 ai rezulton i arrestuar nga forcat speciale RENEA dhe ishte shpallur në kërkim ndërkombëtar nga autoritetet belge, pasi akuzohej se në bashkëpunim me vëllain e tij Fatmir Kalemi kishte vrarë vëllezërit Mevlan e Adriatik Çaça, ngjarje e ndodhur në Anderleht, më 13 prill 2001. Në 2017-ën u arrestua në Tiranë me 2 të tjerë pasi duke qenë edhe nën efektin e alkoolit, kundërshtuan punonjësin e policisë në detyrë, duke prishur rendin dhe qetësinë publike. Dyshohet se u përfshi në vrasjen e Edmond Papës në dhjetor 2022, ndërsa arriti ti shpëtojë dy atentave.
Në gusht të 2023 Andrea Kalemi u tentua të vritej në ishullin Pax të Greqisë, por 51 vjeçari mbeti i plagosur, ndërsa në dhjetor të këtij viti u plagos në një burg grek. Ndërkohë në janar 2024, Zamir Kalemi i shpëtoi atentatit kur persona ende të paidentifikuar qëlluan makinën në të cilën udhëtonte pranë rrethrrotullimit të Selitës në Tiranë. Ai u plagos në këmbë.
1- Shyqyri Kalemi 74 vjeç (babai i Andrea Kalemit)
2- Gledio Muka, 36 vjeç (kamarier)
3- Marsel Çela 47 vjeç (klient)
Artur Kalemi, 57 vjeç (xhaxhai i Andrea Kalemit)
Lajmi në përditësim...
Kamerat e sigurisë kanë zbuluar profilin e autorit të masakrës me 3 të vrarë në Memaliaj, i cili ekzekutoi me breshëri plumbash babanë e Andrea Kalemit, Shyqyr Kalemin, kamarierin e lokalit, Gledio Muka dhe një klient Marsel Çela, natën e 20 korrikut. Ndërsa i plagosur mbeti vëllai i Shyqyri Kalemit, Artur Kalemi.
Sipas gazetarit të Report Tv, Piro Nase, autori që ka qëlluar ishte i gjatë 1.80 centimetra, rreth 40 vjeç dhe i pa maskuar. Autori ka qenë i veshur me pantallona të zeza dhe bluzë të zezë, pa mëngë.
Po sipas te njëjtave burime, në momentin kur ka qëlluar ndaj viktimave, autori është ndalur për pak sekonta dhe dyshohet se u ka thënë diçka para se t’i ekzekutonte.
Personi i dytë në timon nuk është identifikuar dot.
Lajme të tjera
-
‘Në kohën dhe vendin e gabuar’, atentatet kriminale ndër vite që u morën jetën të pafajshmëve
21 Korrik, 13:08 -
FOTOT/ Viktimat e pafajshme të atentatit në Memaliaj! Si u vranë kamarieri e klienti
21 Korrik, 09:19 -
Atentat me tre të vrarë në Memaliaj/ Ekzekutohet babai i Andrea Kalemit, i plagosin xhaxhanë! Vritet klienti e kamarieri i lokalit! Dyshohet hakmarrje ndaj të birit (VIDEO)
21 Korrik, 00:12 -
Gjirokastër/ Zjarr në malin e Sopotit, zjarrfikësit në ‘luftë’ për shuarjen e flakëve
20 Korrik, 13:27 -
Rama: Qilimi i gurtë i mirëseardhjes në Gjirokastër, drejt përfundimit
20 Korrik, 10:18 -
Gjirokastër/ Vetëtima shkakton zjarr në urën e Kardhiqit
19 Korrik, 16:34 -
Gjirokastër/ Zjarri djeg një sipërfaqe me shkurre, rrezikohen banesat
19 Korrik, 15:13 -
Media amerikane “CN Traveler”: Zbuloni Shqipërinë, perlën e fshehur të Evropës
19 Korrik, 08:14 -
Memaliaj/ Kanosi me sëpatë bashkëshorten, në pranga 61-vjeçari
18 Korrik, 16:24 -
Memaliaj/ Shpërthen bombola e gazit në banesë, rrezikohet jeta e 65- vjeçares
15 Korrik, 21:09 -
Qëndrime kritike nga UNESCO mbi Beratin dhe Gjirokastrën për autoritetet shqiptare
15 Korrik, 20:59 -
VIDEO/ 19 vite në UNESCO, Gjirokastra qyteti muze të merr frymën me shikimin e parë
15 Korrik, 14:49
