POP 5

Lajmet më të lexuara të 5 minutave të fundit

Arkiva

Avioni i humbur indonezian
ndalohen kërkimet prej errësirës

Një avion Indonezian me 162 pasagjerë në bord ka humbur kontaktin me kullën e vrojtimit ajror, duke u shpallur i zhdukur. Fluturimi QZ8501 i ‘AirAsia’ u shpall i humbur ne orën 07:24 të së dielës gjatë fluturimit nga Indonezia drejt Singaporit. Avionët ushtarakë që po kërkonin në zonën e detit Java kanë raportuar se janë pezulluar kërkimet për shkak të errësirës. 
FOTO
Një avion Indonezian me 162 pasagjerë në bord ka humbur kontaktin me kullën e vrojtimit ajror, duke u shpallur i zhdukur. Fluturimi QZ8501 i ‘AirAsia’ u shpall i humbur ne orën 07:24 të së dielës gjatë fluturimit nga Indonezia drejt Singaporit.

Sipas zyrtarëve të kompanisë avioni u zhduk për rreth dy orë gjatë fluturimit, pasi kapiteni kish kërkuar një ‘devijim’ nga itinerari i zakonshëm, për shkak të kohës së keqe. Ministria e Transportit të Indonezisë tha se piloti kish kërkuar të ngjitej në lartësinë mbi 11,000 metra për të shmangur retë e dendura, por raportohet se nuk ka patur asnjë thirrje shqetësuese për probleme të mundshme nga ana e ekuipazhit.

Ministri i transporteve ka bërë me dije se deri më tani nuk është gjetur asnjë e dhënë mbi avionin, duke përgënjeshtruar disa zëra për gjetjen e disa pjesëve të saj. Avionët ushtarakë që po kërkonin në zonën e detit Java kanë raportuar se janë pezulluar kërkimet për shkak të errësirës.

Kompania raportoi se në bord ndodhen 155 pasagjerë, mes tyre 138 të rritur, 16 fëmijë dhe një foshnjë, bashkë me dy pilotë dhe 5 pjestarë të stafit. Shumica e personave ishin indonezianë me vëtëm 6 udhëtarë me kombësi të ndryshme, 4 Koreano Jugorë, një francez, një Malajzian dhe një nga Singapori.

Linja e fluturimit ka hapur një numër emergjence për të gjithë familjarët, duke bërë thirrje paraprakisht për të qëndruar të fortë. Ky është rasti i tretë i problemeve të tilla pas dy rasteve të kompanisë Malajziane me zhdukjen e avionit MH370 me 239 pasagjerë në bord si dhe ajo e incidentit MH17 në zonën e luftës në lindje të Ukrainës me 298 pasagjerë të vdekur.

avioni i zhdukur
avioni i zhdukur
avioni air asia

Redaksia Online
(xh.k/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Eduard Shalsi nis ‘punën’ si drejtues politik: PS do ta transformojë Kukësin si gjithë Shqipërinë

Eduard Shalsi nis ‘punën’ si drejtues politik: PS do ta transformojë Kukësin si gjithë Shqipërinë

10 Janar, 16:48 nga Benet Beqiri