Autoritete doganorë greke njoftojnë palën shqiptare: Nuk do të lejohen mjetet e rënda të hyjnë në Greqi

Për shkak të kushteve të vështira të motit, në territorin Grek nuk do të lejohet qarkullimi i mjeteve të tonazhit të rëndë për një hark kohor deri në përmirësimin e kushteve të motit.

Kështu ka njoftuar Drejtoria Vendore e Kufirit dhe Migracionit Gjirokastër, ku më tej bën me dije se do të lejohet qarkullimi i autoveturave vetëm me zinxhirë.

Po ashtu Policia Kufitare e Kakavije iu bën thirrje të gjithë drejtuesve të mjeteve të tonazhit të rëndë që duan të udhëtojnë drejt Greqisë, që  të shmangin udhëtimin deri në përmirësim të kushteve të motit

‘Autoritetet e Policisë greke, në bazë të një njoftimi që i kanë dërguar Policisë Kufitare Kakavije, sqarojnë se për shkak të kushteve të vështira të motit, në territorin Grek nuk do të lejohet qarkullimi i mjeteve të tonazhit të rëndë për një hark kohor deri në përmirësimin e kushteve të motit. Ndërkohë do të lejohet qarkullimi i autoveturave vetëm me zinxhirë.

Policia Kufitare e Kakavije iu bën thirrje të gjithë drejtuesve të mjeteve të tonazhit të rëndë që duan të udhëtojnë drejt Greqisë, që  të shmangin udhëtimin deri në përmirësim të kushteve të motit.’- njoftojnë autoritete e policisë kufitare Kakavijë.

M.Q./Shqiptarja.com

TAG:
• greqi
• Gjirokaster
• kakavije