Audio-përgjimet/ Rama: Gazetës së huaj i kanë shkuar llokum për të penguar hapjen e negociatave

Kryeministri Edi Rama u ndal në Kuçovë tek përgjimet e publikuara nga tabloidi gjerman 'Bild', duke thënë se ato nuk i ka zbuluar asnjë gazetar gjerman por i kanë shkuar llokum për të penguar hapjen e negociatave.

"Dëgjova Prokuroren e Krimeve të Rënda, e cila bëri një panoramë të përgjimeve, është e mjaftueshme për të parë se çfarë ka ndodhur dhe si ka ndodhur. Ndërkohë, kjo çështje duhet të kishte përfunduar dhe çdo fajtor të ishte dënuar. Kjo çështje është mbajtur në sirtar  në një ditë të zezë të partisë tjetër, për t’u përdorur si shantazh si muhabete për të çorodituar  dynjanë me muhabete që duhen hetuar. Mjafton të dish atë që e dijnë të gjithë.

Është nxjerrë dosja për propagandë politike në vend që të hetohen fajtorët. Ajo që është më e rënda është fakti që ky maskarëllëk bëhet jo vetëm për të sulmuar qeverinë po për të përbaltur Shqipërinë në sy të gjithë ndërkombëtare. Gazetës së huaj i kanë shkuar llokum për të penguar hapjen e negociatave. Unë nuk flas për antishqiptarë dhe armiq të brendshëm. Nuk e di nëse ata janë kaq të verbuar, por di se asnjë shqiptar që e do këtë vend dhe shtëpinë e tij pavarësisht se jeton apo jo këtu, nuk duhet t'ia bëjnë këtë Shqipërisë. Këtë asnjë shqiptar i ndershëm nuk duhet t'ia falë. Ne siç kemi bërë dallimin në çdo drejtim do e bëjmë edhe në këtë drejtim", tha Rama.

Lajmi kryesor:

Rama: Dosja 339 është mbajtur në sirtar për ditë të zeza! Gazetës gjermane i ka shkuar llokum

/r.k./Shqiptarja.com

TAG:
• edi rama
• zgjedhjet lokale 2019
• fushata zgjedhore 2019