AUSTRI- Një sipërmarrës japonez i quajtur Terukazu Fujisawa, ka shpenzuar 660 mijë euro për një aparat fotografik. Por ky që shohim në pamje nuk është një aparat i zakonshëm, por është i vetmi aparat në botë, që ka qenë në Hënë dhe më pas e kanë rikthyer në tokë. 


Bëhet fjalë për një Hasselblad 500 në ngjyrë gri, i përdorur nga astronauti Jim Irwin në vitin 1971, gjatë një misioni të Apolo 15. Dhe çmimi bazë për këtë ekzemplar ishte 80 mijë euro.


Aparati i çmuar është shitur në ankand në galerinë Westlicht në Vienë dhe është ekzemplari i vetëm që është rikthyer i pa shkatërruar nga misionet në Hënë të zhvilluar nga NASA. Shpesh, astronautët i braktisnin aparatet e rëndë në Hënë për të pasur më tepër hapësirë gjatë kthimit në tokë.

aparati fotografik
 Foto të tjera


Në shumë raste të tjerë, shkatërroheshin, për shkak të pluhurit hënor.


Redaksia Online
(o.b/shqiptarja.com)