POP 5

Lajmet më të lexuara të 5 minutave të fundit

Kultura

Autizmi ‘flet’ përmes talentit dhe barrierat bien! Mbrëmje gala në hollin e Teatrit të Operas, mesazhi i të riut autik: T’i lëmë mënjanë paragjykimet

Teatri i Operas mirëpriti këtë të hënë të rinjtë me aftësi të veçanta, për një mbrëmje gala ku ‘Talenti nuk njeh barriera”. Në valle e këngë u bashkuan me ta edhe artistë të vegjël dhe të afirmuar. Në 5-vjetorin e krijimit të organizatës ‘Autizmi flet’, u theksua nevoja për qendra terapeutike

Holli i Teatrit të Operas, në Ditën Ndërkombëtare të të Drejtave të Fëmijëve, vishet me një larmishmëri ngjyrash e imazhesh që imagjinata e të rinjve me spektrin autik ka sjellë përmes pikturash e punimesh kreative. Organizata ‘Autizmi flet’, në këtë vit të 5-të të krijimit të saj ka dashur që zëri i tyre të dëgjohet.

“T’i lëmë mënjanë stigmat dhe  paragjykimet në lidhje me kufizimet intelektuale”, shprehet i riu me spektrin autik Tarkan Bashllari, që moderon mbrëmjen gala.

Me fjalë, muzikë apo kërcim, fëmijë e të rinj si Tarkan Bashllari ,edhe në skenë, ku mbahet mbrëmja gala ‘Talenti nuk njeh barriera’, japin mesazhet e tyre...  Familjarët janë aty për t’u dhënë mbështetjen, por edhe për të hapur një dritare më shumë për të njohur botën e personave me aftësi të veçanta.

“Prindërit e fëmijëve me nevoja të veçanta, në të vërtetë janë heronj. Ata janë edukatorë, janë teraupist, janë trajnerë sporti..., janë padyshim artist në shpirt për fëmijët e tyre”, shprehet Eglantina Bajrami, drejtore ekzekutive e ‘Autizmi flet’.

Artistë të njohur si Orgesa Zaimi dhe Ervis Behari interpretojnë disa nga këngët e tyre, ndërsa shoqërojnë performancat edhe Banda Frymore e Shkodrës, si dhe të rinj nga gjimnazi “Petro Nini”

Aty ku zemrat dhe mendjet hapen, arti bashkon dhe barrierat bien...

Motivet Kombëtare erdhën përmes valleve e kostumeve...

Kjo mbrëmje shërbeu edhe për të theksuar nevojën për krijimin e qendrave terapeutike për këta të rinj, si dhe për të shpalosur objektivin për firmosjen e një memorandiumi e Federatën Shqiptare të Futbollit, për ngritjen e skuadrave sportive për të rinjtë me nevoja të veçanta.

B.V//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46