Austriakë kanë filluar të votojnë mëngjesin e së dielës për ta zgjedhur Parlamentin e ri, ku partia e së djathtës ekstreme, Partia e Lirisë (FPO), synon ta korrë fitoren e parë në zgjedhje të përgjithshme në një garë të ngushtë me partinë konservatore në pushtet, Partia Popullore Austriake. Fushatë zgjedhore u mbizotërua nga shqetësimet e votuesve për ekonominë dhe emigracionin.
FPO-ja kryesoi me muaj të tërë në sondazhet publike, por epërsia e saj ndaj partisë konservatore (OVP) është tkurrur pothuajse plotësisht, pasi kancelari Karl Nehammer e paraqiti veten si burrështetas dhe e përshkroi rivalin e vet, liderin e FPO-së Herbert Kickl, si një njeri të rrezikshëm dhe toksik. Kushdo që i fiton këto zgjedhje nuk do të arrijë ta fitojë edhe shumicën në Parlament, sipas sondazheve, por do ta gëzojë të drejtën për ta udhëhequr koalicionin qeveritar.
Qendrat e para të votimit u hapën në orën 7:00 dhe do të mbyllen në orën 17:00. Rezultatet preliminare pritet të bëhen publike menjëherë pas mbylljes së votimit.
“Çështja është kancelari do emërohet nga radhët e FPO-së”, tha Katherin Stainer-Haemmerle, profesoreshë e shkencave politike në Universitetin Carinthia.
“Nëse ndodh kjo, atëherë më duhet të them se roli i Austrisë në Bashkimin Evropian do të jetë krejtësisht tjetër. Kickl ka thënë shpesh se [kryeministri i Hungarisë] Viktor Orban është shembull për t’u ndjekur për të dhe ai do ta mbajë këtë qëndrim”, shtoi ajo.
Fitorja e FPO-së do ta bënte Austrinë vendin më të fundit në BE që shënon rritje të mbështetjes për të djathtën ekstreme, pas vendeve si Holanda, Franca dhe Gjermania. FPO-ja është euroskeptike dhe miqësore ndaj Rusisë, si dhe kritike ndaj islamit dhe është zotuar për rregulla të ashpra ndaj azilkërkuesve.
Ajo e mposhti OVP-në për më pak se një për qind në zgjedhjet për Parlament Evropian në Austri qershorin e kaluar. OVP-ja, e cila sikurse FPO-ja mbështet rregulla më të ashpra për emigrantët, është partia e vetme e hapur për koalicion me partinë e së djathtës ekstreme. Megjithatë, Nehammer thotë se partia e tij nuk do t’i bashkohet një qeverie pjesë e së cilës është edhe Kickl./REL
Lajme të tjera
-
Austri/ Vrau një kryebashkiak, gjendet i vdekur gjahtari 56-vjeçar! Policia zbulon detajin tronditës
2 Nëntor, 17:55 -
Austri/ Qëllohet për vdekje një kryebashkiak, forcat speciale dhe helikopterë në kërkim të autorit
28 Tetor, 15:22 -
VIDEO/ Fillon Botërori i Skive, Lara Colturi renditet e 16-ta në botë
26 Tetor, 15:21 -
Austri, nesër nis kampionati i skive, Shqipëria përfaqësohet nga Lara Colturi! Toçi: Nesër nis aventura, duhet me patjetër të futemi në top 30
25 Tetor, 21:22 -
Austri: Të djathtës ekstreme nuk i kërkohet të formojë Qeverinë ndonëse fitoi zgjedhjet
22 Tetor, 23:01 -
Eduard Zaloshnja: Kur vagonat shtyjnë lokomotivën
21 Tetor, 15:17
-
Ekstremi i djathtë fiton zgjedhjet në Austri, por Kickl e ka të vështirë Qeverinë! Dështim historik për Socialdemokratët dhe Partinë Popullore, lajm i keq për Europën
30 Shtator, 07:48 -
E djathta ekstreme fiton zgjedhjet në Austri për herë të parë, sipas rezultateve fillestare
29 Shtator, 18:17 -
VIDEOLAJM/ Moti i keq në Europën Qendrore, Austria ‘nën pushtetin' e ujit
17 Shtator, 10:31 -
Avokatja e të dyshuarit për planifikim të sulmit në Vjenë tenton të ulë seriozitetin e rastit
11 Gusht, 15:16 -
Austri/ Arrestohet personi i tretë i dyshuar për organizimin e një sulmi në koncertet e Taylor Swiftit
9 Gusht, 18:08 -
Planifikuan sulm terrorist në koncertin e Taylor Swift, 19 vjeçari i arrestuar është me origjinë shqiptare nga Maqedonia e Veriut
8 Gusht, 09:09
