POP 5

Lajmet më të lexuara të 5 minutave të fundit

Kronikë

‘Zbërthehet’ para policisë Vinçens Piroli, çon efektivët tek ‘X5’ që dyshohet se u përdor nga atentatorët

Një makinë BMV X5 është gjetur e braktisur nga policia e Shkodrës në lagjen Kiras , e cila dyshohet se mund të jetë përdorur nga atentatorët për plagosjen e Vincens Pirolit.

‘Zbërthehet’ para policisë Vinçens Piroli, çon efektivët tek ‘X5’ që dyshohet se u përdor nga atentatorët

Vincens Piroli

Një makinë BMV X5 është gjetur e braktisur nga policia e Shkodrës në lagjen Kiras , e cila dyshohet se mund të jetë përdorur nga atentatorët për plagosjen e Vincens Pirolit. Ende nuk ka asnjë të dhënë se në përdorim të kujt ka qenë makina, por burime për Report Tv, nga policia bëjnë me dije se mjeti është dërguar në Policinë e Shkodrës dhe grupi i ekspertizës po punon për gjetjen e gjurmëve të gishtave të cilat mund të zbardhin plagosjen. Gjetja e makinës është bërë pas marrjes në pyetje të plagosurit, Vincens Pirolit, i cili ka dhënë indicie për mjetin. Megjithatë policia e Shkodrës po punon për gjetjen e provave të cilat mund të ndihmojnë në zbardhjen e kësaj ngjarje e cila ende vijon të jetë e mbuluar me mister.

34-vjeçari Vinçens Piroli, i shpallur në kërkim ndërkombëtar nga Mali i Zi mbeti i plagosur në një atentat të dyshimtë në Shkodër, pasi u qëllua nga tre plumba, me një pistoletë silenciator. Ngjarja është e mbushur me mister dhe paqartësi dhe gjithçka bëhet edhe më konfuze ku dëshmia e Pirolit dhe ajo e të afërmit të tij që e çoi të plagosur në Spitalin e Lezhës janë kontradiktore. Ndërsa Piroli është shprehur se është qëlluar nga pas shpine teksa po ecte në këmbë, i afërmi i tij ka dëshmuar para bluve të Shkodrës se e kishte çuar 34-vjeçarin të takonte një person te ura e Bahçallekut dhe po e priste në makinë, por ai ishte kthyer i plagosur.

34-vjeçari është qëlluar nga pas shpine teksa po ecte në këmbë, me 3 plumba që e prekën një në shpatull dhe dy në pjesën e brinjëve. I plagosuri, i cili dyshohet se është vrasës me pagesë, pas plagosjes ka marrë në telefon një familjarin e tij, i cili e ka dërguar në spitalin e Lezhës, edhe pse plagosja ka ndodhur në Shkodër. Sipas dëshmisë së parë të 34-vjeçarit për policinë tha se erdhi në Spitalin e Lezhës pasi ndihej më i sigurt.

I plagosuri është dërguar më pas në Spitalin e Traumës në Tiranë dhe ndodhet jashtë rreziku për jetën. Atij i është komunikuar masa e arrestit me burg në spital me qëllim ekstradimin e tij në Malin e Zi, ku kërkohet si autor i një vrasje. Po ashtu policia ka arrestuar edhe kushëririn e tij Marjan Marku pasi akuzohet për moskallëzim krimi dhe pengim të së vërtetës.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Proda takohet me drejtuesit e rinj të komisariateve: Angazhimi juaj maksimal, thelbësor

Proda takohet me drejtuesit e rinj të komisariateve: Angazhimi juaj maksimal, thelbësor

21 Dhjetor, 15:11