Avionët ushtarakë izraelitë kryen sulme të reja ajrore në Rripin e Gazës

Avionët ushtarakë izraelitë kryen sot sulme ajrore në Rripin e Gazës, me objektiv pozicionet e grupit militant Xhihadi Islamik.

Sulmet ndodhën disa orë pasi Forcat Mbrojtëse të Izraelit njoftuan se militantët në Gaza hodhën të paktën 25 mortaja në drejtim të Izraelit jugor.

Në deklaratën izraelite thuhej se shumica e predhave u interceptuan nga sistemi i mbrojtjes raketore. Disa prej tyre ranë në zona të hapura. Nuk ka patur njoftime për dëmtime.

LEXO EDHE:
Lufta në Gaza/ Qeveria izraelite konfirmon vdekjen e një pengu, të mbajtur nga Hamasi prej 7 tetorit

Gjatë dy muajve të fundit tensionet përgjatë kufirit kanë qenë të larta. Palestinezët protestojnë duke bërë thirrje që t’u garantohet e drejta për t’u kthyer në tokën nga e cila u larguan me forcë gjatë periudhës së krijimit të shtetit të Izraelit në 1948.

Ata protestojnë gjithashtu kundër bllokadës që është në fuqi ndaj Gazës prej më shumë se një dekade si dhe ndaj zhvendosjes së ambasadës amerikane nga Tel Avivi në Jerusalem.

Që nga fundi i muajit mars forcat izraelite kanë vrarë të paktën 115 palestinezë, duke nxitur kritika për përdorim të tepruar force. Izraeli ka fajësuar grupin militant të Hamasit për nxitje të dhunës dhe thotë se ka vepruar për të mbrojtur kufirin.

TAG:
• Izrael
• Sulme ajrore
• Ripi i Gazes

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.7%

• Jo

  28.7%

• Nuk e di

  7.5%

Vota total: 2033

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di