POP 5

Lajmet më të lexuara të 5 minutave të fundit

Sport

Atleti i parë shqiptar në një gjysmëfinale Botërori, Burraj për Report TV: Dua të kualifikohem për Lojërat Olimpike

Atleti i parë shqiptar i cili u kualifikua për një gjysmëfinale të Botërorit, Franko Burraj, thotë për Report Tv se ishte stërvitur gjatë për këtë objektiv.

Franko Burraj është i pari atlet shqiptar për meshkuj i cili arriti të përfaqësojë Shqipërinë në gjysmëfinalet e një gare botërore për sallat e mbyllura. Në Skoci 27-vjeçari, i cili garon në disiplinën e shpejtësisë 400 metra, ishte vetëm 3 sekonda larg rekordit kombëtar që mbahet po nga ai vetë, ndërsa për Report TV atleti tregoi si ishte përgatitur dhe objektivat që kishte.

“Kemi shumë muaj që stërvitemi për këtë kampionat. Na shkoj shumë mirë pasi këtë kishim objektiv për të shkuar në gjysmëfinale. Pse jo, në vitet e ardhshme me më shumë stërvitje të shkojmë në finale,”-u shpreh atleti Burraj. 

Franko është një nga atletët e perspektivës, i cili ka mundësi të rritet shumë në rezultate, ndërsa këtë e tregojnë edhe objektivat që i ka vënë vetes.

“Synimet e mia janë të arrijmë sa më shumë rekorde, pse jo dhe medalje ndërkombëtare, që janë më të rëndësishmet për mua,”-tha ai.

2024 është vit Olimpik dhe çdo sportist ka për synim të jetë në Lojërat Olimpike të Parisit, por Franko ende s’e ka arritur.

“Besoj se do gjejmë garat kryesore për të mbledhur pikët olimpike dhe pse jo për të bërë një paraqitje shumë të mirë atje,”-deklaroi 27-vjeçari.

Franko stërvitjet e tij i zhvillon në Shkodër në pistën e stadiumit “Loro Boriçi” nën udhëheqjen e trajnerit Bruno Rrotani.

 

 

 

Ne.k./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu