Atentati me tre viktima, Salianji: Ortakëria e qeverisë me krimin po sjell pasoja

Ortakëria e qeverisë me krimin po sjell pasoja. Kështu e cilëson deputeti i Partisë Demokratike, Ervin Salianji atentatin me tre viktima në Fushë-Krujë.

Salianji shkruan se krimi po godet brutalisht dhe kudo, pa pasur frikë dhe se partneriteti dhe ortakëria e qeverisë me krimin po sjell pasoja çdo ditë.

“Krimi po godet brutalisht dhe kudo, pa pasur frikë, duke dhënë mesazhe dhe duke eliminuar cilindo që vendosin si target! Në mes të ditës, në një prej rrugëve kombëtare me më shumë lëvizje dhe në ditën më të ngarkuar! Ngjarjet janë të përsëritura dhe po krijojnë panik dhe ankth tek qytetarët! Partneriteti dhe ortakëria e qeverisë me krimin po sjell pasoja çdo ditë, kriminelët dhe banditët duhet të ndjejnë forcën më të ashpër të ligjit, shtypja e krimit të organizuar duhet të bëhet pa mëshirë, fokusi duhet të vendoset tek banditët jo tek të dobëtit! Punonjësit e thjeshtë të policisë kanë nevojë për mbështetje dhe vullnet, ne jemi me ta!”, shkruan Salianji.

Lajmi kryesor:

Masakra me tre të vrarë në Fushë Krujë, reagon opozita: Shteti i është dorëzuar krimit! Asnjë ministër nuk justifikohet dot

K.T./Shqiptarja.com

TAG:
• 3 te vrare ne Fushe Kruje
• enkelejd alibeaj
• fushe kruje
• PD