Australia do i bashkohet vendeve që ofrojnë trajnime për trupat ukrainase në Britani

Australia është vendi i fundit që i është bashkuar një koalicioni shtetesh që ofrojnë trajnime për forcat ukrainase në Britani, shkroi Ministria Britanike e Mbrojtjes në faqen e saj në Twitter.

“Australia do t’i bashkohet listës së vendeve që kontribuojnë në programin e udhëhequr nga Britania për të trajnuar personelin ukrainas në Britani”, thuhet në një postim në Twitter nga ministria.

LEXO EDHE:
SHBA paketë e re ndihme afatgjatë për Ukrainën, 1 miliardë vetëm për mbrojtjen ajrore dhe artilerinë

Ministri i Mbrojtjes i Mbretërisë së Bashkuar Ben Wallace e ka vlerësuar këtë lajm përmes një deklarate të bërë nga ana e tij.

“Jam i kënaqur që trupat australiane do të mbështesin trajnimin e personelit ukrainas në Mbretërinë e Bashkuar nga viti 2023, duke iu bashkuar tetë vendeve të tjera partnere. Forcat e Armatosura të Australisë janë të klasit botëror dhe do të sjellin një pasuri të ekspertizës për të siguruar që miqtë tanë ukrainas të kenë njohuritë dhe aftësitë që u nevojiten për të mbrojtur vendin", thuhet në një deklaratë nga Wallace.

Lajmi kryesor:

Lufta në Ukrainë/ Putin falenderon rezervistët e mobilizuar për ‘patriotizmin’ e tyre! Kadyrov: 23 ushtarë çeçenë të vrarë në Kherson

K.T./S.C/Shqiptarja.com

TAG:
• Australi
• Britani e Madhe
• ukraine