Ndodh edhe kështu. Në maratonën e Britanisë së Madhe një nga atletet është përjashtuar pasi bëri një pjesë të garës hipur në makinë. Skocezja Joasia Zakrzewski përfundoi e treta në maratonën e Britanisë së Madhe, por 4 kilometra i kreu me makinë dhe për këtë arsye është pezulluar nga organizatorët.
Maratona nga Manchesteri drejt Liverpoolit është e gjatë 80 kilometra. 47-vjeçarja është parë sipas të dhënave të hartës duke përshkruar 1.6 kilometra për 1 minutë e 40 sekonda. Një mik i Zakrzewski-t, e cila është doktoreshë, tha se ajo ishte ndjerë sëmurë dhe ka kërkuar ndjesë për shqetësimin që është krijuar.
"Gara nuk shkoi sipas planit. Ajo tha se ndihej e sëmurë dhe e lodhur në garë dhe donte të largohej. Ajo ka bashkëpunuar plotësisht me organizatorët e garës, duke u dhënë atyre një llogari të plotë të asaj që ndodhi", tregoi Adrian Stott për BBC.
![](https://shqiptarja.com/template/img/NO_ALFA_Kuadrate shqiptarja.png)
Zakrzewski kishte fituar në shkurt një maratonë në Tajvan. Për Britaninë e Madhe ajo ka fituar disa medalje. Në vitin 2020 ajo fitoi një garë 24 orëshe që u mbajt në Australi. Zakrzeëski ka disa rekorde në Skoci dhe Britani.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)