POP 5

Lajmet më të lexuara të 5 minutave të fundit

Bota

Avioni ushtarak amerikan rrëzohet në Detin e Kuq, dyshohet se ishte aksidentale

Dy pilotët e avionit F/A-18 Hornet të Marinës Amerikane arritën të shpëtojnë duke u hedhur me parashutë. Njëri prej tyre ka pësuar lëndime të lehta, sipas Komandës Qendrore të SHBA-së.

Avioni ushtarak amerikan rrëzohet në Detin e Kuq, dyshohet se ishte aksidentale

Avioni luftarak F/A-18

Një avion luftarak amerikan është rrëzuar mbi Detin e Kuq në një incident të dyshuar si "zjarr miqësor", ka njoftuar ushtria amerikane.

Dy pilotët e avionit F/A-18 Hornet të Marinës Amerikane arritën të shpëtojnë duke u hedhur me parashutë. Njëri prej tyre ka pësuar lëndime të lehta, sipas Komandës Qendrore të SHBA-së.

Incidenti ndodhi pas një serie sulmesh ajrore të kryera nga SHBA kundër një magazinë raketash dhe disa qendrave komanduese në kryeqytetin jemenas, Sana, të operuara nga militantët Houthi të mbështetur nga Irani.

Komanda Qendrore e SHBA-së konfirmoi gjithashtu se ka goditur disa dronë Houthi dhe një raketë lundrimi kundër anijeve mbi Detin e Kuq.

Në një deklaratë, Komanda Qendrore sqaroi se incidenti i "zjarrit miqësor" u shkaktua nga anija luftarake USS Gettysburg, pjesë e grupit luftarak të aeroplanmbajtëses USS Harry S. Truman.

"USS Gettysburg gabimisht hapi zjarr dhe goditi avionin F/A-18, i cili po operonte nga USS Harry S. Truman," thuhet në deklaratë.

Nuk është ende e qartë nëse avioni i rrëzuar kishte marrë pjesë në operacionet kundër Houthi-ve në Jemen.

Më herët, Komanda Qendrore kishte deklaruar se sulmet në Sana kishin si synim "të prishnin dhe dobësonin operacionet e Houthi-ve, përfshirë sulmet ndaj anijeve luftarake dhe tregtare amerikane në Detin e Kuq, Bab al-Mandeb dhe Gjirin e Adenit".

Ushtria amerikane po ashtu njoftoi se kishte neutralizuar disa dronë Houthi dhe një raketë lundrimi në Detin e Kuq, shkruan BBC.

S.G/Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Gjermani/ Kalimtarët sulmohen me thikë në një park në Bavari, dy të vdekur dhe disa të plagosur

Gjermani/ Kalimtarët sulmohen me thikë në një park në Bavari, dy të vdekur dhe disa të plagosur

22 Janar, 13:55