Fermerë të lagjes Drizë në Fier janë ngritur në protestë mëngjesin e së enjtes duke kërkuar dëmshpërblim për sipërfaqen me ullinj që do tu merret nga shteti për të ndërtuar linjën energjetike 400 KV, Shqipëria-Maqedonia e Veriut.
Ky projekt shtrihet në një sipërfaqe prej 400 mijë metër katror ku preken 21 fermerë dhe 8 prej tyre thanë se tokat i kanë të kultivuara me ullinj 20- vjeçarë. Sipas banorëve, dëmshpërblimi për rrënjë ulliri është qesharak ndërsa ka dhe matje të gabuara të sipërfaqeve të tyre.
“Shteti nuk na vlerëson për tokat. Kam 2 dynym e 700 m, ata e kanë vendosur 2 dynym e 30 metra. Për ullinjtë na kanë dhënë 5 mijë lek për rrënjë. Kjo shumë është tejet e ulët, sepse unë ullinjte i kam kujdesur si të ishin fëmijë”, tha një e moshuar. Ndërsa një tjetër banor tha se “OST kërkon t’i shkulë 130 rrënjë ullinj pa i dhënë ende shumën e kompensiomit”.
Këto toka janë ndarë me ligjin 7501 dhe pjesa më e madhe e banorëve zotërojnë aktin e marrjes në pronësi, por jo certifikatën e pronësisë, gjë që ka sjellë mungesën e dëmshpërblimit. Ndërkohë drejtori i projekteve në OST, Dorjan Sejamini ka pohuar se bashkohet me shqetësimin e banorëve, teksa ka premtuar ndihmesë në etapat e aplikimit për plotësimin e dokumentacionit të saktë.
“Banorëve të prekur nga projekti u është sqaruar se do marrin kompensimin ekstra përtej shumës së përcaktuar në VKM. Janë të lutur të paraqesin dokomentacion përkatës sipas ligjit. Ne kërkojmë të mos ketë vonesa, sepse projekti po zhvillohet me kredi dhe çdo qytetar i Shqipërisë paguan për këtë kredi”, tha Dorjan Sejamini drejtor i projekteve në OST.
Linja e transmetimit 400 kV Shqipëri – Maqedoni e Veriut do të kushtojë 70.131 mln euro. Buxheti është siguruar përmes një kredie nga Banka Gjermane për Zhvillim (KfË ) dhe një granti nga “Korniza e Investimeve të Ballkanit”, instrument ky i Bashkimit Evropian. Loti i parë përfshin ndërtimin e shtyllave të transmetimit Elbasan – Qafë Thanë dhe Elbasan – Fier, ndërsa loti i dytë përfshin ndërtimin e nënstacionit 400 kV Elbasan si dhe zgjerimin dhe përforcimin e nënstacionit Fier.
Lajme të tjera
-
Aksident në Fier, makina përplaset me motorrin, plagoset 1 person
27 Nëntor, 16:11 -
Gjykata e Fierit sekuestron mbi 1 mln euro pasuri të financuesit të laboratorit të kokainës në Frakull! Dhjetëra apartamente në Tiranë e Durrës (EMRI+LISTA)
27 Nëntor, 10:46 -
Vlorë/ 250 punonjës të Fasonerisë në protestë për kushtet e punës, 8 muaj nuk paguhen siguracionet
27 Nëntor, 09:06
-
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21 -
Fier/Përplasi për vdekje 61 vjeçaren, arrestohet autori! E la në mes të rrugës
26 Nëntor, 13:48 -
E rëndë në Fier/ Gruaja bie nga kati i shtatë i pallatit, ndërron jetë
26 Nëntor, 13:06 -
PD ‘mosbindje civile’ me orar, bllokojnë rreth 3 orë 5 kryqëzimet e Tiranës! Deputetët përplasen me policinë, shpërndahen me ujë e gaz! Shoqërohen 44 protestues (VIDEO)
26 Nëntor, 08:50 -
Fier/ Një grua gjendet e plagosur rëndë anash rrugës, vdes më pas në spital! Dyshohet se u aksidentua nga një mjet, hetime për drejtuesin
25 Nëntor, 19:10 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh
24 Nëntor, 19:34
-
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
Tentoi të vriste 47 vjeçarin në Fier, arrestohet pas 3 vitesh
24 Nëntor, 10:39
