POP 5

Lajmet më të lexuara të 5 minutave të fundit

Politikë

Avokatët e Fredi Belerit do kërkojnë sërish lirimin, media greke: Humb mandatin nëse s'betohet deri në 15 shtator

15 shtatori është afati i fundit në të cilin Fredi Beleri humb mandatin nëse nuk betohet si kryebashkiak. Mediat greke duke iu referuar avokatëve, thonë se para këtij afati mbrojtësit ligjorë do të dorëzojnë në SPAK një kërkesë të re për lirim.

Avokatët e Fredi Belerit kanë paralajmëruar një tjetër kërkesë në SPAK për lirimin e kryebashkiakut të zgjedhur të Himarës i cili ndodhet në burg i arrestuar prej 12 majit me akuzën e blerjes së votave. Duke iu referuar protestës së një grupi individësh në Himarë më 14 gusht, gazeta greke “Prototema” shkruan se në ditët në vijim avokatët do të dorëzojnë në Prokurorinë e Posaçme Antikorrupsion Shqiptar një kërkesë të re për lirimin e Belerit.

Sipas artikullit, ata do të kërkojnë lirimin me kushte shtrënguese, pasi data 15 shtator konsiderohet si  një ditë kritike. Nëse deri në këtë kohë i zgjedhuri në Himarë ende nuk është betuar, ai rrezikon mandatin ndërsa zgjedhjet për kryetar bashkie duhet të përsëriten. Pas prangosjes së Fredi Belerit më 12 maj bashkë me anëtarin e shtabit elektoral Alfred Kokoneshi, gjykata e Vlorës dhe më pas GJKKO, kanë refuzuar disa kërkesa të avokatëve për lirim. Edhe pse u shpall fitues me një diferencë të vogël votash, Beleri nuk arriti të betohej në mbledhjen e këshillit bashkiak më 26 korrik pasi gjykata refuzoi t’i japë leje dalje të përkohshme nga burgu.

Një grup i vogël personash protestuan në Himarë më 14 gusht në mbështetje të Belerit. Të pranishëm ishin edhe kryetari i bashkisë së Athinës, Kostas Bakojanis dhe kryebashkiaku i Selanikut, Konstantinos Zervas. Kryeministri Edi Rama në një reagim një ditë pas grumbullimit në Himarë theksoi se akuzat ndaj Belerit janë çështje e drejtësisë. Ai vuri në dukje marrëdhëniet e mira me qeverinë dhe popullin grek por tha se ky është një rast i rrallë kur të zgjedhurit e një shteti protestojnë kundër vendimeve të gjykatave në një shtet tjetër.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 17/08/2023 02:24

    Nuk eshte fundi i botes se humb mandatin.Meqe greket na kujtojne cdo here se c'd.m.th. demokraci dhe rregullat e saj sa here qe na kujtojne dhe /Fredin e tyre/,atehere e ka te hapur rrugen pasi te kete zgjidhur me menyra ligjore e demokratike problemet me drejtesine,te konkuroje prape po ne menyre demokratike e ligjore.

    Përgjigju
  • granit: 16/08/2023 14:31

    Fashistet grek mbrojne agjentin e tyre.

    Përgjigju
    • Ilir Metaj: 16/08/2023 15:29

      Nuk është agjent. Ashtu si unë që s'jam spiun i grekut dhe pikë.

  • Klaus: 16/08/2023 14:28

    Nga nje kerkese ne jave cojne! Mbajeni aty qenin dhe kush e liron qe te betohet kryen tradheti kombetare!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu