I helmoi me kërpudha, vakti i drekës që u kthye në tragjedi! Kuzhinieria Australiane arrestohet për vrasje

Një grua australiane e dyshuar për helmimin e ish-vjehërrve të saj dhe disa të tjerëve me kërpudha vdekjeprurëse është akuzuar për vrasje dhe tentativë vrasjeje. Tre persona humbën jetën pasi Erin Patterson, 49 vjeç, u shërbeu mysafirëve në muajin korrik mish viçi Wellington, ku në pjatë përfshiheshin edhe kërpudhat.

Sipas raportimit të policsë, tre akuza për vrasje lidhen me drekën, ndërsa tre nga pesë akuzat për vrasje në tentativë janë të lidhura me incidente të veçanta midis viteve 2021-2022. Patterson deklaroi se është e pafajshme. Ajo tha se nuk i helmoi qëllimisht mysafirët e saj në drekën familjare në shtëpinë e saj në qytetin Viktoria të Leongatha më 29 korrik.

Raportet e toksikologjisë sugjerojnë se viktimat konsumuan kërpudha vdekjeprurëse. Ish-bashkëshorti i saj Simon Patterson ishte gjithashtu i ftuar në vakt, por nuk ia doli dot në minutën e fundit. Së bashku me tre akuzat për vrasje, Patterson është akuzuar edhe për dy akuza për vrasje në tentativë në lidhje me drekën e korrikut, raporton BBC.

Policia nuk ka dhënë detaje për dy akuzat për vrasje të mbetur në tentativë. Por, sipas raportimeve të policisë, një nga të ftuarit që ishte në vaktin e drekës u sëmur rëndë, por arriti që të mbijetonte.

Patterson gjithashtu është akuzuar edhe për tre akuza, për tentativë vrasje të lidhura me atë që policia tha se ishin tre incidente të veçanta ku supozohet se një burrë 48-vjeçar u sëmur pasi kishte ngrënë ushqimin midis viteve 2021 dhe 2022. Policia nuk ka dhënë më shumë detaje për këtë rast.

S.S/Shqiptarja.com

TAG:
• Australi
• vrasje
• Erin Patterson