POP 5

Lajmet më të lexuara të 5 minutave të fundit

Atentati ndaj Sadikajt/ Zbulohet e shkuara kriminale e nënës së tij, shfrytëzonte lokalin për prostitucion! E ndihmonin 2 policë

Aleksandër Sadikaj, i cili u ekzekutua në një atentat pranë TEG-ut, prej vitesh njihej nga policia si i përfshirë në aktivitete me natyrë kriminale, por pas nuk qëndrojnë edhe anëtarë të familjes së tij.  E ëma, Silvana Kalemi rreth gjashtë muaj më parë është proceduar penalisht  për shfrytëzim prostitucioni.

Aleksandër Sadikaj, i cili u ekzekutua në një atentat pranë TEG-ut, prej vitesh njihej nga policia si i përfshirë në aktivitete me natyrë kriminale, por pas nuk qëndrojnë edhe anëtarë të familjes së tij.

Më konkretisht e ëma, Silvana Kalemi, e cila rreth gjashtë muaj më parë është proceduar penalisht nga Shërbimi për Çështjet e Brendshme dhe Ankesave (sot AMP) për shfrytëzim prostitucioni. 53-vjeçarja dyshohej se shfrytëzonte ambientet e lokalit që e kishte në pronësi në Memaliaj, ushtronte aktivitetin e ushtrimit të prostitucionit.

Në atë kohë, bashkë me Kalemin, u pezulluan nga detyra edhe dy punonjës policie të Tiranës, të cilët ndihmonin gruan në aktivitetin e kundraligjshëm. Njëri prej policëve, specialist i Seksionit të Hetimit të Aksidenteve, ishte dhëndri i Kalemit, ndërsa një inspektore 27-vjeçare, punonjëse në Sallën e Komandimit, njoftonte gruan për aksionet e policisë. Në banesën e nënës së Aleksandër Sadikajt u gjetën dhe sekuestruan 2 armë gjahu gjysëmautomatike dhe sasi fishekësh, të cilat mbaheshin pa leje.

Ndërkohë grupi hetimor po verifikon aparatet celular që ka pasur në përdorim Aleksandër Sadikaj. Sipas burimeve, në bashkëpunim me kompanitë telefonike, po kontrollohen detaje të bisedave apo komunikimeve të dyshimta që mund të ketë pasur së fundmi viktima. Në fokus janë edhe qelizat telefonike, përmes të cilave po mundohen të kuptohen lëvizjet që ka kryer së fundmi 27-vjeçari.

Po ashtu në fokus të qelizave telefonike në zonën ku ka ndodhur ngjarja janë edhe aparate të tjerë celular që mund të kenë lidhje me autorët. Mësohet se shpërthimi ka qenë i telekomanduar dhe jo shpërthim përmes valëve të celularit. Kjo, sipas hetuesve, dyshohet të jetë bërë për të shmangur gjurmimin përmes valëve.

Grupi hetimor ka rindërtuar pistat e hetimit, në bazë të deklarimeve të familjarëve dhe miqve. E para është prishja e pazareve të drogës, pista e dytë ku po hetohet është ajo e konflikteve të mundshme që mund të kishte kohët e fundit i riu, e treta është ajo e dhënies së parave me fajde dhe e katërta ajo e borxheve.

Si ndodhi ngjarja?

Aleksandër Sadikaj ishte nisur drejt Memaliaj, por në aksin Sauk-TEG, makina me targa AB077PO me të cilën ai po lëvizte shpërtheu, si rrjedhojë e sasisë së tritolit. Autorët janë treguar të kujdesshëm, kjo pasi kanë vendosur që të bëjnë shpërthimin e komanduar në një moment kur nuk ka pasur në rrugë asnjë makinë tjetër përreth Sadikajt, duke shmangur rrezikun që nga ai shpërthim të vritej një person i pafajshëm. Bomba me celulare dyshohet se i është vendosur nga persona që kishin akses te makina. Nga shpërthimi Sadikaj ka humbur 2 gjymtyrët e poshtëm, këmbët, dhe ia ka dalë që të dilte vetë nga makina. Ai është ndihmuar edhe nga kalimtarët, teksa është dërguar me urgjencë në spital, por për fat të keq nuk ia ka dalë që t'i mbijetonte plagëve të marra, për rrjedhojë humbi jetën.

Kush është Aleksandër Sadikaj?

27-vjeçari Aleksandër Sadikaj është një njeri me precedent të theksuar kriminal në fushën e vjedhjes, krimeve ndaj personit dhe narkotikëve. Ai rezulton pronar i një resorti me pistë hipizmi, i njohur si “Sancho Farm Albania” në Memaliaj, vendi i origjinës së nënës. 3 vite më parë, në korrik të 2019, ishte i përfshirë në një tjetër ngjarje kriminale ku ka tentuar që të vrasë me thikë 40-vjeçarin nga Vlora Berti Tahiraj, pranë Kanalit të Cukës në Sarandë. Ndërkohë, rezultonte si autor i disa vjedhjeve apo kundërshtimeve të urdhrave të policisë. Përveç akuzave të tjera ndër vite, para 5-6 vitesh ai dyshohet se ka kryer një vrasje në Athinë për prishje pazaresh të drogës. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 15/06/2022 11:26

    Nè hemisferèn shqiptare, jetègjatèsia e "tè fortève" dhe atyre qè hanè bukèn e krimit, nuk èshtè e gjatè. Mundojeni sadopak kujtesèn. Me siguri do iu bien ndèrmend me dhjetra emra "tè fortèsh",,varret e tè cilève, i pshurrin qentè sot. Ç,tè mbjellèsh, do korrèsh. Ky kètu, nuk bèn pèrjashtim.

    Përgjigju
  • Iris: 15/06/2022 01:21

    Molla bie nen molle.

    Përgjigju
  • Xxxxxxx: 14/06/2022 15:44

    Familje me taban haha

    Përgjigju
    • Vlora: 15/06/2022 00:30

      Sakt,figlio di putana.

  • ganiu: 14/06/2022 13:17

    Familje e degjeneruar,,,,ka shume familje te tilla .....shoqeria duhet ti beje bllok ketyre individeve......

    Përgjigju
  • Nana: 14/06/2022 11:52

    Si sna la dhe ne nana trashigimi.. Ajo mos qofte me mire, ishte e ndershme Na la fukara gjithe jete . Pffffff

    Përgjigju
    • Gjyshi: 14/06/2022 13:03

      Lere mos e nga se keta paskan qene familje me karakter te forte hahaha

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë me dy të plagosur, flet një dëshmitar: Sapo dëgjova të shtënat u shtriva barkas

Atentati në Vlorë me dy të plagosur, flet një dëshmitar: Sapo dëgjova të shtënat u shtriva barkas

18 Dhjetor, 23:05