Atentati në Shkodër ndaj babë e
bir, hetohet pista e hakmarrjes
Policia heton në pistën e hakmarrjes, të dy u arrestuan në muajin Nëntor për një sulm në fshatin Theth të Shkodrës. Sulmi ndodhi pranë spitalit të qytetit në Shkodër
Babë e bir janë qëlluar me automatik teksa udhëtonin me makinë pranë spitalit rajonal të Shkodrës. Ngjarja ka ndodhur rreth orës 17:00 të ditës së djeshme, teksa dy persona me motor i kanë zënë pritë duke shkaktuar vdekjen e menjëhershme të Frederik Markut 46 vjeç dhe plagosjen rëndë të djalit të tij, Jurgen Brunga, 22 vjeç (djali kishte ndryshuar mbiemër pas konflikteve të mëparshme), nga Malësia e Madhe por banues në Tiranë. Sipas informacioneve të para të siguruara nga policia e Shkodrës viktimat sapo kishin denoncuar në polici rreth një konflikti të fundit me disa persona në zonën e Thethit ku po pushonin të dyja palët. Burime nga policia thonë se është bërë identifikimi i dy autorëve, por për arsye sigurie nuk bëhen publik emrat e tyre. Në lidhje me gjendjen shëndetësore të djalit të viktimës, bluzat e bardha në spitalin e Shkodrës njoftojnë se plagosja ka qenë e rëndë dhe se 22 vjeçari ka dhënë vetëm pak shenja jete në reanimacion.
VIKTIMATJurgen Brunga kishte ndërruar mbiemrin, pasi mendohet se kanë pasur konflikte me autorët e krimit. Ndërkaq, mbi viktimën Marku mësohet se ka qenë me precedentë të mëparshëm penale, ndër to edhe për armëmbajtje pa leje. Babë e bir ndodheshin në makinën tip Fuoristradë me targa Tr 3413 T, teksa janë qëlluar nga dy persona me motor, të cilit ishin vënë në ndjekje të viktimave.
Autorët janë larguar nga vendngjarja, ndërsa policia është vënë në ndjekje të tyre dhe ka nisur hetimet për zbardhjen e detajeve të ngjarjes. Por duket se të dy viktimat e këtij atentati kanë patur probleme kohët e fundit në fshatin e Thethit. Ata disa muaj më parë kanë patur madje edhe një incident dhe janë arrestuar nga policia.
INCIDENTINë muajin nëntor 2011 policia e Shkodrës njoftonte se kishte kryer arrestimin në flagrancë të Frederik dhe Jurgen Markut. Babë e bir, nga Shkodra dhe banues në lagjen "Komuna e Parisit" në Tiranë u arrestuan pasi në bashkëpunim me njëri-tjetrin, në fshatin Theth, komuna Shalë, kanë kanosur me armë gjahu çifte shtetasin Z. D., 50 vjeç, banues në Theth, si dhe i kanë shkaktuar atij dëmtime të lehta në fytyrë, e më pas i kanë dëmtuar dhe automjetin e tij tip "IFA", duke i thyer të gjitha xhamat. Kjo sipas Policisë ka shkak motivet e dobëta. Dje policia e Shkodrës dyshonte se se atentati ndaj Frederik dhe Jurgen Markut mund të ketë pikërisht këtë konflikt si motiv, megjithatë do të jenë hetimet e gjithëanshme ato që do të zbardhin këtë ngjarje të rëndë.
Shkrimi u botua sot në gazetën Shqiptarja.com
(sg/shqiptarja.com)
Sondazhi i ditës:
A ka politika frikë nga SPAK-u?
-
Po
68.9%
-
Jo
26.4%
-
Nuk e di
4.7%
Vota total: 2956
Lajme të tjera
-
Raiffeisen Invest lançon fondin e parë dhe të vetëm në treg ESG “Raiffeisen Solid”
25 Prill, 13:39
-
Modeli “Benet Beci”, e vetmja rrugë për rrotacionin politik në Shqipëri
25 Prill, 13:38
-
Komisioni Hetimor për Shëndetësinë/ Vokshi-mazhorancës: Keni sjellë planin e hetimit të Ilir Beqajt dhe kërkoni ta miratojmë me forcën e kartonit
25 Prill, 13:36
-
Milano kërkon të ndalojë shitjen e akulloreve dhe picave pas mesnate
25 Prill, 13:33
-
Komisioni Hetimor i Shëndetësisë/ 'Turp që bëni avokatin', Ilir Metaj - Ilda Dhorit: Harroje teorinë e kaosit
25 Prill, 13:29
-
Adriana Kalaja kallëzon në SPAK Lulzim Bashën, Aurela Bashën dhe Erion Isufin
25 Prill, 13:28
-
Lëvizjet e shtetasve, 1 në 5 banorë në mars ishte turist i huaj
25 Prill, 13:23
-
Kosovë/ Përplasi për vdekje me makinë 44-vjeçarin, i riu nga Elbasani dyshohet se e bëri për hakmarrje! Arrestohet për vrasje
25 Prill, 13:19
-
VIDEOLAJM/ Dështon arratisja e 20 të burgosurve në Venezuelë! Llogaritën gabim tunelin, dolën në zonën e gardianëve
25 Prill, 13:16
-
Replikat/ Ndreca-Vokshit: Dhunuese e fjalës, një inxhiniere tekstile s'ma tregon dot ligjin! Deputetja: Kur denoncojmë abuzimet të dhemb ëëë
25 Prill, 13:15
-
'25 prilli, ditë e zezë në historinë e demokracisë së Shqipërisë'
25 Prill, 13:10
-
Rusia veto ndaj rezolutës së SHBA për armët bërthamore
25 Prill, 13:01