Receta

Axhem pilaf nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 18 Nëntor 2022, 11:08 | Përditesimi: 18 Nëntor 2022, 11:09

Axhem pilaf

Përbërësit:

350 gr oriz
1 fk makarona fidhe
1 qepë
1 limon
2 lgj vaj ulliri
2 lgj gjalpë
Buljon mishi
Koncentrat perimesh
Kripë, piper i zi
Djathë i fortë i grirë

Përgatitja:

LEXO EDHE:
Qofte me bukë dhe erëza, pa kosto fare dhe fantastike në shije nga zonja Albana

Fillimisht lajmë orizin, kullojmë ujin dhe e spërkasim me lëng limoni. Në një tigan me gjalpë dhe vaj ulliri kaurdisim makaronat fidhe derisa të marrin pak ngjyrë, më pas shtojmë orizin dhe vazhdojmë kaurdisjen. Sapo kokrrat e orizit të fillojnë të zbardhen shtojmë qepën e grirë shumë imët dhe e kaurdisim për 3-4 minuta. Më pas shtojmë buljonin e mishit së bashku me koncentratin e perimeve. Regullojmë shijen me pak kripë dhe piper dhe e lemë pilafin të ziejë për rreth 20 minuta. E servirim të ngrohtë spërkatur me djathë të fortë kaçkavall.

MC/Shqiptarja.com

TAG: