“Përshëndetje. Unë jam Autizmi! Unë jam një fëmijë i diagnostikuar me autizëm. Shumë prej jush shkruan për mua sot, por a e dini çfarë jam unë?!
Autizmi është çrregullim neurobiologjik i zhvillimit, është i lindur dhe shfaqet në fëmijërinë e hershme. Teorikisht kështu mendojnë për mua, por unë nuk jam aspak i nofkëzuar fizikisht, përkundrazi. Unë vodha tiparet më të bukura të mamit dhe të babit dhe linda një bebe e bukur, e adhurueshme!
Unë nuk kam një zemër të ftohtë, përkundrazi, nëse ju më mësoni si të dua, si të përqafoj dhe të puth, do arrij të jem fëmija më i dashur dhe më sociali në botë.
Jam pak çapkën, sfidues dhe kundërshtues. Unë terapisten e dua shumë, por herë pas here nuk e kam xhan sepse më lodh me ato kërkesat dhe komandat e shumta, sidomos kur vonon të më japë lodrën apo çokollatën tim të preferuar, përforcuesin si e quajnë këta terapistët. Ama e dua shumë sepse më kënaq me lojëra të bukura, kërcime dhe hedhje pafund.
Babi dhe mami mërziten me mua kur unë i sfidoj, por harrojnë se unë në fund të fundit jam një fëmijë dhe pavarësisht autizmit, të gjithë fëmijët kanë teka, qajnë, sfidojnë, por kanë edhe turp.
Mos u mërzit o babi me mua kur unë nuk i jap dorën shokut tënd, kur nuk i them “përshëndetje” apo “paçim”, thjeshtë jam fëmijë, edhe unë lodhem! Mami, mos u mërzit me mua nëse nuk mësoj dot mirë në të gjitha lëndët, më beso, unë e adhuroj matematikën.
Unë dua thjeshtë të më doni kështu siç jam sepse jam thjeshtë një fëmijë normal më të mirat dhe mangësitë e mia. Me durim dhe vullnet ju mund të më mësoni shumë gjëra. Mund të më mësoni se si të jem një fëmijë i dashur, i strukturuar, i pavarur dhe me unitet. Ju lutem, më falni dashuri!”
Sot, Në ditën Botërore të Autizmit, Letrën e shkrova unë, terapistia ABA dhe Logopedia që jam marrë me këta engjëj të vegjël, duke u bazuar tek ajo që kam parë dhe përjetuar çdo ditë teksa zhvilloja terapi me ta. Ndaj e shkrova duke uruar e shpresuar se një ditë këto dashuri, të mund shkruajnë vetë për veten e tyre, pasi duke parë potencialin e tyre, unë besoj fort se ata do të munden.
Lajme të tjera
-
Studimi i lëvizjeve të bebeve mund të paralajmërojë për autizmin
25 Gusht, 20:26 -
Këngëtarja shqiptare zbulon se fëmijët e saj janë me autizëm: Engjëj që japin dashuri pa kushte
23 Maj, 13:01 -
Psikologia Elona Hasko: Kujdesi i veçantë që duhet të tregojmë me fëmijët autikë
10 Prill, 17:20 -
Dita Ndërkombëtare e Autizmit, Presidenca ‘vishet’ ngjyrë blu
2 Prill, 21:11 -
Çdo ditë betejë për të fituar ‘luftën’, 2 djem sfidojnë autizmin për ëndrrat! Beneti kamerier, Laerti: Do bëhem mësues! Nënat: Na duhet ndihmë
2 Prill, 18:22
-
Punimet e fëmijëve me autizëm shiten tek sheshi ‘Skënderbej’, paratë shkojnë për nevojat e tyre! 17 vjeçari ekspozon pikturën e tij kuqezi
2 Janar, 19:28
-
Autizmi ‘flet’ përmes talentit dhe barrierat bien! Mbrëmje gala në hollin e Teatrit të Operas, mesazhi i të riut autik: T’i lëmë mënjanë paragjykimet
21 Nëntor 2023, 15:47
-
SPECIALE/ Asnjë sfidë nuk është e pakalueshme kur udhëheq dashuria, rrugëtimi i Lorit me djalin e saj Tomasin, që vuan nga autizmi
8 Prill 2023, 18:07
-
Dita Ndërkombëtare e Autizmit, Presidenca ‘vishet’ ngjyrë blu! Begaj: Më shumë dashuri ndaj personave me çrregullime të spektrit autik
2 Prill 2023, 19:39 -
Dita botërore e Autizmit, rrëfehet nëna e Sidritit: Si e kuptova që kishte diçka që s’shkonte, terapia e ndihmon por kushton! Shteti na jep vetëm pagën minimale
2 Prill 2023, 19:09
-
Muaji i ndërgjegjësimit për autizmin, prindërit: Kushi e vetmja që s'priti fëmijët autikë! Shërbimet për trajtimin të pamjaftueshme
22 Prill 2022, 20:20
-
Mos thuaj kurrë ‘Përse mua?’...Nga nëna e një fëmije me autizëm
2 Prill 2022, 17:51
