POP 5

Lajmet më të lexuara të 5 minutave të fundit

Kronikë

Atentati ndaj kreut të Rithemelimit në Vaun e Dejës, ekspertiza: U vendos 50 gramë tritol! 6 të shoqëruar

50 gram lëndë eksplozive ka qenë sasia e vendosur në mjetin e kreu të degës së Rithemelimit në Vaun e Dejës. Ky është konkluzioni i arrirë nga forcat xhenio pas eksperimentimit të mjetit.
Në lidhje me ngjarjen e rëndë të një dite më parë në policinë e Shkodrës janë shoqëruar 6 persona ndërkohë ende nuk ka persona të ndaluar për shpërthimin me eksploziv.

VAU I DEJËS- 50 gram lëndë eksplozive ka qenë sasia e vendosur në mjetin e kreu të degës së Rithemelimit në Vaun e Dejës. Ky është konkluzioni i arrirë nga forcat xhenio pas eksperimentimit të mjetit që shpëtheu në momentin që Benard Ndreca i dha makinës. 

Në lidhje me ngjarjen e rëndë të një dite më parë, ku Benard Ndrecës i bënë një atentat me tritol në mjetin e tij, në policinë e Shkodrës janë shoqëruar 6 persona ndërkohë ende nuk ka persona të ndaluar për shpërthimin me eksploziv.Ndërkohë grupi i ekspertizës po analizon në detaje mjetin e Ndrecës për të rënë në gjurmët e 2 autorëve në momentin që montuan lëndën plasëse.

Sidoqoftë, shanset janë të pakta për shkak të shpërthimit. Grupi hetimor ka sekuestruar dhe kamera të tjera të sigurisë në zonë për të parë lëvizje të autorëve pasi janë larguar nga banesa e Ndrecës. Ende dyshimet janë të forta që mjeti mund të jetë shpërthyer me telekomandë. Benard Ndreca në një prenoncim për mediat u shpreh se nuk ka konflikte me askënd dhe se ky është një sulm i hapur politik. Ndreca bëri thirrje që politika të distancohet policia dhe të lënë qytetarët të lirë të votojnë. 

Kujtojmë se mëngjesin e djeshëm kreu i Rithemelimit për Vaun e Dejës, Benard Ndreca i ka shpëtuar një atentati me tritol i cili ishte montuar në mjetin e tij tip 'Audi'. Ngjarja e rëndë ndodhi rreth orëve të para të mëngjesit, në minutat e para kur Ngreca i dha makinës. Shpërthimi ishte i fuqishëm, por duke qenë se lënda plasëse në momentin e shpërthimit kishte rënë në tokë dhe nuk shpërtheu nga vendi ku ishte montuar, Ndreca ja doli të shpëtojë pa dëme. 

Fatmirësisht nga atentati pati vetëm dëme materiale. Report Tv siguroi edhe pamjet nga momenti i shpërthimit, por edhe nga montimi i lëndës plasëse në mjet, ku dy persona të maskuar vendosën 1 orë pas mesnatës një sasi tritoli. Autorët ende nuk janë identifikuar.  

Politika reagoi menjëherë. Çfti Meta-Berisha e sheh këtë sulm ndaj Ndrecës, (i cili fatmirësisht shpëtoi mrekullisht), si një sulm që vjen nga kryeministri. Ndërkohë, mazhoranca e ka dënuar aktin, ministrja e Shtetit për Marrëdhëniet me Parlamentin njëherësh edhe drejtuese politike e qarkut Shkodër, Elisa Spiropali e cila ka bërë thirrje që ngjarja të zbardhet urgjentisht.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ethem M.Lalaj: 12/04/2023 09:56

    BABAI TRITOLIT ËSHTË S.R.BERISHA.Që përgatiti Azem Hajdarin.Ky la pas një bandë xhupeblu me 100 persona.Tashmë bandën e drejton një TROPOJAN tjetër më i rrezikshëm,AK. ! Tritoli në V.Dejës është vënë nga RIVALËT brënda PD të copëtuar nga Sb.Pasi,PS nuk ka interes të merret me një PARTI TË VDEKUR DHE NJË NON GRATA PËR TURPIN E BOTËS. Fain e ka SPAK që ka lindur i VDEKUR QË NË 92 DHE I KAPUR NGA SB..!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51