COVID 19/ Austria dhuron 1 milion doza vaksinash për Shqipërinë dhe vendet e tjera të Ballkanit Perëndimor! Kurz: Jemi të sigurt nga pandemia vetëm nëse të gjithë janë të sigurt

COVID 19/ Austria dhuron 1 milion doza vaksinash për Shqipërinë dhe vendet e tjera të Ballkanit Perëndimor! Kurz: Jemi të sigurt nga pandemia vetëm nëse të gjithë janë të sigurt

Kancelari austriak, Sebastian Kurz

Austria do të shpërndajë 1 milion doza vaksinash kundër koronavriusit për Ballkanin Perëndimor, ku përfiton edhe Shqipëria. Kjo u bë me dije nga kancelari austriak, Sebastian Kurz, i cili thotë se një vend mund të jetë përfundimisht i sigurt nga pandemia, nëse të gjithë janë të sigurt, por nuk specifikon llojin e vaksinës që do të dhurohet për Rajonin.

"Austria do t'i sigurojë Ballkanit Perëndimor më shumë se 1 milion doza vaksinash. Sepse ne jemi përfundimisht të sigurt nga pandemia nëse të gjithë janë të sigurt", shkruan ai në Twitter.

Kjo deklaratë e Kurz vjen pas takimit të nivelit të lartë që ai zhvilloi sot me liderët e Ballkanit Perëndimor, ku e pranishme ishte edhe ministrja e Infrastrukturës dhe Energjetikës, Belinda Balluku. Në Twitter, pak para takimit,  Kurz u shpreh se Bashkimi Europian është i paplotë për Ballkanin Perëndimor, ndërsa siguroi mbështetjen për rajonin edhe për luftën kundër pandemisë.

“BE-ja s’është e kompletuar për sa kohë Ballkani Perëndimor nuk është pjesë e tij. Ju mund të konsideroni mbështetjen tonë për reformat e kërkuara për rrugën drejt BE-së, po ashtu edhe për luftën kundër pandemisë. Këtë do ta theksojmë edhe në samitin e sotëm të Ballkanit Perëndimor”, ka shkruar Kurz. 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS